Nefel

[ ÎNÊ, 2024-04-19 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Ciwanên kurd sermahiya Stockholmê bi govenda kurdî germ kir

STOCKHOLM, 20/12 2010 — Li paytextê Swêdê Stockholmê Komeleya Ciwanên Kurd, Komciwanê şahiya xwe ya payizê pêkanî. Komên cida yên zarok û ciwanan ji xabatên xwe yên termîna payizê gelek nimûneyên govenda kurdî bi germî pêşkêşî dêûbavan û beşdaran kirin.

Di bernameyê de pênc komên govendê ji folklora kurdî ya dewlemend nimûneyên bijare nîşan dan. Koma tembûrê bi rêberiya mamosta Yaşar meqamê ”Malan bar kir” pêşkêş kirin. Koma tekvando hunerên xwe yên ”şerkirinê” rayî temeşevanan dan. Mamostayê muzîkê Yaşar bi miqam û stranên kurdî rengekî xweş da şahiya îsal.

Wek her carê îsal jî siyasetmedar û nivîskarê kurd Kemal Burkay mêvanê şahiya zarok û ciwanan bû. Wî kêfa xwe bi kurmanciya serokê Komciwanê Ferhat Sonmez re anî. Ji der û dora xwe pirsî “ev xort ji kû ye”? Gotin ji Şirnexê ye. Wî bêtir kêfa xwe anî ko “kurmanciyeke hevpar peyda bûye. Herkes bi rehetî dikare ji vê kurdîyê fêm bike”. Zarok, ciwan û dê û bavan heta nîvê şevê li ber muzîka kurdî, def û zurnê govend gerand. Li welatê Skandinavya li Swêdê derva sar bû, berf û bager bû, lê li hundirê salonê bi def û zurna kurdî, bi miqam û govenda kurdî germ bû. Li vir Nûrê ya deh salî û Kemal Burkayê heftê û sê (73) salî bi qasî hev kêfxweş û bextewar bûn.

Şevbihêrka payîza îsal jî bi xweşî derbas bû. Şevbihêrkê bi axftina serokê Komciwanê Ferhad Sonmez dest pê kir. Sonmez di axaftina xwe da bi kurtî behsa armanc û xebatên komelê kir. Wî da xuya kirin ko hejmara endamên komelê her diçe zêdetir dibe. Sonmez got ko beşdariya gelek zarok û ciwanan di van çalikiyên komelê de wan bêtir li xebatê germ dike û spasdariya xwe ji bo mamosteyên kursên folklorê Atilla, Sorgul, Mîrza, Zerya û mamostayê tembûrê Yaşar, mamostayê zimanê kurdî Haluk Ozturk û hevkar û rêvebirekî Komciwanê yê berê Şukrî Demîr kir.

Şukrî Demîr nuha jî wek şêwirmendekî komeleya ciwanan roleke baş dilîze. Bernama şevbêrkê bi kurdî û swêdî ji alîyê Zerya Ozturk û Mîrza Karaduman Bîngol ve hat meşandin. Li ser navê Federasyona Komeleyên Kurdistanê li Swêdê Çiyavan Şerîfî û li ser navê Yekitiya Jinên Kurd li Swêdê xanim Kurdîye Kanat axifîn û xebatên Komciwanê pesinandin û jê ra serfifirazî daxwaz kirin. [HALUK OZTURK]

-----------------------------------

Nivîskar: Nefel-Nûçe
Weşandin: 2010-12-20
Xwendin: 3250