Nefel

[ PÊNCŞEM, 2024-04-25 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Mistefa: Heger rêya qanûnî hebe pêwistî bi rêyua qaçaxî nîne


	» Felah Mistefa

HEWLÊR, 21/4 2014 — Berpirsê fermangeha peywendiyên derve ya Kurdistanê Felah Mistefa got divêt bi hişmendî danûstandin digel mijara kolana xendekên di navbera başûrê Kurdistanê û Kurdistana Sûriyeyê de bêt kirin û got:

— Hikûmeta herêma Kurdistanê pêbenda rêkeftin û peymanên navdewletî ye û rêzê li sînorên navdweletî digire. Ew aliyên ko di heqê kolana xendekan de hikûmeta Kurdistanê tohmetbar dikin hemî mizayedeya siyasî dikin û ne tiştekî dî.

Ev daxwiyaniya Felah Mistefa piştî wan îdîayan hat ko qaşo hinek alîgirên Partiya Yekîtiya Demokratîk êrîşî nûnertiya Kurdistanê ya li Parîsê kirine û xistine bin kontrola xwe. Mistefa red kir ko nûnertiya Kurdistanê ketibe jêr kontrola alîgirên PYD-ê û got:

— Deriyê nûnertiya Kurdistanê li Parîsê ji her kesî re vekirî ye, herwiha aramî û ewlekariya hevwelatiyan erkekê me ye û hemî kes dizane ko em li devereke hestyar ya Rojhilata Navîn dijîn. Herêma Kurdistanê herêmeke meşrû ye, ji aliyê navdewletî ve îtîraf pê hatiye kirin, li ser asta navnatewî peywendî digel tên danîn, lewma em daxwaz dikin ko bi awayekî têgehiştî danûstandin digel vê mijarê were kirin, ji ber em wek hikûmeta herêma Kurdistanê pêbendê girêbest û peymanên navdewletî ne û rêzê li sînorên navdewletî digirin.

Mistefa tohmetbarkirina hikûmeta Kurdistanê wek mizayedeya siyasî bi nav kir û got:

— Me di hemî civînên xwe yên digel berpirsên navdewletî yên xwedan biryar û navendên cîhanî bi zelalî berevaniya mafê gelê kurd yê rewa li Sûriyeyê kiriye, me ji wan jî xwestiye alîkariya gelê kurd were kirin, da bighin mafên xwe yên rewa, loma ew tişta derbarê xendekan de tê gotin tenê mizayedeya siyasî ye û ne tiştekî dî. Herêma Kurdistanê deriyên xwe ji wê hejmara zêde ya koçberên Sûriyê re vekirine û alîkariya wan kiriye, vêca dema rêya yasayî hebe çima hinek dixwazin bi qaçaxî werin, gelo berjewendiya Kurdistanê di çi de ye ko ew sînor wiha vekirî bimîne.

-----------------------------------

Nivîskar: Nefel-Basnews
Weşandin: 2014-04-21
Xwendin: 2012