Nefel

[ ŞEMÎ, 2024-04-20 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Li gor KCK-ê siyaseta Be‘sê dê bi ser keve


	» Cemil Bayik

HEWLÊR, 22/4 2014 — KCK-ê îro bi daxuyaniyekê rexne li desthilata başûrê Kurdistanê girt û got "siyaseta xendekçîtiyê" bi ser nakeve û ji xelkê Kurdistanê xwest ko li hemberî vê bêdeng nemînin.

PKK-ê û KCK-ê van demên dawiyê kar û emelê xwe kirine dijminahiya başûrê Kurdistanê û li her cihê ko destê wan bigihiyê kampanyayan li dijî başûr organîze dikin. Dema ko mirov li reftarên PKK-ê û KCK-ê temaşa dike haletekê desperesyonê (bêçaretiyê) di gotin û kirinên wan de diyar dibe.

PKK û KCK bi rêya PYD-ê li Kurdistana Sûriyeyê hevkariya rejîma Be‘sê û Beşar Esed dikin û zilm û zordariyê li miletê kurd dikin û rê li ber partiyên siyasî yên kurdan jî digirin. Ji ber siyaseta dîktatorî ya PKK-ê û PYD-ê zêdetirî 250 000 kurdên wî aliyî reviyane û hatine başûrê Kurdistanê.

PKK-ê û rêxistinên terorîst yên Sûriyeyê tixûbê başûr û rojavayê Kurdistanê ji xwe re kiribûn dergehê hatin û çûnê, birin û anîna sîlehan û neqilkirina çek û teqemeniyê. Bi van kiryarên xwe PKK û rêxistinên terorîst yên Sûriyeyê bûbûn xetereka mezin li ser ewlekariya başûrê Kurdistanê. Lewra jî hikûmeta Kurdistanê biryar da ko li ser tixûbî li cihên ko kontrola wan zehmet e xendekan bikole da rê li ber transporta qaçax ya bi otomobîlan bigire.

Hikûmeta Kurdistanê dergehê resmî digel Kurdistana Sûriyeyê heye û ew dergeh hertim vekiriye lê belê PKK û PYD naxwazin wî dergehî bi kar bînin û dixwazin bi keyfa xwe di rêyên "qaçax" re biçin û bên. Ev helwêsta PKK-ê û PYD-ê bêrêziyeka mezin e li hemberî serweriya Kurdistanê û diyar dike ko ew ti îtirafê bi Kurdistanê û hikûmeta Kurdistanê nakin.

PKK bi îradeya xwe ya herî bilind Abdullah Ocalan di bin emr û fermanên MIT-ê û dewleta Tirkiyeyê de ye û şerm nake behsa "siyaseteka neteweyî" dike û PDK-ê bi tifaqeka digel Tirkiyeyê li hemberî PKK-ê û PYD-ê tawanbar dike.

KCK di daxuyaniya xwe de rexneyan li PDK-ê digire û dibêje:

— Krîtera esasî ya welatparêzî û parastina berjewendiyên gelê kurd helwêsta li beranberî şoreşa rojava ye. Her tişta ko li derveyî vê bêt gotin û her gava ko bêt avêtin tenê dikare wekî têkiliyeka nehênî û tifaqeka nehênî bêt bi nav kirin. Lewra gerek tevgera PDK-ê dest ji vê helwêsta xwe ya ko li her cihê Kurdistanê dibe sebeba reaksiyonên mezin berdaba lê belê bi daxuyaniyên xwe yên nû nîşan didin ko ew dê helwêsta xwe ya negatîv li hemberî rojava berdewam bikin û ev jî xizmeta yekîtiya neteweyî nake û kurd li hemberî vê bêdeng namînin.

PKK-ê siyaseteka neteweyî nîne. PKK wekî rêxistineka dewleta Tirkiyeyê hertim xizmetê ji bo Tirkiyeyê dike û nuha jî BDP-ê fesix dike û tevlî rêxistina kemalîstan û çepan HDP-ê dike. PKK û rêberê wê Ocalan ji bo bakurê Kurdistanê federasyonê jî zêde dibînin û behsa "xweseriya demokratîk" ya bi rêya belediyeyan dikin û hîç dozeka wan ya siyasî ji bo miletê kurd nîne.

Li Kurdistana Sûriyeyê jî PKK û PYD wekî mitefiqa rejîma Beşar Esed û Be‘sê kar dikin û kantonên kartonî ava kirine. Her roja ko rejîma Sûriyeyê cihê lingên xwe saxlem bike dê ji PYD-ê re bibêje çekdarên xwe ji nêv bajaran derxe û dê derkeve ortê ko kanton jî karton in û li ber bayê diçin.

Desthilata Kurdistanê ne mimkin e ko tixûbê xwe yê digel Kurdistana Sûriyeyê bêkontrol û beredayî bihêle û rê bide PKK-ê û rêxistinên terorîst yên Sûriyeyê ko bên û biçin.

Hikûmeta Kurdistanê û dewleta federal ya Kurdistanê temsîla siyaseta neteweyî ya miletê kurd dikin. Hemî rêxistinên kurdan yên li parçeyên dî divêt arîkariya vê dewleta federal bikin. PKK û PYD bi siyaseta xwe ya be‘sperest li Sûriyeyê û siyaseta xwe ya kemalîst û tirkçî li bakur nikarin behsa "siyaseteka neteweyî" ya miletê kurd bikin.

-----------------------------------

Nivîskar: Nefel-Nûçe
Weşandin: 2014-04-22
Xwendin: 2314