Nefel

[ PÊNCŞEM, 2024-04-18 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Washington û Enqere dê elçiyên xwe yên Kurdistanê tayîn bikin


	» Fuad Husên

STENBOL, 19/7 2014 — Rojnamevana tirk Verda Ozer îro di rojnameya Hurriyetê de behsa sohbeteka xwe ya dirêj digel serokê dîwana serokatiya herêma Kurdistanê Fuad Husên dike û dibêje dema ko Kurdistan serxwebûna xwe îlan bike pêşiyê Tirkiye û Emerîka dê îtirafê pê bikin.

Verda Ozer behsa serdana serokê Kurdistanê Mesûd Barzanî ya bi refaqeta wezîrê pêşmerge û wezîrê daxilî bo Tirkiyeyê dike û dibêje ev serdaneka hevkariya ewlekariyê bû û Kurdistan û Tirkiye dê li dijî DAIŞ-ê hevkariyê bikin.

Fuad Husên behsa xetera DAIŞ-ê dike û dibêje hêdî ew nikarin şevê bi rihetî razin û dibêje:

— Tixûbê Kurdistanê yê digel Iraqê 1050 km ye. Niho 1035 ji wî tixûbî bi DAIŞ-ê re ye. Dikarin her gavekê tiştekî bikin. Em şevê rihet ranazin.

Verda Ozer dibêje wê ji sohbeta digel Fuad Husên fêm kir ko rojekê berî sohbetê heyeta Kurdistanê li Enqereyê digel Tirkiyeyê bi giranî meseleyên ewlekariyê axaftiye.

Di heqê realîteya parçebûna Iraqê û avakirina dewleteka kurdî ya serbixwe de Fuad Husên dibêje:

— Li Tirkiyeyê hêdî hikûmeteka realîst heye. Rastiyê dibîne, fêm dike û qebûl dike. Gotinên me jî fêm dike.

Verda Ozer dibêje nexwe Tirkiye li dijî serxwebûnê dernakeve û Fuad Husên jî wiha bersiva wê dide:

— Ev gotina te ye. Min got hikûmet realîteyê û gotinên me qebûl dike.

Di heqê helwêsta Emerîkayê de ji bo yekîtiya axa Iraqê Fuad Husên dibêje:

— Nexê, Emerîka hêdî ji me re nabêje rawestin. Tenê dibêje astengan ji avakirina hikûmeta Bexdayê re çênekin. Presa ko Emerîkayê di warê petrolê de li me dikir bi temamî rabûye. Ma yekîtiya axa Iraqê maye ko mirov behsê bike.

Yanî Kurdistan bêyî rizamendiya Bexdayê dikare petrola xwe bifiroşe û Emerîka hêdî li dijî wê dernakeve. Emerîka li dijî xebata kurdan ya referanduma serxwebûna Kurdistanê jî dernakeve lê belê dixwaze ko kurd hevkariyê ji bo avakirina hikûmeta Bexdayê bikin.

Verda Ozer dibêje berî demekê wê jî serdana Emerîkayê kiriye û helwêsta Emerîkayê ji devê berpirsên emerîkî wiha neqil dike:

— Heta îro me hertim yekîtiya axa Iraqê parastiye. Lê belê di demekê pir nêzîk de ev helwêst dikare bêt guhortin. Washington û Enqere dê berî herkesî ambasadorên (elçî) xwe li Kurdistanê tayîn bikin.

Verda Ozer dibêje Fuad Husên hinek gotinên pir hesas jê re gotine lê belê dê di nivîsara xwe ya roja sêşemê de behsê bike.

-----------------------------------

Nivîskar: Nefel-Nûçe
Weşandin: 2014-07-19
Xwendin: 1660