Nefel

[ ÎNÊ, 2024-04-19 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Serok û serokwezîrê Kurdistanê kêfxweşiya xwe ji bo vegeriyana Talebanî diyar kirin


	» Barzanî û Talebanî

HEWLÊR, 20/7 2014 — Serokê Kurdistanê Mesûd Barzanî û serokwezîrê Kurdistanê Nêçîrvan Barzanî bi daxuyaniyên nivîskî kêfxweşiya xwe ji bo vegeriyana serokkomarê Iraqê Celal Talebanî ya ji Elmanyayê diyar kirin.

Serokê Kurdistanê Mesûd Barzanî got ew hêvî dike ko vegeriyana mam Celal bibe arîkara xurtkirina yekrêziya xelkê Kurdistanê û got:

— Nûçeya vegeriyana brayê min yê rêzdar cenabê Mam Celal bo Kurdistanê ez gelek kêfxweş kirim û hêvîdar im ko Xwedayê mezin bi temamî şîfayê bidiyê. Nexweşiya rêzdar valahiyeka mezin xistibû prosesa siyasî ya Iraqê û Kurdistanê. Bi dilniyayî vegeriyana cenabê wî dê bibe sedemê pêşketina yekrêzî û brayetiya zêdetir di nêvbera hêzên Kurdistanê bi taybetî nuha ko gelê me di qonaxeka hestiyar û yekalîker re derbas dibe.

Nêçîrvan Barzanî jî di daxuyaniya xwe ya nivîskî de got:

— Gelek spasiya Xwedayê mezin dikin ko cenabê mam Celal û Kurdistan û xelkê Kurdistanê bi hev şad kir, hewisa spasiya welatê Elmanyaya dost û hemî tîma doktorên wî dikim ko di dema borî de ji bo îlackirina wî zehmet dîtine. Her bi vê minasibetê ji dil kêfxweşiya xwe diyar dikim û bi germî bi xêrhatinê lê dikim û pîrozbahiyê li hemî gelê Kurdistanê dikim.

Serok Mam Celal roleke serokatiyê ya giring di jiyana siyasî û şoreşa Kurdistanê û Îraqê de hebû, di dijwartirîn rewşê de xwe ragirtiye û bergirî li mafên gelê xwe kiriye, herwesa li serdema xebata li çiya û siyasî di dîroka siyasî ya nû de xwedîyê cihekî gelek giring bûye.

Piştî serhildanê jî digel serok Mesûd Barzanî roleke gelek giring di çespandina tecribeya demokratîk ya gelê Kurdistanê û dabînkirina siyaseta piralî û dirustkirina jiyana parlamantoyê li Kurdistanê lîstiye. Nexweşketin û dûrketina wî ji Kurdistanê û Îraqê, gelek bi zelalî di jiyana siyasî û hukimdariya Îraqê de diyar bû, çunkî wî roleke dîrokî hebû û roja vegeriyana wî jî bo welêt û ji bo gelê Kurdistanê rojeke dîrokî ye.

Careke dî bi navê hikûmeta herêma Kurdistanê û bi navê xwe, bi germî xêrhatinê lê dikim û pîrozbahiyê li hemî gelê Kurdistanê dikim, daxwaza selametî û temendirêjiyê bo dixwazim û ez di wê baweriyê de me ko hatina wî ji bo gelê Kurdistanê dê xêr û xweşî be.

-----------------------------------

Nivîskar: Nefel-Nûçe
Weşandin: 2014-07-20
Xwendin: 1121