Nefel

[ ÇARŞEM, 2024-04-24 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Necmedîn Kerîm: Du yan sê ferq nake – ez venakişim


	» Necmedîn Kerîm

HEWLÊR, 21/7 2014 — Endamê polîtburoya Yekîtiya Niştimanî ya Kurdistanê û waliyê Kerkûkê Necmedîn Kerîm dibêje madem YNK-ê ji bo serokkomariya Iraqê du kes pêşniyar kirine hema bila sê kes bin û ew jî xwe ji namzetiya serokkomariya Iraqê venakişîne.

Li gor Rûdawê, duhî polîtburoya YNK-ê bo yekalîkirina kandîdê xwe bo postê serokomarê Iraqê civiya û piştî civînê berpirsê kargêrî yê YNK-ê Mela Bextiyar ragihand ko Berhem Salih û Fuad Mehsûm kandîdên YNK-ê ne bo posta serokkomarê Iraqê.

Endamê polîtburoya YNK-ê Necmedîn Kerîm ko di heman demê de waliyê Kerkûkê ye û xwe ji bo posta serokkomarê Iraqê kandîd kiriye rexneyên giran li polîtburoya YNK-ê girt û got ko polîtburoya YNK-ê bêy amadebûna wî kandîdên serokkomariyê diyar kirin û civîna polîtburoyê wekî “şikestîxwaz“ bi nav kir û got:

— Ji ber ko polîtburoyê nekarî li ser yek kesî bigihe rêkeftinê du nav kandîd kirin, dema yek kes nebe, wate ew e ko lîsteya navan vekiriye, lewma ez jî kandîd im û ez venakişim.

Berpirsê kargêrî yê YNK-ê Mela Bextiyar got wan “serokê herêma Kurdistanê Mesûd Barzanî û serokê Parlamentoya Iraqê agahdar kirine ko tenê du kandîdên YNK-ê bo wê postê hene” û Necmedîn Kerîm ne kandîdê wan e bo serokomariya Iraqê.

Necmedîn Kerîm ko di hilbijartinên Parlamentoya Iraqê di 30 nîsana borî de zêdetir ji 150 hezar deng bidest xistin got:

— Şandina navê wan kandîdan bo serokê herêma Kurdistanê hêsanî ye, madem ne kandîdek tenê ye em jî dê navê xwe bidin cenabê serokê herêma Kurdistanê.

Necmedîn Kerîm dibêje beşdarnebûna wî di civîna polîtburoya YNK-ê de tesîr li ser wê yekê hebû ko navê wî neket tenişt navê herdu kandîdên dî û dibêje:

— Ez ne di civîna polîtburoyê de bûm, civîn neserkeftî bû, eger serkeftî ba wan dê yek nav hilbijarta. Civîn negihîşte ti encamê, gotin bila herdu bin eger ez jî li wê derê bûma dê navê min jî heba, lê ji ber ko ez ne li wir bûm navê min nedanîn. Serokê herêma Kurdistanê agahdar bû ko ez dê xwe kandîd bikim û axaftin jî digel hat kirin û min ti gotineke nerênî ji cenabê wî nebihîst.

— Eger polîtburoya YNK-ê yek kandîd danîba ez dê vekişiyama, lê madem ne yek kandîd e ez jî navê xwe didanim û berdewam dibim, ji ber ko ji polîtburoya YNK-ê re aşkere bû ko ez kandîd im. Madem bûn du kes, ti cudahî di navbera du kesan û sê kesan de nîne. Ji bo kurdan ne baş e ko sê kandîd hebin, bi taybetî bo YNK-ê xirab e, lê belê niyeta min nîne ko xwe vekişînim.

Heta niha heft kesên kurd xwe ji bo posta serokkomariya Iraqê kandîd kirine, ew jî ev in:

Fuad Mehsûm
Berhem Salih
Necmedîn Kerîm
Hîwa Mihemed
Miheme Salih Heme Ferec Hesen Caf
Yehya Nesredîn Hemed Derwêş
Tehsîn Bekir Hemed Emîn

-----------------------------------

Nivîskar: Nefel-Nûçe
Weşandin: 2014-07-21
Xwendin: 1906