Nefel

[ ÎNÊ, 2024-04-19 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Hakima emerîkî tifa xwe alast – nikare dest dane ser petrola Kurdistanê

» Edaleta mehkemeya emerîkî ne saxlem e

HOUSTON, 30/7 2014 — Hakima emerîkî Nancy K. Johnsonê duhî tifa xwe ya ko pêr avêtibû erdê alast û got biryara wê ya roja duşemê ne di cihê xwe de bû ji ber tankera United Kalavrvta ko petrola Kurdistanê tê de ye li derveyî hikmê Emerîkayê di ava nêvneteweyî de ye.

Nancy K. Johnsonê li ser gilînameyeka Iraqê bêyî ko kontrol bike ka tankera petrola Kurdistanê daxilî nêv tixûbê Emerîkayê de bûye yan ne roja duşemê hema bi lezûbez biryar da ko barê tankerê bêt desteser kirin.

Li gor Reutersê, Nancy K. Johnsonê duhî biryareka nû derxist û got hikmê biryara wê ya roja berê betal e ji ber tanker 60 milan yanî 100 km li derveyî terîturyuma Emerîkayê ye û got bila hikûmeta Iraqê û hikûmeta Kurdistanê nakokiya xwe çareser bikin.

Mirov mereq dike ka hakimeka wiha dê çawa edaletê binecih bike dema ko biryarekê li ser esasê îdiayan û faktayên nerast yên hikûmeta Iraqê bide. Divêt Nancy K. Johnsonê roja duşemê berî ko bilez biryara xwe bide pêşiyê kontrol kiriba ka tanker li kû ye.

Bi îhtimaleka pir mezin hakima emerîkî bêyî ko haya wê ji destûra Iraqê û mafên desthilata hikûmeta herêma Kurdistanê jî hebe hesibandiye ko Iraqê yek merkez heye û ew jî Bexda ye. Piştî ko fêm kiriye Iraq dewleteka federal e û Kurdistanê jî mafên destûrî yên firotina petrolê hene rabûye û dibêje ev ne karê wê ye û biryara wê ya roja duşemê jî betal e.

-----------------------------------

Nivîskar: Nefel-Nûçe
Weşandin: 2014-07-30
Xwendin: 1585