Nefel

[ ÎNÊ, 2024-04-19 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Bayik: Bila dinya sîlehan nede pêşmergeyan – dê bikevin destê DAIŞ-ê de


	» Cemil Bayik

HEWLÊR, 24/8 2014 — Serokê konseya birêvebir ya KCK-ê Cemil Bayik pêr ji rojnameya elmanî Frankfurter Allgemeineyê re got bila dinya sîlehan nede pêşmergeyên Kurdistanê ji ber ew sîleh dê bikevin destê DAIŞ-ê de.

Cemîl Bayik ji rojnameya elmanî re got pêşmergeyên Kurdistanê bi zanîn li Şingalê şer nekirin da xelk derbider bibin û da Ewropa û Emerîka li hawara hikûmeta Kurdistanê bêt û got YPG-ê kurdên êzdî yên li ser çiyayê Şingalê xelas kirin.

Bêyî ko bibêje ka heta niho çima gerîlayên PKK-ê û YPG-ê neçûne û qezaya Şingalê ji destê DAIŞ-ê xelas nekirine Cemil Bayik van rojan bi zêdehî ve ji kîsê xwe diavêje û lêdixebite ko pêşmergeyên Kurdistanê rûreş bike.

Ya ko em dizanin heta niho tenê grupeka biçûk ya gerîlayên YPG-ê ko ji 15-20 kesan pêk têt li serê çiyayê Şingalê hene û korîdora ji serê çiyayê Şingalê heta digihî tixûbê Kurdistana Sûriyeyê jî bi hêza pêşmergeyan û hinek yekîneyên YPG-ê hat vekirin. Qenciya YPG-ê tenê ew bû ko rê da kurdên êzdî di ser Kurdistana Sûriyeyê re derbasî başûrê Kurdistanê bibin ji ber DAIŞ-ê hemî devera li pişt çiyayê Şingalê xistiye bin kontrola xwe de.

Cemil Bayik heman îdiaya xwe ya ko pêşmerge şerî nakin îro ji rojnameya tirkî Vatanê re jî dubare kir û dibêje bila Ewropa sîlehan bide PKK-ê û nede pêşmergeyan û dibêje:

— Di eslê xwe de mirov sîlehan dide kesên ko şerî dikin. Kî li hemberî DAIŞ-ê şerî dikin? Hinekên dî jî şerî dikin ez vê înkar nakim lê belê hereketa me barê esasî yê şerî hildigire. Nexwe heger mirov sîlehan bide hinekan divêt mirov bide yên ko bi rastî li ber xwe didin. Ya rast jî ev e. Heger mirov sîlehan bide hêzên ko direvin [yanî pêşmergeyan] û şer nakin têt wê menayê ko mirov sîlehan dide DAIŞ-ê. Ez dixwazim balê bikişînim ser nuqteyeka pir giring: Ji insanî bixwe mezintir sîleh nîne. Sîleha herî mezin insan bi xwe ye. Yê ko insan pê re be dê hertişî bi dest bixe. Ew sîleh li Mûsilê di destê ordiya Iraqê de bûn lê belê ordiyê li ber xwe neda. Ordiyê sîlehên xwe hemî li dûv xwe hişt. Yanî di vê meseleyê de ya esasî insan bi xwe ye. Insan jî bi baweriyên xwe, bi armancên xwe û bi fikrên xwe heye. Heger armanc, bawerî û fikir xurt be insanên wiha û hereketên wiha dikarin teknîka herî mezin têkbibin. Nimûneyên konkret yên vê hene: YPG û HPG bi DAIŞ-ê re şerî dikin lê belê di destê YPG-ê û HPG-ê de sîlehên ko li cem DAIŞ-ê hene nînin û bi sîlehên pir besît li dijî DAIŞ-ê radiwestin.

Paşê jî Cemil Bayik rexneyan li pêşmergeyên Kurdistanê digire û dibêje:

— Helwêsta başûr (ya hikûmeta herêma Kurdistanê) ko dibêje "Di destê me de têra xwe sîleh nînin, di destê DAIŞ-ê de sîlehên pir xurt hene. Heger sîlehan nedin me em nikarin li dijî DAIŞ-ê şerî bikin" ne helwêsteka rast e. Belkî li gor awayê wan ev helwêst rast be lê belê bi awayekê giştî ne rast e. Bi qasî ko di destê DAIŞ-ê de sîleh hene hewqasê jî di destê hêzên başûr de hene. Sîlehên wan jî di asta yên DAIŞ-ê de ne lê belê DAIŞ şerî dike û ew şerî nakin. Ne rast e ko mirov meseleyê bi bilindbûna asta teknîkî ve girêbide. DAIŞ hêzeka îdeolojîk e. Hêzek e ko xwe feda dike. Wekî dî jî li pişt wê hêzên nêvneteweyî û herêmî hene û berdewam destekê didinê. Lewra DAIŞ biserketî ye û pêşmergeyên li hemberî wê pirtûbelav in. Van demên dawiyê ew ketine pey otomobîl, pere, ticaret û vîllayan. Ketine pey tiştên wiha. Hêzeka ko bikeve pey tiştên wiha nikare şerî bike. Perwerdeya îdeolojîk û rêxistinî ya pêşmergeyan nîne. Perwerdeya wan ya eskerî gelek mehdûd e. Divêt pir bilez xwe perwerde bikin. Hingê dikarin bibin hêzeka berxwedanê.

Bêguman mirov dikare rexneyan li hinek helwêstên destpêkê yên pêşmergeyên Kurdistanê bigire lê belê pêşmergeyan xwe ji nû ve organîze kirin û heroj di cepheya şerî de DAIŞ-ê têkdibin û gund, nehiye û qezayan ji destê DAIŞ-ê derdixin.

Heger mesele bibe miqayesekirina gerîlayên PKK-ê digel pêşmergeyên Kurdistanê Cemil Bayik pir baş dizane ko heta niho gerîlayên wî nekarîne li bakurê Kurdistanê yek gundî jî ji destê ordiya Tirkiyeyê derxin û kontrol bikin. Li Kurdistana Sûriyeyê jî bi hevkariya rejîma Sûriyeyê PYD û hêzên wê yên çekdar YPG hebûna xwe berdewam dikin û heger DAIŞ bi sîlehên xwe yên ko li Iraqê bi kar tîne êrişî YPG-ê bike YPG nikare yek gundî jî li Kurdistana Sûriyeyê biparêze.

Cemil Bayik bi zanîn lêdixebite ko vê firseta heyî ji xwe re bi kar bîne da bi agahdariyên nerast be jî pêşmergeyan li ber çavê xelkê reş bike û ji xwe re piştgiriyeka daxilî di nêv kurdan de û piştgiriyeka derveyî li Ewropayê peyda bike.

Ti elametên wê yekê xuya nakin ko Cemil Bayik bi vê mantiqa xwe ya firsetçî tiştekê bi dest bixe. Pişta Kurdistanê îro ji rojên berî şerê DAIŞ-ê qayîmtir e û Kurdistan dê bi hevpeymanên xwe yên ewropî û emerîkî re rê li ber DAIŞ-ê bigire. Xetereka mezin li ser başûrê Kurdistanê nemaye.

-----------------------------------

Nivîskar: Nefel-Nûçe
Weşandin: 2014-08-24
Xwendin: 3892