Nefel

[ PÊNCŞEM, 2024-04-25 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Erdogan: Li Tirkiyeyê pirsa kurdî nîne – em yekîtiya axa Iraqê diparêzin


	» Recep Tayyip Erdogan

STENBOL, 30/8 2014 — Serokkomarê nû yê Tirkiyeyê Recep Tayyip Erdogan duhî di hevpeyvîneka digel Al-Jazeereyê de got li Tirkiyeyê problemên kurdan bi qasî yên tirkan in û heger pirseka kurdî hebe hingê pirsa tirkî jî heye û diyar kir ko pirseka taybet ya "hemwelatiyên wî yên kurd" nîne. Erdogan got ew qetiyen naxwazin ko Iraq dabeş bibe.

Peyamnêrê Al-Jazeereyê ji Erdogan pirsî ka dê pirsa kurdî li Tirkiyeyê çawa çareser bikin û helwêsta Tirkiyeyê li hemberî xebata kurdên herêma Kurdistana Iraqê ji bo dewleteka serbixwe çi ye û çi tesîra wê dê li kurdên Tirkiyeyê bibe. Erdogan bersiva herdu pirsan da û got:

— Divêt ez vê yekê pir zelal û vekirî bibêjim. Carekê li Tirkiyeyê di meseleya problemên hemwelatiyên min yên kurd de, çiqasê problemên min [wekî tirk] hebin hewqasê problemên hemwelatiyên min yên kurd jî hene. Yanî cidahiyeka wisa di nêvbera herduyan de ne berbehs e. Lê belê mixabin li Tirkiyeyê hinek lêdixebitin ko vê bi perspektîveka cuda nîşan bidin û wekî pirsa kurdî yan meseleya kurdî bi nav dikin. Vêca heger em ji vê re bibêjin "meseleya kurdan" li hemberî vê dê meseleya tirkan derkeve, meseleya lazan derkeve, meseleya arnawutan derkeve, meseleya ereban derkeve, meseleya boşnakan derkeve, yanî ev mesele hemî dê derkevin.

— Lê belê problemên taybet yên hemî unsurên etnîkî yên li welatê me hene û di tarîxa Tirkiyeyê de hîç hikûmetek wekî hikûmeta Akpartiyê çênebûye ko wan meseleyan bîne asta herî kêm, me ev kir. Û me wekî desthilata [AK Partiyê] li hemî herêman ji aliyê madî û menewî ve û ji aliyê jêrzemîn û serzemînê ve di warê perwerde, saxlemî, edalet, ewlekarî, rêûban, enerjî û zîraetê de xizmeta hemî herêman kiriye û dê berdewam bin. Nemaze vê dibêjim: Em welatek in ko 780 km çargoşe ye. Carekê em destûrê nadin opearsyoneka herî biçûk [dabeşkirina welatî] jî li welatê xwe. Li welatê me 36 unsurên etnîkî hene. Hemî jî ji aliyê me ve wekî hev in û ji bo min tirk çi be kurd jî ew e, ereb jî ew e, boşnak jî ew e û arnawut jî ew e. Ji ber ko hemî jî mexlûqatên Xwedê ne ji bo Xwedê em ji hemiyan hez dikin.

Di heqê xebata miletê kurd ji bo dewleteka serbixwe li başûrê Kurdistanê de jî serokkomarê Tirkiyeyê Erdogan got:

— Dema ko ez li rûdanên li bakurê Iraqê temaşa dikim, di heqê bakurê Iraqê de carekê em li seranserê Iraqê terefdarê parastina yekîtiya axa Iraqê ne. Qetiyen em naxwazin ko Iraq bêt dabeş kirin. Rûdanên vê dawiyê em pir xemgîn kirin. Yanî em li wêderê ne cidabûneka mezhebî û ne jî cidabûneka etnîkî dixwazin. Duhç çawa ew yek û bihevre bûn em dixwazin ko îro jî û sibe jî ew wisa bin.

— Lê belê rûdanên vê dawiyê ko bi rûdanên li Sûriyeyê ve eleqedar in û çêbûna wan bi vî awayî em êşandin, herêm êşand û te bivêt û nevêt em mecbûrî wergirtina hinek helwêstan kirin û dike. Problema me ya herî giring ew e ko em ji vê rewşê derbas bibin. Tişteka baş ko em pê kêfxweş dibin heye û ew jî ew e ko di dema borî de mixabin proses digel Malikî hîç baş nemeşiya. Berî hingê têkiliyên me digel wan [digel Iraqê] gelek pêşdeçûyî bûn û digel ko me got em dikarin di hemî warî de bi her awayî destekê bidin we û hişdarî da wan, wan guhdariya me nekir û niho jî bedelê wê eda dikin. Hilbijartina serokê parlamentoyê û paşê hilbijartina serokkomarî û paşê jî hilbijartina serokwezîrî û avakirina hikûmeteka li ser esasê mutabeqeta niştimanî hêviyên me geş dike. Em niho li wê hêviyê ne û dua dikim ko Iraq bi yekîtî û hevbeşiya xwe ji nû ve rabe ser piyan.

-----------------------------------

Nivîskar: Nefel-Nûçe
Weşandin: 2014-08-30
Xwendin: 2024