Nefel

[ ŞEMÎ, 2024-04-20 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Platforma Demokratên Kurd xwe ji "Desteya Diyalogê ya Kurd" vekişand

DIYARBEKIR, 1/9 2014 — Di taliya meha borî de li Diyarbekirê xebatek ji bo diyalogê di nêvbera partî û hêzên siyasî yên kurdên bakur de hat kirin û paşê hat gotin ko "Desteya Diyalogê ya Kurd" hatiye ava kirin. Platforma Demokratên Kurd ya ko Sertaç Bucak serokariya wê dike îro got desteyeka wisa nehatiye ava kirin û ew xwe ji civînên wê teşkîlatê vedikişînin.

"Desteya Diyalogê ya Kurd" pirtir wekî înisiyatîveka PKK-ê û Partiya Herêmên Demokratîk ya bi PKK-ê ve girêdayî ye û armanca wê jî ew e ko di vê demê de kurdên bakur nêzîkî PKK-ê bike û wan li hemberî başûrê Kurdistanê û PDK-ê mobîlîze bike yan jî pasîfîze bike.

PKK û rêxistinên bi wê ve girêdayî van deman propagandeyeka reş û qirêj li hemberî başûr û pêşmergeyên Kurdistanê dikin û serokê konseya birêvebir ya KCK-ê Cemil Bayik jî dibêje bila Ewropa û dinya sîlehan nede pêşmergeyan.

Platforma Demokratên Kurd wisa xuya dike ko bi vê plana PKK-ê û rêxistinên di mîhwera wê de hesiyaye û lewra xwe ji civînên wê teşkîlatê dûr dixe. Daxuyaniya Platforma Demokratên Kurd li jêrê ye.

JI RAYA GIŞTÎ RE

Demek berê hin partî û rêxistinên kurdî ji bo dîyalogeke mayînde û biaqilane roja 6/8 û 25/8 2014-an digel hev civiyan. Meclîsa Partiya me di civîna xwe ya di 29–30/8 2014-an de ev mijar nirxand. Piştî nirxandinê meclîsa partiya me van esasan ji raya giştî re parve dike.

1) Di civînan de helwesta aliyan ew bû ko şert û mercên avakirina rêxistinekê nînin.

2) Di encamnameya civîna yekemîn de biryareke wiha hatibû girtin: "Em bang li hemû partî û rêxistinên kurdî dikin ko bila zimanê tund û dijîtiyê bi kar neynîn û hevûdû biçûk nekin." Lê digel vê yekê xuya kir ko ew propagandaya reş ya li dijî pêşmergeyên Kurdistanê bi dawî nebû. Xuya kir ko xurtkirina pêwendiyên demokratîk di gotinê de ma.

3) Me biryareke avakirina mekanîzmayeke hevpar negirtibû. Lê mixabin ev mijar di medyaya civakî de hat manipûle kirin û wekî "Desteya Diyalogê ya Kurd" hat pêşkêş kirin. Tu eleqeya vê yekê bi rastiyê re nîne. Lewra meclîsa partiya me li gorî esasên jor biryara vekişandinê ji van civînên bi navê "Desteya Dîyalogê ya Kurd" stand.

Slav û rêz
1/9 2014
Platforma Demokratên Kurd

-----------------------------------

Nivîskar: Nefel-Nûçe
Weşandin: 2014-09-01
Xwendin: 1482