Nefel

[ SÊŞEM, 2024-04-23 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Yaşar Yakiş: Bila Tirkiye sîlehan bide PKK-ya li derve

» Yaşar Yakiş

DIYARBEKIR, 22/9 2104 — Yek ji damezrênerên AKP-ê û wezîrê derve yê berê Yaşar Yakiş duhî ji rojnameya tirkî Tarafê re got bila Tirkiye PKK-ê qane bike ko li Tirkiyeyê bi temamî dest ji sîlehan berde û li derveyî Tirkiyeyê jî sîlehan bide PKK-ê.

Yaşar Yakiş got divêt Tirkiye pirsa kurdî ya di nêv xwe de bi rêya zêdekirina desthilata mehelî û perwerdeya kurdî li dibistanan çareser bike û di heqê PKK-ya çekdar de jî got:

— Pêwistî bi wê yekê heye ko PKK li derveyî welatî bêt çekdar kirin û li Tirkiyeyê jî bêt bêçek kirin. Mirov dikare van herdu tiştên pir li dijî hev kombîne bike û bibêje: "Brayê min ez li Tirkiyeyê PKK-yeka çekdar naxwazim, here li wêderê şerî bike lê belê rêbazên me qebûl bike û vê ji bo xwe neke firsetek." Divêt Tirkiye wê yekê fêm bike ko nikare ji civaka nêvdewletî re bibêje "ev terorîst in sîlehan nedin wan û bila ew li dijî DAIŞ-ê şerî nekin". Dema ko em realîteyê qebûl bikin em dikarin teşxîsên baştir diyar bikin.

Yaşar Yakiş di heqê rola giring ya miletê kurd di Rojhilata-nêvê de jî got:

— Ji roja ko Emerîkayê Iraq dagîr kirî û pê ve stêra kurdan her ko diçe bilind û geş dibe. Ez ji vê re dibêjim “multiple blessing for Kurds”: Xwedê çend caran li ser hev qencî li kurdan kir. Niho jî ji bo şerê li dijî DAIŞ-ê hêza herî minasib pêşmerge û kurdên dî ne. Dema ko şer xelas bibe ji bo parvekirina xenîmetên şerî ew dê li hev kevin. Xerb dibêje ko ew "arîkariya pêşmergeyan dike" lê belê hemî kes dizane dema ko sîlehan bidin kurdan kes nikare rê li ber wê yekê bigire ko ew sîleh bikevin destê PKK-ê de. Ev jî ji bo kurdan qenciyeka dî ya Xwedê ye.

Li gor Yaşar Yakiş divêt Tirkiye "prosesa çareseriyê" bi ser bixe da rê nede ko mesele bikeve rewşeka wisa de ko li dijî Tirkiyeyê be û got:

— Kurd vê demê di rewacê de ne û dê vê pozîsyona xwe bi kar bînin. Em mecbûr in ko vê meşrû bibînin. Ji ber li asîmanan stêr li gor wan hatine rêz kirin. Heger vê rewşê bi kar neînin xelkê wan dê li hemberî îdareciyên xwe serhildanê bikin. Divêt em bizanin her ko diçe daxwazên kurdan dê zêdetir bibin. Lewra divêt hikûmet prosesa çareseriyê ya ko bi cesaret daye destpê kirin di demekê herî zû de pêşde bibe.

Yaşar Yakiş got divêt Tirkiye îtirafê bi mana rejîma Beşar Esed jî bike û destekê nede hêzên mixalif yên Sûriyeyê jî.

Di heqê îhtimala ketina Kobanê û êrişên DAIŞ-ê de jî Yaşar Yakiş got divêt Tirkiye xwe tevlî hîç karekî eskerî li welatekê dî neke lê belê ji bo parastina Kobanê dikare piştgiriya serokê Kurdistanê Mesûd Barzanî bike.

Yanî divêt Tirkiye sîlehan bide hêzên çekdar yên PKK-ê yên li derveyî Tirkiyeyê da wan wekî "tabura pêncê" ji bo parastina berjewendiyên Tirkiyeyê bi kar bîne û da rênede ko miletê kurd li bakur û Tirkiyeyê mafekê siyasî yê neteweyî bi dest bixe.

Yaşar Yakiş "prosesa çareseriyê" wekî emrazeka rêlibergirtina daxwazên neteweyî yên miletê kurd dihesibîne.

Li gor Yaşar Yakiş dema ko şer xelas bibe kurd dê ji bo xenîmetan şerê hevdu bikin. Pêşniyara Yaşar Yakiş ya ko dibêje bila Tirkiye sîlehan bide PKK-ya li derve nexwe ji bo wê yekê ye ko sibe PKK şerê Kurdistanê bike.

-----------------------------------

Nivîskar: Nefel-Nûçe
Weşandin: 2014-09-22
Xwendin: 2000