Nefel

[ ÎNÊ, 2024-04-26 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Erdogan îtiraf dike ew amade bû ko Kurdistan bikeve destê Daişê de


	» Erdogan rûyê xwe li cem kurdan reş dike

STENBOL, 27/9 2014 — Serokkomarê Tirkîyeyê Recep Tayyîp Erdogan îtiraf dike ko Emerîkayê başûrê Kurdistan ji Daişê xelas kir û di heman demê de îtiraf dike ko ew amade bû başûrê Kurdistanê bikeve destê Daişê de.

Dema ko Erdogan ji Emerîkayê vedigerîya di balafirê de wî ji rojnamevanên tirk re behsa serdana xwe kir. Li gor nivîsara Fikret Bila ya di rojnameya Millîyetê ya îro de Erdogan di heqê xetera li ser başûrê Kurdistanê û Kobanê de got:

— Heger em bibêjin xeter ne gelek mezin bû têt wê menayê ko haya me ji rewşê nîne. 140 hezar kes hatine welatê me. Ji alîyê dî ve 60 hezar êzdî hatine. Ev di hefteyekê yanî di deh rojan de qewimîye. Ma helwêsteka rast e ko Tirkîye li hemberî rewşeka wiha destgirêdayî be? Ji alîyê dî ve Dewletên Yekgirtî yên Emerîkayê ji gemîyên balafiran mudaxele dike. Heger ew mudaxele nekiriba belkî îro bakurê Iraqê nebû. Bi kêmî wê mudaxeleyê nehişt ko Daiş herêma bendavan [ya Mûsilê] bixe destê xwe. Emerîkayê bi operasyonên xwe yên herî dawîyê rê li ber wê yekê girt ko Kobanê bikeve destê Daişê de. Ev tesbîtên van 10-15 rojên dawîyê ne. Lê belê [Emerîka] dereng maye. Ev çar sal in ko em vê yekê dixwazin lê me ti netîce bi dest nexist.

Yanî Erdogan îtiraf dike ko Kurdistan bi xêra arîkarîya Emerîkayê ji Daişê hat xelas kirin.

Bi îtirafa xwe re Erdogan îtiraf dike ko Kurdistanê li hemberî Daişê arîkarî ji Tirkîyeyê xwest û Tirkîyeyê arîkarî nekir. Yanî Erdogan amade bû ko Kurdistan bikeve destê Daişê de.

-----------------------------------

Nivîskar: Nefel-Nûçe
Weşandin: 2014-09-27
Xwendin: 2769