Nefel

[ ŞEMÎ, 2024-04-20 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Baydemîr: Serkaniya êrişên van rojên dawiyê dewlet e


	» Osman Baydemîr

DIYARBEKIR, 11/10 2014 — Serokê berê yê belediyeya Diyarbekirê Osman Baydemîr îro got di xwenîşandanên van rojên dawiyê de serkaniya êrişên li ser rêxistin û dezgehên sivîl yên kurdan dewleta Tirkiyeyê ye û got dewlet dixwaze şerekê di nêvbera Huda-Parê û HDP-ê de derxe.

Li gor malpera t24.com Osman Baydemîr ji rojnamevan Hasan Cemal re behsa xwenîşandanên bi minasebeta Kobanê kir û got serkaniya êrişan dewleta Tirkiyeyê bi xwe ye û got:

— Di van çend rojên borî de êrişên li ser Huda-Parê ji serkaniya dewletê tên. Herwiha ew êrişên ko ji aliyê Huda-Parê ve hatin ser HDP-DBP-ê jî serkaniya wan dewlet e. Yanî pêşiyê hêzekê êrişî Huda-Parê kir û her di cih de piştî hingê hêzeka dî êrişî aliyê dî kir û paşê xwe ji nêv kişand. Di encama vê planê de herdu aliyan destpê kir ko şerê hevdu bikin. Ne tenê li Diyarbekirê ya ko li hemî Kurdistanê qewimî netîceya wê planê ye.

Li bakurê Kurdistanê heta niho zêdetirî 30 kesan hatine kuştin û zêdetirî hezar xaniyan jî hatine şewitandin. Ji gotinên Osman Baydemîr têt fêm kirin ko "provokatorên dewletê" ev şerê di nêvbera du partiyên kurdan de germ kiriye û bûne sebeba malwêraniyeka mezin. Osman Baydemîr bal kişand ser xetera vê plana dewleta tirkan û got:

— Ji bo kurdên dîndar û yên welatparêz wezîfeyeka gelek mezin ew e ko nebin alet ji vê lehîstoka xeternak re. Wekî Osman Baydemîr, wekî şexsekî ez bang li hemî dîndar û muhafezekarên Kurdistanê dikim ko bi aşkerayî Daişê rexne bikin da rê li ber provokasyonan bêt girtin. Di heman demê de ez bangî hemî welatparêzan jî dikim ko her kurdê dîndar, muhafezekar û xudanrîh û xudançarik ne piştgirên Daişê ne.

Osman Baydemîr got Tirkiye dixwaze ko Daiş bibe cîrana wê û got:

— Daiş nûnerayetiya wehşetê dike. Li Urfayê li hemberî tixûbê Akçakaleyê [li Til Ebyedê] Daiş heye. Ew rêxistina ko nûnerayetiya wehşetê dike hemî pêwistiyên xwe yên lojîstîk ji wî dergehî temîn dike. Li heberî vê yekê dergehê Murşîtpinarê, Kobanê û Surucê ji hev cuda dike. Û ji vî dergehî arîkarî ji Kobanê re naçe. Dewlet destûrê nade.

Hevkarê Nefelê, Lewendê Botî duhî meqaleyek bi sernavê "Tirkiye li terora xwe vegeriya" nivîsî û got Tirkiye bi rêya MIT-ê terora li bakurê Kurdistanê organîze dike û dibe sebeba kuştina kurdan û şewitandina mal û milkê kurdan.

-----------------------------------

Nivîskar: Nefel-Nûçe
Weşandin: 2014-10-11
Xwendin: 1793