Nefel

[ PÊNCŞEM, 2024-04-25 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Davutoglu: 300 gerîlayên YPG-ê hatin Tirkiyeyê û venegeriyan

» Davutoglu dibêje YPG naxwaze şerî bike

ENQERE, 16/10 2014 — Serokwezîrê Tirkiyeyê Ahmet Davutoglu duhî got tikesê rê li ber kurdên Sûriyeyê yên ko tên Tirkiyeyê negirtiye ko vegerin Kobanê û şerî bikin û got 300 gerîlayên YPG-ê jî sîlehên xwe danîn û hatin Tirkiyeyê û nexwestin careka dî vegerin.

Ahmet Davutoglu duhî got ew wekî Tirkiye naxwazin ko hemwelatiyên wan biçin Sûriyeyê û tevlî şeran bibin û bersiva hevserokê HDP-ê Selahattîn Demîrtaş jî da û got:

— Di heqê gotinên Demîrtaş yên duhî de dibêjim. Hemaset gelekê hêsanî ye. Bila bibêje ka çi dibêje. Temaşa bikin, nêzîkî 300 kesên PYD-ê sîlehên xwe danîn û hatin Tirkiyeyê. Dema ko xelkên ehlê Sûriyeyê bixwazin vegerin Sûriyeyê ti kes rê li ber wan nagire, dergeh vekiriye û dikarin biçin lê belê nexwestin biçin. Ka ew [Demîrtaşê] ko dibêje "bila dergehî vekin da yên ko tên biçin û şerî bikin, PYD-yiyên ko ji Kobanê hatine bila biçin bajarê xwe biparêzin". Me ji waliyên xwe pirsî, ji grupeka biçûk pê ve kes ji wan nexwestin vegerin û gotin "em naxwazin biçin û dixwazin li Komara Tirkiyeyê di ewlekariyê de bin". Vêca em çi bikin, em bi zorê wan rêkin?

Ahmet Davutoglu got hemî cîhan ji wan dixwaze ko hidûdên xwe baş biparêzin da rênedin çekdarên biyanî derbasî Sûriyeyê bibin û got ji ber hindê jî Tirkiye ji bilî xelkê Sûriyeyê bi xwe rênade hemwelatiyên Tirkiyeyê yan yên welatekê dî ji bo şerî derbasî Sûriyeyê bibin.

Bulent Arinçê arîkarê Davutoglu jî îro rexne li HDP-ê girt û got:

— Mesele ne Kobanê ye. Mesele ew e ko bi bihaneya Kobanê dixwazin wê serhildana ko wan pir bêriyê kiriye pêkbînin. Bi salan nekarîn vê yekê bikin û dê piştî niho jî nekarin bikin. Em dê dinyayê bi serê wan de hilweşînin. Li Kobanê sivîl nemane, hemî hatin Tirkiyeyê. Dibêjin ko bi qasî hezar kesî mirovên şervan li wêderê mane. Bila bizanin ko hinek ji çekdarên PYD-ê jî hatine û daxwaza penaberiyê li Tirkiyeyê kirine. Li wêderê [Kobanê] nikarin berxwedaneka cidî bikin. Ji cihên ko hêviya xwe pê ve girêdabûn hîç destek nehat. Gotinên kesekê li Qendîlî bila careka dî ez bibêjim, dibêje: "Em dikarin li çiyayan şerî bikin û nikarin li Kobanê şerî bikin." Şerê li çiyayan rehet e, li hemberî esker, polîs, mamosta û hakiman. Revandina zelaman rihet e lê belê nikarin li Kobanê şerî bikin û nekirin jî. Pêwistiya wan bi hîç tiştekî nîne. Ez dikarim hinek tiştên dî jî bibêjim, lê belê bila zêdetir mehcûb nebin, evqas bes e.

Davutoglu jî û Arinç jî balê dikişînin ser "şernekirina PYD-ê û PKK-ê" li Kobanê û dibêjin ko PYD nikare li hemberî Daişê li ber xwe bide. Hêzên koalîsyonê jî bi rêya hewayî li Kobanê êrişên mezin dibin ser Daişê û dibêjin li Kobanê hêzeka ko wekî pêşmergeyên Kurdistanê bikare şerê Daişê bike nîne.

Guman di serê mirovî de çêdibe: Gelo PYD-ê bi zanîn hemî gundên Kobanê vala kirin û xwe li bajarê Kobanê asê kir da ew herêm bikeve destê Daişê de? Ji aliyê cografî ve Tirkiye jî dixwaze ko herêma Kobanê bikeve destê Daişê de da hidûdê dewleta erebên sunî digel Tirkiyeyê fireh bibe. Ne dûr e ko PKK-ê, Daişê û Tirkiyeyê bi hev re li hev kiribin ko Kobanê ji kurdan bêt vala kirin û bikeve destê Daişê de.

Êrişên hêzên koalîsyonê û piştgiriya başûrê Kurdistanê heta niho nehiştiye ew plana PKK-ê, Daişê û Tirkiyeyê bi ser keve.

-----------------------------------

Nivîskar: Nefel-Nûçe
Weşandin: 2014-10-16
Xwendin: 1874