Nefel

[ ÎNÊ, 2024-04-26 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Wezareta pêşmergeyan 3 000 pêşmergeyên ENKS-ê perwerde dike


	» Cebar Yawer

HEWLÊR, 18/10 2014 — Sekreterê giştî yê Wezareta pêşmergeyan ya Kurdistanê Cebar Yawer got ew li başûrê Kurdistanê nêzîkî 3 000 pêşmergeyên girêdayî ENKS-ê ko li rojavayê Kurdistanê çalak e perwerde dikin.

Li gor AA-yê, Cebar Yawer got ew perwerdeya leşkerî didin hêzên çekdar ên girêdayî Encûmena Niştimanî ya Kurd li Sûriyê (ENKS) da ko alîkariyê bidin kurdên rojavayê Kurdistanê û got:

— Em li herêma Kurdistanê nêzîkî 3 000 çekdarên girêdayî ENKS-ê ko li rojavayê Kurdistanê çalak e perwerde dikin. Eger Partiya Yekîtiya Demokratîk (PYD) û partiyên dî yên siyasî li hev bikin dê pêşmergeyên rojava biçin Sûriyê û tevlî şer bibin.

Yawer di heqê şerê li dijî Daişê de jî got dema ew di rewşa parastinê de bûn Daişê gelek navçe dagir kirin, ji ber vê yekê pêşmergeyên Kurdistanê pozîsyon û stratejiya xwe ya şer guhert û ket rewşa êrîşkirinê û got:

— Bi saya guhertina pozîsyonê me navçeya Rebîe, Mexmûr, Giwêr, Dîbege, bendava Mûsilê, beşekî Zumar, derdora Duzxurmatû, bajaroka Amîrlî, Silêmanbeg û gelek cihên li qûntara Çiyayê Hemrînê ji destê Daişê derxistin.

Yawer diyar kir ko welatên wekî Emerîka, Îtalya, Awustralya, Fransa, Kanada, Lîtvanya, Macaristan, Bulgaristan, Mîrektiyên Yekîtiya Ereban, Erebistana Siûdî û Urdinê arîkariya çekan dane û got:

— Berê jî birêz Barzanî gotibû ko Tirkiyeyê ji pêşmergeyan re çek şandine. Lê belê em li benda arîkariyeke hê mezintir û zêdetir bûn.

Yawer da zanîn ko ji bo bikaranîna çek, amûrên ji bo lêgerîna mayînan û antîtankên ko welatên dost ji wan re şandine, ew niha pêşmergeyan perwerde dikin û wiha pêde çû:

— Em dê li gor madeya 140-ê ya destûra bingehî ya Iraqê tevbigerin û heta ko em tevahiya axa herêma Kurdistanê rizgar bikin dê têbikoşin.

Partiyên ko di bin banê ENKS-ê de ne li rojavayê Kurdistanê çalak in. Ji aliyekî dî ve serokê Kurdistanê Mesûd Barzanî li Dihokê digel hevserokê Partiya Yekîtiya Demokratîk (PYD) Salih Muslim, nûnerên Encûmena Niştimanî ya Kurd li Sûriyê (ENKS) û Tevgera Civaka Demokratîk (Tev-Dem) civiya. Tê çaverê kirin ko hemî hêzên rojavayê Kurdistanê bigihin rêkeftinekê û hêzeke hevbeş bo rojava pêk bînin.

-----------------------------------

Nivîskar: Nefel-Basnews
Weşandin: 2014-10-18
Xwendin: 1651