Nefel

[ PÊNCŞEM, 2024-04-25 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Nêçîrvan Barzanî: Em kontrola petrola xwe naxin destê Somoya Iraqê de

» Nêçîrvan Barzanî desthilatê nade Bexdayê

HEWLÊR, 11/11 2014 — Serokwezîrê Kurdistanê Nêçîrvan Barzanî duhî piştî civîneka heştseetî li Parlamentoya Kurdistanê got hikûmeta nû ya Iraqê jî sozên xwe bi cih nake û got Kurdistan bi ti awayî kontrola petrola Kurdistanê naêxe bin kontrola şirketa Somo ya Iraqê de.

Nêçîrvan Barzanî piştî civîna li Parlamentoya Kurdistanê di preskonferansekê de got:

— Serokwezîrê Iraqê Heyder Ebadî biryar dabû ko wek pêşîne hinek pereyan ji butçeya Iraqê ji herêma Kurdistanê re bişîne û beşek ji petrola Kurdistanê jî bi rêya şirketa Somo bo derve bê şandin, lê mixabin serokwezîrê Iraqê pêbendê soza xwe nebû û heta niha jî soza xwe neaniye cih. Berê hinceta wan ew bû ko wezîrên kurd beşdarî kabîneya nû ya Iraqê nebûne, lê niha kurd beşdar bûne, lê dîsa heta niha soza xwe neanîne cih.

— Em li ser rêyeke rast pêngavan diavêjin û bi hêvî ne ko paşerojê di warê hinardekirina petrolê de bigihin ast û rêjeyeke wiha ko dahata herêma Kurdistanê jê bi dest bikeve. Pirsgirêka kurdan digel Bexdayê ne tenê butçe ye, lê madeya 140-ê, pêşmerge, petrol û pirsên dî jî hene. Wan meaşê fermanberên herêma Kurdistanê ragirtine, lê di heman demê de meaşê navçeyên di bin kontrola Daişê de didin.

Serokwezîr Barzanî tekez kir ko Kurdistan qet kontrola petrola xwe naxe destê şirketa petrolê ya Iraqê (Somo) û wiha pêde çû:

— Siyaseta me ew e ko digel Bexdayê bighin rêkeftinekê, lê belê eger çênebû, wê demê çareseriyên dî li ber destê me hene.

Li ser bazirganiya digel çekdarên Daişê jî Barzanî got:

— Em ticareta digel Daişê wek xiyaneta niştimanî dibînin.

Li ser pirsgirêkên navbera Hewlêr û Bexdayê de cihgirê serokwezîrê Kurdistanê, Qubad Talebanî jî got:

— Emerîka û Brîtanya di vê derbarê de zextê li Bexdayê dikin.

Di heqê wergirtina deynan de ji welatên derve ve Talebanî got:

— Em deynan ji bo projeyên stratejîk werdigirin û ne ji bo meaşan.

-----------------------------------

Nivîskar: Nefel-Basnews
Weşandin: 2014-11-11
Xwendin: 1618