Nefel

[ ÇARŞEM, 2024-04-24 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Davutoglu: Obama qane bûye ko divêt rejîma Beşar Esed jî nemîne

» Davutoglu li hêviyê ko Esed jî nemîne

STENBOL, 17/11 2014 — Serokwezîrê Tirkiyeyê Ahmet Davutoglu duhî got siyaseta Tirkiyeyê û Emerîkayê gelek nêzîkî hev bûye û hêdî serokê Emerîkayê Barack Obama jî qane bûye ko digel nehiştina Daişê divêt rejîma Beşar Esed jî nemîne û hêzeka dî çêbe.

Li gor rojnameya tirkî Sabahê, Ahmet Davutoglu li Awisturalyayê piştî civîna digel serokê Emerîkayê Barack Obama ji rojnamevanên tirk re behsa hevdîtina xwe û Obama kir û got:

— Ev demeke dirêj e ko di meseleya Sûriyeyê û Iraqê de têkiliyên me yên piralî digel Dewletên Yekgirtî yên Emerîkayê hene. Wezîrê derve Mevlut Çavuşoglu, musteşarê MIT-ê Hakan Fidan, musteşarê Wezareta derve Feridun Sinirlioglu li pey hev çûn Washingtonê. Hefteya bêt jî cihgirê serokê Emerîkayê Joseph Biden dê bêt Tirkiyeyê.

— Van danûstandinên me nîşan da ko di nêvbera me û Emerîkayê de perspektîveka hevbeş heye. Di heqê paşeroja Sûriyeyê de yanî di heqê xelasbûna ji Beşar Esed û xelasbûna ji Daişê de em cuda nafikirin. Tenê di warê hemahengiyê de hinek astengên biçûk derdikevin. Tirkiye dixwaze ko problema Sûriyeyê zû safî bibe. Emerîka ji ber tecrubeya xwe ya li Iraqê hinekê ji me zêdetir bêhnfireh e. Berî çar mehan tabloyeka wiha hebû: Emerîkayê digot em pêşiyê Daişê ji meydanê rakin û paşê li rewşa Esed bifikirin. Lê belê Emerîka îro hatiye nuqteya ko divêt hem Daiş û hem jî Esed herdu jî nemînin.

— Êrişên rejîmê yên li ser Helebê nîşan da ko heger Daiş nemîne jî pêlên nû yên mihaciran dê çêbin. Nuqteyeka dî: Konsantrasyona li ser krîza Kobanê rê li ber wê yekê girt ko mirov resmê mezin bibîne. Di nêvbera me û Emerîkayê de di teferuatan de cudahiyeka dî jî hebû: Emerîkayê digot em pêşiyê Iraqê safî bikin. Me jî digot em hem Sûriyeyê û hem Iraqê bi hev re safî bikin ji ber li wêderê hidûd nemane. Di netîceyê de em û emerîkî gehiştin nuqteya muşterek: Li Sûriyeyê bi awayekê xurt piştgirîkirina muxalefeta nerm û Ordiya Azad ya Sûriyeyê. Yanî di nêvbera Daişê û Esed de em dê hêzeka sêyem ava bikin. Em gelê Sûriyeyê nakin mehkûmê ber destê yek ji van herduyan (Daiş û Esed).

Ahmet Davutoglu got ew digel şêwirmenda Elmanyayê Engela Merkelê jî civiyaye û meseleya Sûriyeyê û Iraqê digel wê jî axaftiye. Davutoglu got "bakurê Iraqê" yanî başûrê Kurdistanê ji bo Elmanyayê giring e ji ber Elmanya sîlehan û perwerdeyê dide pêşmergeyên Kurdistanê.

-----------------------------------

Nivîskar: Nefel-Nûçe
Weşandin: 2014-11-17
Xwendin: 1708