Nefel

[ PÊNCŞEM, 2024-04-25 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Sabrî Ok: Bila ordî û polîsên tirk ji Kurdistanê derkevin


	» Sabrî Ok

DIYARBEKIR, 24/11 2014 — Endamê konseya birêvebir ya KCK-ê Sabrî Ok duhî got sebebê çêbûna PKK-ê ji destpêkê ve hêjî ji halê ranebûye û got ew dest ji sîlehan bernadin û divêt ordî û polîsê Tirkiyeyê ji Kurdistanê derkeve.

Li gor xebereka duhî ya ANF-ê, Sabrî Ok got hemî gotgotên ko PKK dê dest ji sîlehan berde û ji bakurê Kurdistanê hêzên xwe derxe propagandaya hikûmeta AKP-ê ye û got:

— Em hereketeka wisa ne ko dizanin ka çawa li hemberî kolonyalîzmê û zordariyê xwe çekdar bikin û dizanin ko me ev bi zorê pêkaniye. Sebebê derketina me [wekî PKK] hêj li meydanê ye û lewra sîlehdanîn ne mimkin e û li dijî realîteyê ye.

Sabrî Ok ji kurdên bakur xwest ko li hemberî hemî zordariyên ko li KCK-ê û terefdarên wan tên kirin rawestin û got:

— Heger hêzek hebe ko divêt ji Kurdistanê derkeve ew jî ordî û polîsên dagîrker in. Heta ko Tirkiye demokratîze nebe û pirsa kurdî neyêt çareser kirin ordî û polîs hêzên dagîrker in. Ya ko bêt kirin ne sîlehdanîna me lê belê ew e ko ordiya tirkan operasyon, êriş û girtinên xwe yên li Kurdistanê rawestîne. Divêt karakol, bendav û rêyên ko bi bihaneya ewlekariyê ava dike rawestîne. Li Kurdistanê hema hema bibêje bi qasî nîvê nifûsa kurdan hêzên eskerî û polîs hene. Heger lazim be divêt ev bêt minaqeşe kirin.

Sabrî Ok rexne li gotinên serokkomarê Tirkiyeyê Recep Tayyîp Erdogann yên ko dibêje ew "çavekê sêyê" yanî hêzeka biyanî wekî nêvbeynçîkar qebûl nakin jî da û got:

— Serokatiya me [Abdullah Ocalan] berê gotibû "di zewaca jin û mêrekî de jî şahid hene". Heger bixwazin pirseka wekî pirsa kurdî ya tarîxî û rakûr çareser bikin û di nêvbera herdu aliyan de bêbaweriyeka cidî hebe hebûna heyeteka sêyê ya çavdêr şert e.

Erdogan duhî di heqê daxwaza PKK-ê ya pêwîstiya bi heyeteka "çavê sêyê" de got:

— Emerîka be yan aliyekê dî be... Me berê li cihên guhortî ev tecrube kir. Li Osloyê hat serê me. Çavê sêyê be yê çarê be, hema çi dibe bila bibe aşkera bû k anetîceya wê dibe çi. Li vêderê divêt em lawên vî welatî vê meseleyê di nêvbera xwe de çareser bikin. Bi salan em kurd û tirk li vî welatî bi hev re jiyane. Me keç dane hevdu û hêjî bi hev re dijîn. Me hîç demekî behsa "terorîzma kurdan" nekir ji ber di nêv hemwelatiyên min yên kurd de gelek kesên ko dûr-nêzîk hîç eleqeyeka wan bi terorîzmê ve nîne hene. Rêxistineka terorê ya cidaxwaz ko hemwelatiyên min yên kurd dimije û ji xwe re bi kar tîne heye. Bi salan mirovekê ingilîz diçû Qendîlê û dihat. Wî jî rola çavê sêyê dilehîst. Hîç tiştek nekir û bilekis proses xirabtir kir.

-----------------------------------

Nivîskar: Nefel-Nûçe
Weşandin: 2014-11-24
Xwendin: 2096