Nefel

[ ŞEMÎ, 2024-04-20 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Barzanî û von der Leyenê hevkariya eskerî xurttir kirin

» Barzanî û von der Leyenê li dijî Daişê destê xwe dan hevdu

HEWLÊR, 12/1 2015 — Serokê Kurdistanê Mesûd Barzanî duhî pêşwazî li wezîra bergiriyê ya Elmanyayê Ursula von der Leyenê kir. Herduyan biryar da ko hevkariya eskerî ya pêşmergeyên Kurdistanê û eskerên Elmanyayê xurttir bikin.

Wezîra bergiriyê ya Elmanyayê Ursula von der Leyenê ji serokê Kurdistanê Mesûd Barzanî re got:

— Ji bo hikûmeta Elmanyayê cihê şanaziyê ye ko di şerê li dijî terorîstên Daişê de hevkariya pêşmergeyan bike. Ez digel komîsyona bergiriyê ya Parlamentoya Elmanyayê hatime vêderê da lêbikolin ka ji aliyê qanûnî ve çi îmkanên me hene ko arîkariya eskerî bidin pêşmergeyên Kurdistanê.

Serokê Kurdistanê Mesûd Barzanî jî got arîkariya eskerî ya ko Elmanyayê heta niho ji bo pêşmergeyan kiriye tesîreka mezin li têkbirina terorîstên Daişê kiriye û got:

— Pêşmergeyan pêwistî hevkarî û arîkariya dostan heye da bikarin vî şerî safî bikin. Rûbirûbûna terorê erka hemî cîhanê ye û rûdanên li Parîsê nîşan da ko teror dikare li gelek cihan bibe serkaniya tehdîdê û nearamiyê.

Li gor daxuyaniyeka Wezareta bergiriyê ya Elmanyayê, Ursula von der Leyenê berî ko bêt Kurdistanê li Bexdayê ji berpirsên hikûmeta Iraqê re got Elmanya nemaze dixwaze arîkariya pêşmergeyên Kurdistanê bike û got:

— Ji bo min giring bû ji Bexdayê re zelal bikim ko arîkariya me dê zêdetir ji bo herêma Kurdistanê û pêşmergeyan be. Rêz û hirmeteka me ya mezin ji bo pêşmergeyan heye ji ber ko ew di şûna me de şerê terorê û Daişê dikin.

-----------------------------------

Nivîskar: Nefel-Nûçe
Weşandin: 2015-01-12
Xwendin: 1375