Nefel

[ ŞEMÎ, 2024-04-20 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Hikûmeta Kurdistanê: Em rê nadin kar û kantonên PKK-ê yên neqanûnî


	» Cemil Bayik û PKK dest ji kantonên xeyalî bernadin

HEWLÊR, 17/1 2015 — Hikûmeta Kurdistanê îro bi daxuyaniyeka gelek dijwar rexne li biryara PKK-ê ya ko li Şingalê kantonekê ava bike girt û got divêt PKK bilez dest ji van planên xwe yên bêqanûnî berde.

PKK-ê nejixwe ve li çiyayê Şingalê civînek çêkiriye û biryar daye ko kantoneka xeyalî li Şingalê çêke. Lingê kantona PKK-ê li hewa ye û li ser erdê zemîn ji projeyeka wisa re nîne.

Hikûmeta Kurdistanê got Şingal dê li gor qanûnên Kurdistanê û Iraqê bêt îdare kirin û plana Kurdistanê heye ko Şingalê bike wîlayet û wekî wîlayetekê digel Kurdistanê be.

Teksta daxuyaniya hikûmeta Kurdistanê li jêrê ye:

Devera Şingalê piştî êrîşên terorîstî yên Daişê, ji roja 3/8 2014-ê ve di rewşeke dijwar de dijî û nuha jî hemû gelê Kudistanê weke birîneke nû di laşê Kurdistanê de li komkujî û revandina jinên kurdên êzidî dinêrin.

Her ji ber wê birîna dijwar serokê herêma Kurdistanê û fermandarê giştî yê hêzên pêşmerge birêz Mesûd Barzanî bi xwe dîrekt serperiştiya plan û êrîşên hêzên pêşnmerge li dijî çekdarên Daişê li wê deverê kir û dike. Hikûmeta herêma Kurdistanê jî bi hemû îmkanên xwe ji bo dihewarçûna xelkê deverê, lêqewmiyan û vegerandina keç û jinên kurdên êzidî ko heta nuha jî hejmareke zêde di destên terorîstên Daişê de ne, xebitiye. Hikûmeta herêma Kurdistanê bi rêya komîteyeke taybet lêdixebite komkujî û revandina bikom li wê deverê ko enfaleke nû ye li hember kurdên êzidî wekî jenosîdekê li ser asta navdewletî bide nas kirin.

Em, weke kabîneya wezîrên herêma Kurdistanê, spasiya şervanên Yekîneyên Parastina Gel dikin ko her ji destpêka êrîşên Daişê de ji bo rizgarkirina kurdên koçberên devera Şingalê alîkariya pêşmerge kirine, lê em li gor qanûn û destûrê radigihînin ko pêngava Partiya Karkerên Kurdistanê di roja 14/1 2015-ê de ji bona avakirina encûmenek û îdareyek bo devera Şingalê, karekî neqanûnî û bervajî destûr û qanûnên karpêkirî yên Kurdistan û Îraqê dibînin û ew destêwerdan di karûbarên Kurdistana Îraqê de nayê qebûl kirin û divê Partiya Karkerên Kurdistanê bi timamî ji wê destêwerdana karûbarên Kurdistana Îraqê dûr bikeve. Çênabe miameleya siyasî û hizbî bi derdeseriyên wê devera birîdar re bê kirin, ji ber hindê ew pêngav karekî neqanûnî ye û dê bibe sedema dirustbûna aloziyên siyasî û îdarî.

Herêma Kurdistanê û Îraq xwedî sazîyên destûrî û şerî yên xwe ne, kurdên êzidî û devera Şingalê xwedî nûnerên xwe ne di Parlamentoya Kurdistanê, Parlamnetoya Îraqê û meclisa wîlayeta Nînewayê de. Ji ber hindê her karekî nuha û di paşerojê de bê kirin divê bi rêya saziyên şerî yên herêma Kurdistanê û Îraqê bo devera Şingalê bên kirin, ne bi rêyên neqanûnî û desttêwerdanên nepersendkirî. Em li kabîneya wezîrên herêma Kurdistanê lêdixebitin ko hevkariya xelkê parçeyên dî yên Kurdistanê digel devera Şinaglê û deverên din yên Kurdistana Îraqê, bibe sedemê baştirbûna têkiliyan û baştir lihevnêzîkbûnê, ne dirustbûna nakokî û aloziyan, em daxwazê ji Partiya Karkerên Kurdistanê dikin demildest wan pêngavên neqanûnî li herêma Kurdistanê rawestîne.

Em tekîdê li ser daxuyaniyên birêz mîrê kurdên êzidî û kesatiyên olî û kesatiyên kurdên êzidî dikin ko ev desttêwerdan dê bibin sedemê aloziyan li devera Şingalê û di encamê de Kurdistana Îraqê û devera Şingalê dê jê zerermend be, ji ber hindê divê dawî bi pêngavên bi wî awayî bêt.

Hêzên pêşmerge li ser kontrolkirina temamiya devera Şingalê berdewam in û hikûmeta herêma Kurdistanê li ser alîkarîkirina xelkê deverê û avadankirina wê devera xweştivî berdewam dibe, ji bona vê yekî jî em digel hikûmeta federal ya Îraqê di tevgerê de ne.

Kabîneya wezîrên herêma Kurdistanê wê pêşniyarê ko daxwaz tê kirin Şingal bibe wîlayeteke din ya herêma Kurdistanê lêkolîn dike û ev jî bi awayekî qanûnî û destûrî û li gor rênîşanderên qanûnî û destûrî, digel hikûmeta federal ya Îraqê dê bê behis kirin, hemû danûstandin li ser wê pêşniyarê bi agadarî û beşdariya civata wîlayeta Nînewayê dibe.

Kabîneya wezîran ya herêma Kurdistanê
17/1 2015

-----------------------------------

Nivîskar: Nefel-Nûçe
Weşandin: 2015-01-17
Xwendin: 1854