Nefel

[ ÎNÊ, 2024-04-19 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Ocalan dê biryarê bide ka HDP bi çi rengî beşdarî hilbijartinan bibe

» Qedera Demîrtaş di destê Erdogan û Ocalan de ye

DIYARBEKIR, 7/2 2015 — Rojnamevana tirk Amberîn Zaman di meqaleya xwe ya duhî de (Taraf, 6/2) behsa serdana xwe ya Diyarbekirê dike û dibêje rêberê PKK-ê Abdullah Ocalan dê piştî 15-ê sibatê biryarê bide ka HDP wekî partî beşdarî hilbijartinên Parlamentoya Tirkiyeyê bibe yan ne.

Amberîn Zaman behsa sohbeta xwe ya digel du kesên navnediyar dike û wisa xuya dike ko herdu jî PKK-ê û dewletê baş nas dikin. Berpirsê rêxistineka sivîl li Diyarbekirê behsa ferqa di nêvbera helwêst û usluba rêberê PKK-ê Abdullah Ocalan û hevserokê KCK-ê Cemîl Bayik de dike û dibêje:

— Ocalan nerm û sazişkar e lê belê ji devê Bayik jehr dibare. Ez li Urfayê bi qasî pênc seet û nîvan digel Davutoglu bûm û me ev mesele minaqeşe kir. Dewlet karta Ocalan pir bi awayekê heqîrane bi kar tîne û kontorên wê kartê zêde nemane. Dewlet wisa nîşan dide ko Qendîl û HDP zarokên netebitî ne û Ocalan hertim dikare wekî mamostayekî guhê wan bikişîne.

Serkaniyeka dî ya Amberîn Zamanê ko mimkin e kesekê ji PKK-ê be dibêje di nêvbera Ocalan û Qendîlê de hîç nakokî nîne û tenê sala 1999-ê carekê nakokî çêbû ew jî dema ko Ocalan ji PKK-ê xwest hêzên xwe ji Tirkiyeyê derxe û dibêje:

— Di nêv rêxistina PKK-ê de dezgeheka ko partiyê biparêze û yekser fermanên Ocalan pêkbîne heye û navê wê Hêzên Parastina Partiyê ye. Ew rêxistin girêdayî konseya serokatiyê ya KCK-ê ye lê belê dikare endamên konseyê bixwe jî kontrol bike.

Heman serkanî behsa biryara beşdarbûna HDP-ê ya di hilbijartinên Parlamentoya Tirkiyeyê de jî dike û dibêje:

— Ocalan dê biryarê bide ka HDP wekî partî beşdarî hilbijartinan bibe yan ne. Niho bazareka xurt di nêvbera Ocalan û hikûmetê de têt kirin. Heger hikûmet daxwazên Ocalan qebûl bike HDP bizane ko dê di bin baraja ji % 10-ê de bimîne jî dê wekî partî beşdarî hilbijartinan bibe da ji bo sîstema serokatiyê [ya Erdogan] rê veke. Hingê ji ber ko HDP dê ne li parlamentoyê be mesûliyeta avakirina sîstema serokatiyê nakeve stoyê wê de. Lê belê heger hikûmet gavên ko PKK pê qane bibe neavêje HDP dê bi namzetên serbixwe beşdarî hilbijartinan bibe. Ma berpirsê KCK-ê Sabrî Ok çima heta nîvê meha sibatê midet da hikûmetê? Her bêhnekê biryara PKK-ê dikare bêt guhortin. Ne Ocalan û ne jî PKK luqmeyeka hêsanî ne.

Vêca li gor vê serkaniya nêzîkî PKK-ê:

1. Heger Ocalan û Erdogan li hev bikin HDP dê wekî partî beşdarî hilbijartinan bibe. Ji ber ko HDP baraja ji % 10-ê derbas nake hemî parlamenterên wê dê biçin bo AK Partiyê û hêza Ak Partiyê ji bo guhortina qanûna esasî çêdibe.

2. Heger Ocalan û Erdogan li hev nekin HDP dê ne wekî partî lê belê bi namzedên serbixwe bikeve hilbijartinan û mimkin e cardî wekî berê 20 heta 25 kursiyan bi dest bixe.

-----------------------------------

Nivîskar: Nefel-Nûçe
Weşandin: 2015-02-07
Xwendin: 1572