Nefel

[ SÊŞEM, 2024-04-16 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Asayişa Şingalê: PKK lêdixebite ko li Şingalê hêzeka Heşdul Şeibî ava bike

» PKK dest ji plana xwe ya Şingalê bernade

DIHOK, 27/4 2015 — PKK bi rêya Yekîneyên Berxwedana Şingalê û hinek hêzên xwe yên li Şingalê dest bi qeydkirina navê kurdên êzîdî kiriye da wan tevlî mîlîsên erebên şîî Heşdul Şeibî bike.

Li gor Rûdawê, serkaniyekê ji çiyayê Şingalê behsa projeya PKK-ê ya avakirina hêzeka kurdên êzdî ko girêdayî Heşdul Şebî be kir û got:

— Piştî ko avakirina hêza Heşdul Şeibî li Şingalê bi rêya Heyder Şeşo ser negirt, niha PKK bi rêya YBŞ-ê dest bi qeydkirina navên kurdên êzîdî kiriye. PKK-ê hevahengî digel Heşdul Şeibî kiriye da meaş û çekan ji wan werbigire û wan bikin hêzeke taybet û di bin fermana Heşdul Şeibî de kar bikin. Piştî ko çend civînên nihênî di navbera serkirdeyên PKK-ê û çend fermandarên pilebilind ên Heşdul Şeibî de çêbûn, Bexda razî bû ko bi rêya sînorê Rojava û başûrê Kurdistanê alîkariya leşkerî bigihîne Şingalê û niha jî qonaxa nivîsandina navan bo avakirina wê hêzê destpê kiriye.

Ev ne cara yekê ye ko berpirsên Iraqê hewla avakirina hêza Heşdul Şeibî li Şingalê didin. Destpêka vê mehê, fermandarê Hêza Parastina Şingalê, Heyder Şeşo ji aliyê asayişa Kurdistanê ve li Dihokê hat desteser kirin ji ber Heşdul Şeibî li pişt wî bû û alîkariya darayî ji wan re dişand.

Bo wergirtina agahiyên zîdetir di heqê vê yekê de me pêwendî bi rêveberê Asayişa Şingalê Qasim Simo re kir û wî jî ev hewla PKK-ê piştrast kir û got:

— Bêguman bi ser nakevin. Her ji destpêka bûyerên Şingalê ve, PKK bi hemû awayekî hewl dide rastiyê biguhere. Piştî ragihandina Encumena Şingalê, çend dibistan ava kirin û rojane xelkê Şingalê li nava wan kom dikin û behsa îdeolojiyaya xwe ji wan re dikin.

PKK jibilî avakirina hêzeke leşkerî bi navê YBŞ, bi rêya avakirina partiya Tevda bi serperiştiya Seîd Husên, Encumena Êzîdiyên Şingalê îlan kir û niha hewl dide ko xelkê Şingalê bi aliyê xwe de bikişîne.

Fermanderekî pêşmerge li çiyayê Şingalê ko bi xwe kurdê êzîdî ye vê hewla PKK-ê wekî xapandina kurdên êzîdî bi nav dike û dibêje:

— Haya me ji wan hewlên PKK-ê heye ko bi rêya YBŞ û hêzên xwe yên dî dest bi qeydkirina navê kurdên êzîdî kirine û ji wan re gotine emê mûçe ango meaş ji we re peyda bikin.

Fermandarê pêşmerge li çiyayê Şingalê, Qasim Şeşo îro got:

— Li gorî agahiyên me, heta niha navê pênc hezar kesan nivîsandine, lê ji bilî PDK-ê kesek dî nikare cihê xwe li vir bigire. Ev hewla PKK-ê wek hewlên dî bi ser nakeve.

Yek ji fermandarên YBŞ-ê li Şingalê, Rakan Şingalî tekez kir haya wî jê nîne ko PKK-ê dixwaze hêza Heşdul Şeibî li Şingalê ava bike û got:

— Ew mijar karên berpirsên pilebilind ên PKK-ê ne, haya min ji wan nîne.

Berdevkê Heşdul Şeibî yê li Iraqê, Kerîm Nûrî îro got:

— Şingal beşek e ji Iraqê û eger pêwîst be û xelkê wê daxwaza Heşdul Şeibî bikin emê ji wan re ava bikin. Ew mijar girêdayî beşê pêwendiyan e di nav Heşdul Şeibî de. Ti agahî derbarê wê di destê min de nînin.

-----------------------------------

Nivîskar: Nefel-Nûçe
Weşandin: 2015-04-27
Xwendin: 2260