Nefel

[ ÎNÊ, 2024-04-19 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

PDK: Barzanî dê heta du salan serxwebûnê îlan bike

» Bîstê tebaxê roja hilbijartina serokî ye

HEWLÊR, 15/6 2015 — Endamekê polîtbîroya Partiya Demokrat ya Kurdistanê îro got heger serokê Kurdistanê Mesûd Barzanî çar salên dî serokatiya Kurdistanê bike dê heta du salan serxwebûna Kurdistanê îlan bike.

Serokê Kurdistanê Mesûd Barzanî 13-ê vê mehê biryar da ko hilbijartinên serokê Kurdistanê di 20-ê tebaxê de bên kirin û ji Komîsyona Bilind ya Hilbijartinan ya Kurdistanê xwest li gor wê haziriya xwe bike.

Li gor Rûdawê, berdevkê polîtbîroya Yekîtiya Niştimanî ya Kurdistanê Îmad Ehmed di heqê biryara Mesûd Barzanî ya ji bo hilbijartinên serokatiyê de got ev ji bo wan surprîz bû û haya wan ji vê biryarê nebû.

Îmad Ehmed got heta niho polîtbîroya YNK-ê li ser vê mijarê neciviyaye û ew li benda wê yekê ne ka Komîsyona Bilind ya Hilbijartinan dê çi bibêje. Îmad Ehmed got ew niho pêşniyarbiryarekê amade dikin ji bo serastkirina qanûna serokatiyê û got:

— Em dibêjin bila sîstema rêveberiya Kurdistanê parlemenî be û desthilata serokê herêma Kurdistanê jî bêt kifş kirin.

Berpirsekê YNK-ê ko nexwest navê wî were eşkere kirin got pişka mezin a wê pêşniyarbiryarê xilas bûye lê belê heta niho biryara dawî nehatiye dayîn, çimkî hinek dibêjin bila sîstema rêveberiyê parlemenî be lê belê serok ji aliyê xelkê ve were hilbijartin, hinek jî dibêjin bila serok ji aliyê parlamentoyê ve bêt hilbijartin.

Tevgera Goranê jî dibêje bila serokê Kurdistanê ji aliyê parlamentoyê ve were hilbijartin, desthilata serok were kêm kirin, heyama serokatiyê jî bi xilasbûna dewreke parlamentoyê re xelas bibe û du arîkarên serokî hebin.

Serokê fraksiyona PDK-ê li Parlamentoya Kurdistanê Omêd Xoşnaw li ser vê yekê got:

— Goran bi vê yekê dixwaze li pêşiya nivîsîna destûrê astengiyan derxîne û deriyê xwe ji hevdîtinan re bigire.

Omêd Xoşnaw got îmkan nîne ko qanûnek bi navê dirêjkirina heyama serokatiyê were derxistin herwiha ne mimkin e serok ji aliyê parlamentoyê ve were hilbijartin, PDKê li ser vê yekê biryara xwe daye.

Endamê polîtburoya Komela Îslamî ya Kurdistanê Mihemed Hekîm jî nerazîbûna xwe li hemberî PDK û Goranê nîşan da û got çênabe ew herdu partî meydanê bixin destê xwe, eger wisa be bila hema ew tenê tê de bilehîzin!

Mihemed Hekîm diyar kir ko Goran di eşkerekirina helwesta xwe de lez kir û PDK jî wisa xuya ye li hember vê mijarê bêminet e.

Ji bo çareserkirina kirîza serokatiyê hinek pêşniyarên PDK-ê hene.

Endamekî polîtburoya PDK-ê ko nexwest navê wî bêt aşkera kirin got
PDK dixwaze Barzanî çar salên dî wek serok bimîne çimkî Barzanî dixwaze di du salên destpêkê de serxwebûna Kurdistanê ragihîne.

Heman endamê polîtbîroya PDK-ê got rêyeka dî jî heye ji bo çareserkirina vê arîşeyê, ew jî ew e ko Barzanî ji bo cara sêyemîn bibe serok û di xirabtirîn rewşê de PDK dikare daxwaza hilbijartinên pêşwext bike.

-----------------------------------

Nivîskar: Nefel-Nûçe
Weşandin: 2015-06-15
Xwendin: 5214