Nefel

[ ÎNÊ, 2024-04-19 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Cemil Bayik kumê rêberê xwe Abdullah Ocalan dike serê PDK-ê


	» Cemil Bayik şona ko behsa PDK-ê bike bila behsa danûstandinên xwe û MIT-ê bike

DIYARBEKIR, 22/6 2015 — Serokê konseya birêvebir yê KCK-ê Cemil Bayik îdia kir ko Partiya Demokrat ya Kurdistanê di hilbijartinên Parlamentoya Tirkiyeyê de piştgiriya AK Partiyê kir û "ruhê Eşmeyê" û tifaqa di nêvbera rêberê PKK-ê Abdullah Ocalan û serokkomarê Tirkiyeyê Recep Tayyip Erdogan de ji bîr kir.

Cemil Bayik îro di hevpeyvînekê de ji rojnameya nêzîkî PKK-ê "Ozgur Gundemê" re got meseleya Kobanê tesîreka mezin li kurdên di nêv AK Partiyê de kir û kurdan dengên xwe ji AK Partiyê standin û dan HDP-ê. Ev tesbît rast e û hemî kurd vê yekê dizanin.

Lê belê hemî kurd dizanin ko rêberê PKK-ê Abdullah Ocalan di meseleya Kobanê û qebra Suleyman Şahê bapîrê osmaniyan de piştgiriya dewleta tirkan û AK Partiyê kir û îdia kir ko "ruhê Eşmeyê" nîşana hevkariyeka nû ye di nêvbera kurdan û tirkan de. Ne veşartî ye ko rêberê PKK-ê Abdullah Ocalan û Erdogan ji bo ko HDP wekî partî bikeve hilbijartinan li hev kiribûn ji ber Erdogan û Ocalan xudanê wê qenaetê bûn ko HDP barajê derbas nake û parlamenterên wê dê bibin para AK Partiyê.

Hem serokkomarê Tirkiyeyê Recep Tayyip Erdogan û hem jî Yalçin Akdoganê arîkarê serokwezîr Ahmet Davutoglu berî hilbijartinan got ko HDP-ê guhdariya Ocalan nekir û bi piştgiriya dewletên derve û hinek hêzên daxilî yên Tirkiyeyê wekî partî ket hilbijartinan. Yanî HDP-ê bi îmkanên xwe û piştgiriya miletê kurd plana Erdogan û Ocalan û heta plana Qendîlê ya Cemil Bayik jî serobin kir.

Cemil Bayik digel ko vê rewşê hemiyê dizane cardî derdikeve û îdia dike ko biserketina HDP-ê esera rêberê PKK-ê Abdullah Ocalan e û dibêje:

— Dema ko mirov netîceyên hilbijartinan binirxîne divêt mirov nemaze bizane ko mîmarê fikrî yê biserketina vê projeyê rêber Apo ye. Rêber Apo di pêkanîn û çêkirina vê projeyê de gelek israr kir. Digel hemî dijayetiyên ji nêva HDP-ê û ji derveyî HDP-ê û ji hêzên demokratîk yên kurdan rêber Apo helwêsta xwe nîşan da û ev biserketin pêkanî.

Adetê berpirsên PKK-ê ye. Her cara ko HDP di warekî de bi ser bikeve wê biserketinê dikin malê rêberê PKK-ê Abdullah Ocalan û dema HDP di warekî de bi ser jî nekeve gunehê wê dikin stoyê berpirsên HDP-ê de.

Digel ko serokê Kurdistanê û serokê PDK-ê Mesûd Barzanî bi daxuyaniyeka nivîskî biserketina HDP-ê pîroz kir û li hîç cihekî piştgiriya xwe ji bo AK Partiyê nîşan nedaye Cemil Bayik îdia dike ko PDK-ê piştgiriya AK Partiyê kir û dibêje:

— PDK ev 13 sal in şona ko tevgera demokratîk ya kurdan, nûnerên siyasî yên kurdên li Tirkiyeyê yan jî partiya ko nûneriya kurdan dike destek bike, piştgiriya AK Partiyê dike ko li hemberî kurdan siyaseta înkar û îmhayê dimeşîne û li hemberî Tevgera Azadiyê ya Kurdan û gelê kurd şerekê taybet dike û qetlîameka kulturî pêktîne.

Gotineka pêşiyan heye, dibêje "kumê Elo li serê Welo bike". Cemil Bayik jî tifaqa di nêvbera rêberê xwe Ocalan û Erdogan de ji bîr dike û îdîa dike ko PDK-ê piştgiriya AK Partiyê kir.

Yên ko bi AK Partiyê re "prosesa çareseriyê" dimeşînin Ocalan, KCK û HDP ye, yên ko li Îmraliyê, li Enqereyê û li Qendîlê bi MIT-ê re kar dikin Ocalan, HDP û KCK yanî Cemil Bayik e. Dema ko prosesa wan ya li hevkirinê baş nemeşe ji xwe re li dijminekî digerin û vê carê jî PDK wekî dijmin bijartine.

-----------------------------------

Nivîskar: Nefel-Nûçe
Weşandin: 2015-06-22
Xwendin: 5360