Nefel

[ ÎNÊ, 2024-04-19 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

YPG-ê piştrast kir ko Daiş ji aliyê Sûriyeyê ve hat nêv Kobanê

» Bajarê Kobanê yê wêran

KOBANÊ, 29/6 2015 — Fermandariya YPG-ê duhî bi daxuyaniyeka nivîskî piştrast kir ko nêzîkî 100 çekdarên Daişê bi otomobîlên cida hatine nêzîkî Kobanê û li cihekî gehiştine hevdu û paşê bi cilûberg û alaya Artêşa Azad ji nuqteyên kontrolê yên YPG-ê derbasî Kobanê bûne û 233 kurdên sivîl kuştin.

Fermandariya YPG-ê duhî bi daxuyaniyeka nivîskî aşkera kir ko di êrişa Daişê de li Kobanê 233 kurdên sivîl hatin kuştin û 273 kurd jî brîndar bûn. Teksta daxuyaniya fermandariya YPG-ê ko di malpera ANF-ê de belav bûye li jêrê ye.

***

Bîstûpêncê hezîrana 2015-an, di saetên sibehê de komeke çeteyan ko ji 80-100 kesan pêk tê, bi armanca ko jin, zarok, pîr û kal jî di nav de li hemberî gelê sivîl komkujiyê pêk bînin, ketine Kobanê.

Ev koma çeteyan ji herêma Sirrin a li başûrê Kobanê, di rêyên veşartî de bi wesayîtên yek bi yek derbasî herêma Kobanê bûne û li cihekî vala gihîştine hev. Koma çeteyan li vir cilên Artêşa Azad li xwe kirine û bi alên Artêşa Azad re ji nuqteyên Asayîşe derbas bûne û ketine navenda Kobanê.

Li gorî agahiyên ko ji çavkaniyên herêmî hatine bidestxistin hinek komên çeteyan jî, ji sînorê Tirkiyeyê derbasî bajar bûne. Hinek şahidan jî bi çavên xwe dîtine ko hinek komên çeteyan, ji sînorê Tirkiyeyê derbas bûne.

Komên çeteyan çawa ketine bajar, bi dehan jin, zarok, pîr û kal qetil kirine. Di heman demê de bi dehan mirovên sivîl jî rehîn girtine.

Piştî ko komên çeteyan ketine bajar, hêzên YPG/YPJ-ê û Asayîşê li hemberî van çeteyan operasyonek berfireh daye destpekirin. Di roja sêyemîn a operasyonê de piraniya çeteyan hatine kuştin, yek jî dîl hatiye girtin.

Ji çeteyên ko ketine nava bajar, heft endamên çeteyan reviyane aliyê Tirkiyeyê. Heşt endamên çeteyan jî ber bi başûrê Kobanê ve reviyane. Di encama şopandina bi israr a hêzên me de, ji van çeteyên ko reviyane başûrê Kobanê du çete li herêma Termîk, şeş jî li herêma Korpîngarê hatine kuştin.

Ji bilî heft endamên çeteyan ên ko reviyane Tirkiyeyê, hemû endamên çeteyan ên ketine nava bajar hatine kuştin, çek û cebilxaneyên wan jî hatine desteserkirin.

Sedema dirêjbûna operasyonê, bi hestiyarî tevgerkirina ji bo ewlekariya bi dehan sivîlên ko çeteyan rehîn girtine bû. Ji destpêka operasyonan ve bi dehan mirovên me yên sivîl ji aliyê hêzên me yên YPG/YPJ-ê ve, di encama xebateke baldarî û profesyonel de hatine rizgarkirin.

Di van operasyonan de heft rêhevalên me di nava bajar de, sê hevalên me li gundê Berxbotan, yazdeh hevalên me jî di pevçûnên bejahiya bajar a di çarçoveya heman êrîşên rû dane de bi lehengiyek mezin şer kirine û gihîştine şehadetê.

Di encama komkujiyê de li gundê Berxbotanê 23, li navenda bajar jî 210 bi giştî 233 sivîl hatine qetilkirin û 273 sivîl jî birîndar bûne. Her wiha 14 endamên Asayîşê, endamekî TEV-DEM-ê, endamekî Yekîtiya Ciwanên Rojava şehîd bûne.

Hevalekî me yê Tirk heval Rifat (Karker Kobanê) ko eslê xwe Arnavut e, di berxwedana Kobanê de fedakariyên mezin kirin û piştî rizgarkirina Kobanê jî bi awayekî aktîf tevlî xebatên ji nû avakirina Kobanê bûye. Hevalê me Rifat jî di vê komkujiyê de şehîd ketiye û bi şehadeta xwe bûye sembola biratiya gelên kurd, tirk û arnavut.

Em wekî Yekîneyên Parastina Gel (YPG) û Yekîneyên Parastina Jin (YPJ) careke din soz didin gelê xwe ko em ê tola hemû şehîdên xwe hilînin. Her wiha em aşkera dikin ko em ê hesaba vê komkujiyê bi awayekî pir giran ji çeteyan bipirsin.

-----------------------------------

Nivîskar: Nefel-Nûçe
Weşandin: 2015-06-29
Xwendin: 5532