Nefel

[ PÊNCŞEM, 2024-04-25 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Barzanî: Hêzên siyasî li hev nekin ez jî dê ya xwe bibêjim

» Mesûd Barzanî li hêviya kompromîsa hêzên siyasî ye

HEWLÊR, 30/6 2015 — Serokê Kurdistanê Mesûd Barzanî duhî bi daxuyaniyeka nivîskî behsa minaqeşeyên li ser awayê hilbijartina serokê Kurdistanê kir û got ew hertim piştgirê lihevkirina hêzên siyasî de ye û got heger kompromîs çênebe ew jî dê helwêsta xwe nîşan bide.

Teksta daxuyaniya serokê Kurdistanê Mesûd Barzanî li jêrê ye:

***

Bi navê Xwedayê mezin û dilovan

Cemawerê serbilind yê Kurdistanê

Di heqê rewşa siyasî ya herêma Kurdistanê û pirsa serokayetiya herêmê de bo we yên ezîz radigihînim ko berî du salan bi nameyekî min ji serokayetiya parlamento, daxwaz kir ko digel partiyan da meseleya serokayetiya herêmê bi hevdu têgihiştinê yekalî bikin. Berî çend mehekî jî dîsa digel partiyan rûniştim û min daxwaz ji wan kir ko demeke nêzîk de çareseriyek ji bo vê pirsê peyda bikin.

Di dema derbasbûyî de hemî karên min yên serekî bi rêya hevdutêgihiştin, tewafiq, şêwirîn û tebadila fikrî çêbûye û min rêz jî li sazan (kompromîs) û rêkeftina aliyan bi xwe de jî girtiye ko yarmetiya min dane ko wan sazanan bi awayekî yasayî werbigirin. Yasaya hejmara 4-ê ya 2015-ê ya parlamentoyê ya ji bo amadekirina destûrê digel ko têbîniya me li ser hebû, ji ber berjewendiya welat û parastina yekrêziya gelê me min îmza kir. Berê jî reşnivîsa projeya destûra herêma Kurdistanê ko bi komdengiya aliyan û bi dengê 96 parlamenteran hatibû pejirandin, her bi navê sazan û rêkeftina hemî aliyên siyasî û parastina yekrêziya gelê me me nexist referandumê.

Ya ko roja 23/6 2015-ê li Parlamentoyê rû da, metirsî ye li ser bingeh û prensîpa tewafiq û sazanê, ew bingehên ko serokayetiya parlamentoyê bi xwe û kabîneya heştem li ser dameziraye, niha jî ji ber berjewendiya gel û welatê me, daxwazê ji partiyan dikim ko dûrî berjewendiyên hizbî yên teng û liberçavgirtina berjewendiya welat û herwiha liberçavgirtina rewş û hel û merca nazik û hestiyar ya niha ko welatê me tê da derbas dibe, em vegerin ser prensîpa tewafiq û sazanê. Ji ber ko tenê bi sazanê, pirsên nîştîmanî û serekî digel pirsa serokayetiya herêmê jî dikarin bêne çareser kirin.

Kurdistan ber bi qonaxeka gelek cida û girîng ve diçe. Îro ji hemî deman zêdetir pêwîstiya me bi yekrêzî û rêkkeftin û sazanê heye. Ya ko ji aliyê ve pêwîst e min ji aliyê xwe ve kiriye. Erkekî nîştimanî dikeve ser hemî aliyan heta berê 20/8 bigihîn encamekî ko bikarin bi sazan rêk bikevin. Eger hemî alî li gor prensîpên tewafiq û sazanê tevnegerin, wê demê ez jî dê helwêsta xwe ragihînim.

Di heman demê de daxwazê ji parlamenteran, hikûmet û partiyên siyasî dikim ko bi kûrî bîr li çareserkirina qeyranên darayî û şerê Daiş û pirsa jiyan û debara xelkê, bi taybetî pêşmergeyan bikin û girîngiyeke hêja bidinê.

Mesûd Barzanî
Serokê Herêma Kurdistanê
29/6 2015

-----------------------------------

Nivîskar: Nefel-Nûçe
Weşandin: 2015-06-30
Xwendin: 5891