Nefel

[ ŞEMÎ, 2024-04-20 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Edelman: Paşeroja Tirkiyeyê hêdî ne zelal e

» Edelman got kaosa li Sûriyeyê dê serê Tirkiyeyê bixwe

STENBOL, 8/9 2015 — Ambasadorê berê yê Emerîkayê yê li Tirkiyeyê Eric Edelman dibêje Tirkiye ber bi sîstema dîktatoriya şexsê Erdogan ve diçe û hêdî mirov nikare pêşbînî bike ka sibe dê li Tirkiyeyê çi biqewime. Edelman dibêje elametê wê yekê hene ko Tirkiye jî bibe wekî Sûriyeyê û Iraqê.

Rojnamevana tirk-emerîkî Amberîn Zaman dinivîsara xwe ya îro de (malpera Diken, 8/9) behsa hevdîtina xwe û Eric Edelman ya li Washingtonê dike û dibêje li gor Edelman peymana Încîrlîkê jî di dema dirêj de ne di xêra Emerîkayê de ye lê belê di vê rewşa "ecele" de li hemberî babetên "giring" pêwistiya Emerîkayê bi peymana Încîrlîkê heye.

Amberîn Zaman dibêje wisa xuya dike ko Emerîka ji bo peymana Încîrlîkê çavê xwe ji têkçûna "prosesa çareseriyê" ya li Tirkiyeyê re digire û Edelman jî di heman qenaetê de ye û dibêje Emerîka ji bo şerê li dijî Daişê di dema kurt de mihtacî Încîrlîkê ye lê belê ji bo dema dirêj ev peyman ne li gor berjewendiyên Emerîkayê ye jî.

Eric Edeman dibêje divêt Tirkiye li Kurdistana Sûriyeyê bela xwe li PYD-ê nede û li hemberî Daişê tifaqê digel PYD-ê bike. Edelman dibêje ew PKK-ê wekî rêxistineka "terorîst" dibîne lê belê:

— Her bi çi rengî be di netîceyê de PYD ne di lîsteya terorê ya Emerîkayê de ye û li ser erdê [li Sûriyeyê] hêza tenê ye ko li hemberî Daişê têkoşîneka biserketî dike. Û Emerîka nemaze heta ko Obama li ser desthilatê be eskerên xwe rênake Sûriyeyê. Di eslê xwe de ew hevkariya ko di nêvbera PYD-ê û Emerîkayê de çêbûye dikare ji bo PKK-ê jî bibe faktoreka tehwîlê. Dikare bibe sebeb ko [PKK] dest ji terorê û şidetê berde. Lê belê ji bo ko ev pêkbêt divêt Tirkiye berî hertiştî pirsa kurdî çareser bike.

Edelman dibêje Erdogan Tirkiyeyê ber bi dîktatoriya yekkesî ve dibe û paşeroja Tirkiyeyê jî ne zelal e û dibêje:

— Tirkiye hêdî ne welatekê wisa ye ko mirov pêşbînî bike ka dê çi lêbêt. Heger rûdanên ko çêdibin bi vî rengê heyî berdewam bikin kaosa li Iraqê û Sûriyeyê di mideta du salan de dê Tirkiyeyê daqurtîne. Endîşeya me ya herî mezin ev e.

-----------------------------------

Nivîskar: Nefel-Nûçe
Weşandin: 2015-09-08
Xwendin: 3521