Nefel

[ PÊNCŞEM, 2024-04-25 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Karayilan: Ho Erdogan, roj baş û kerem ke êriş bike


	» Murat Karayilan

DIYARBEKIR, 10/11 2015 — Qumandarê Hêzên Parastina Gel, Murat Karayilan duhî bangî serokkomarê Tirkîyeyê Recep Tayyip Erdogan û serokwezîr Ahmet Davutoglu kir û got madem hon şerî dixwazin "roj baş" ji we re û kerem kin êriş bikin.

Murat Karayilan got Erdogan û Davutoglu wekî Hitler şerxwazîyê dikin û got:

— Niho Erdogan û Davutoglu derketine û dibêjin "em dê êriş bikin". Madem hon hewqasê dilxwazê êrişkirinê ne kerem kin û êriş bikin. Li ser seran û li ser çavan. Lê belê ji bîr nekin her êrişeka we dê bi emsalê xwe bersivekê wergire. Di vê rewşa heyî de ne mimkin e em li hemberî zimanê wan yê xwînrêj prosesa bêçalakîbûnê berdewam bikin. Wan şertên bêçalakîbûnê ji halê rakir û lewra ew proses bi dawî hat. Yanî xulase, wan prosesa bêçalakîtîyê ji halê rakiri û ne me.

Murat Karayilan behsa daxwaza Tirkîyeyê ya çekdanînê jî kir û got:

— Niho AKP ji me re dibêje "sîlehên xwe di bin axê de veşêrin û werin teslîm bibin". Vê daxwazê ev 30 sal in ko dagirkerên tirk ji me dikin. Ez jî dibêjim roj baş AKP! Heta niho tu li kû bû? Yên berî te jî hemîyan ev daxwaz kir û bersiva xwe wergirt. Aqûbeta Çîllerê û yên dî aşkera ye. Vêca heger AKP vê helwêsta xwe berdewam bike dê bersiveka gelek dijwartir û xirabtir wergire.

Murat Karayilan got ne rast e ko rêberê PKK-ê Abdullah Ocalan di heqê hilbijartinên Tirkîyeyê de rexne li HDP-ê yan PKK-ê girtibe û got:

— Goya berpirsên dewletê hevdîtinan bi rêber Apo re dikin û rêberîya me rexne li PKK-ê û HDP-ê girtîye. Ev ne rast e. Hikûmet hem tecrîdeka bêexlaq li hemberî wî pêktîne û hem jî di organên xwe yên medyayê de êrişên qirêj dike. Bi kurtî AKP di van mijaran de şerekî bi metodên bêexlaq dimeşîne.

Endamê konseya birêvebir ya KCK-ê Zubeyr Aydar jî bi heman rengî rexne li AKP-ê girt û got ew dê di vî şerê nû de bersiveka giran bidin AKP-ê. Zubeyr Aydar rexne li Partîya Demokrat ya Kurdistanê jî girt û di heqê hevdîtinên wezîrê derve yê Tirkîyeyê Feridun Sinirlioglu û berpirsên Kurdistanê de got:

— PDK ji kurdan zêdetir giringîyê dide Tirkîyeyê. Bi AKP-ê û hikûmeta tirkan re têkilîyên nebaş çêdikin. Em nabêjin bila têkilîya we bi AKP-ê û Tirkîyeyê re nebe yan jî dîplomasîyê nekin. Lê belê li ser xwîna me û maf û heqên me bazarê nekin. Em hemî gelek baş dizanin ko wezîrê derve yê Tirkîyeyê Feridun Sinirlioglu bi nîyeteka pak neçû başûrê Kurdistanê. Em hêvî dikin ko başûrê Kurdistanê û PDK tevlî van lehîstokan nebin.

Zubeyir Aydar got di konferansa MERI de Feridun Sinirlioglu li pêşberî berpirsên başûrê Kurdistanê got PKK "terorîst" e lê belê kesê dengê xwe nekir û got:

— Ez naxwazim gotineka xirab ji kesên li wêderê re bibêjim lê belê ji bo beşdarên wê konferansê bersivnedana Sinirlioglu kêmasîyeka mezin bû. Êrişên tirkan ne tenê li ser PKK-ê ne, wan kurd hemî ji xwe re kirine hedef. AKP îro dijminahîyê li hemberî Rojava, li hemberî başûrê Kurdistanê û li hemberî hemî kurdan dike. Divêt hemî kes vê yekê bibîne û li gor wê helwêsta xwe dîyar bike.

-----------------------------------

Nivîskar: Nefel-Nûçe
Weşandin: 2015-11-10
Xwendin: 4470