Nefel

[ SÊŞEM, 2024-04-23 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NIVÎSAR

[name] Spas bo serok Barzanî


	» Selah Bedredîn

[HEWLÊR, 11/4 2014 —]

Birayê hêja, birêz serokê herêma Kurdistana Iraqê Mesûd Barzanî

Silavên biratiyê,

Ez pîrozbahiyên xwe yên herî germ û spasiya xwe ya bêpayan pêşkêşî cenabê we dikim û bi rêya we pêşkêşî serkirdatiya Partiya Demokrat ya Kurdistana Iraqê û hikûmeta herêma Kurdistanê dikim, li ser keda we û çavdêriya we ya merdane bi mebesta pêkanîna yekîtiya herçar partiyên Yekîtiya Siyasî.

Em hêvîdar in ko ev pêngav bibe destpêka pêngavên dî yên yekîtiyê ko temamiya şopên siyasî yên niştimanî û tevgerên ciwanên kurd yên şoreşger û hêz û kesên serbixwe û saziyên civaka sivîl li xwe bigirin; da ko ew bi awayê herî baş bi rola xwe ya neteweyî û niştimanî rabin. Herweha em hêvî dikin ko ev pêngav bibe mizgîniya xêrê ji bo gelê me li Rojavayê Kurdistanê ko tev li karwanê şoreşa Sûriyeyê bibe û beşdariyê tê de bike heta hilweşandina rêjîma zordest û jinûveavakirina Sûriyeya demokrat û pirreng.

Cenabê serok,

Ji dawiya salên heştêyî yên sedsala borî ve, me kar kir – wek ko tê bîra we – ji bo em partiya xwe ya berê, Partiya Hevgirtina Gelê Kurd li Sûriyê bi Partiya Demokrat ya Kurd li Sûriyê (El-Partî) re bikin yek. Çi ko girîngiyeke vê yekê ya stratejî di jiyan û paşeroja gelê me û tevgera wî ya niştimanî de heye. Me bi hev re û pêkve erkê danîna bingehê Hevbendiya Demokrat ya Kurd cîbicî kir, ko li Beyrûtê hate ragihandin bi îmzeya rehmetiyê Kemal Ehmed Axa û nivîskarê vê nameyê.

Di dema lidarxistina ahengên yubîleuma partiya we de, di sala 1996-ê de me careke dî hewldana xwe nû kir. Lê ji ber hebûna hin sedem û astengiyan ev hêvî heta duhiya nêzîk dereng ket, gava ko yekîtî di navbera hersê partiyên (Çepê Neteweyî yê Demokrat) ko ji Partiya Hevgirtina Gelê Kurd li Sûriyê peyda bûne û Partiya Demokrat ya Kurd li Sûriyê (El-Partî) de pêk hat. Ev yekîtiya ko di şert û mercên cuda de pêk hat ko li Sûriyeyê şoreşeke miletî li dar e û tevgera me bi çend erk û berpirsiyariyên xeternak û hûrbîn re rû bi rû ye.

Em hêvîdar in ko partiya nû di cîbicîkirina erkên xwe yên ko di bernama xwe û di daxuyaniya dawî ya kongreya yekîtiyê de diyar kirine de bi ser keve. Herweha em hêvî dikin ko di qonaxa bê de li qada kurdên Sûriyeyê azadiyeke zêdetir pêk were, bi taybetî azadiya pirbûna siyasî û rêxistinî û derketina şêweyên nû yên yekîtiyê û pêwendiyên hevahengî û hevkariyê di navbera hemî hêz û şepolên siyasî yên kurdî de.

Em careke dî spasî û rêza xwe ya bêpayan ji cenabê we re nîşan didin, û hûn herdem bimînin piştevan û piştgir ji bo dozên me yên hevbeş.

10/4 2014

Selah Bedredîn

-----------------------------------

Nivîskar: Nefel-Nûçe
Weşandin: 2014-04-11
Xwendin: 5300