Nefel

[ ÎNÊ, 2024-04-19 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Nijadperistên tirk hertim li deholên şerî dixin

STOCKHOLM, 11/4 2007 — Wekî serokê Kurdistanê Mesûd Barzanî diyar kirî gelek fehim nakin ka çawa dibe ko dewleta tirk bi esker û siyasetmedar û hemî nijadperistên xwe ve destêwerdan û maytêkirinên xwe di Kerkûkê û navxweya başûrê Kurdistanê û Îraqê de û formulekirina paşeroja wê derê ji mafê xwe dibîne lê ne ji mafê kurdan e ko xwe tevlî pirs û karûbarên têkildar bi berjewendî û çarenivîsa wan in, mîna Kerkûkê û Diyarbekirê bikin!

Ev nesaxiya vê dewleta nijadperist e her ji roja damezrandina wê û xwiya ye ev vê naguhore heta ko ew serê xwe li belayeka mezin nede. Bê şik ew belaya mezin jî bo vê dewletê dê xwetûşkirina şerekê vekirî û berfereh be ligel miletê kurd. Eger ew karekê weha ehmeq bike ew dê gava wê ya dîrokî be di rêya ji navbirina vê dewleta polîsî de ya ko heta niho bi hêza leşker û mît û tirsê ve hatiye pêkvegirêdan û parastin.

Seokê Kurdistanê vekirî diaxive û diyar dike ko kurd naxwazin mayê xwe di navxweya çi dewleteka cîran de bikin lê ko ew dewlet mayê xwe di Kerkûkê û navxweya wan de bikin, wê gavê kurd jî dê neçar bin bersiva wan bi eynî metodê bidin. Lê desthilatdarên tirk û hemî deholqutên nifişperêsiya tirkî xwe di mesajê de nagehînin û dixwazin kurdan bi gotin û direwên çêkirî bilewitînin û wan bikêşin bo nav leyistika xwe ya ko ew bi terorê bi nav dikin.

Ew dibêjin ko başûrê Kurdistanê kaniya wê terorê ye ya ko li bakûrê Kurdistanê ser hil dide. Mebesta wan ya durist ew e ko başûrê Kurdistanê bûye îlhama bihêzkirina hişyarî û hizr û tevgera neteweyî li bakûrê Kurdistanê û tirk vê bi terora etnîkî bi nav dikin. Ko miletek di sinorên desthilata wan de daxwaza mafên xwe heta yên herî kêm ko kulturî ne bike ew li gor dewleta tirkan dikeve nav xaneya terora etnîkî û divêt bêt bêdeng kirin yan ji nav birin.

Desthilata başûrê Kurdistanê digel siyaset û reftar û daxwiyanî û tevgerên dewleta tirk yên pîs û çivêl heta vê gavê jî bi toleranseka mezin û sebreka zêde reftar kiriye. Wê destê xwe bo birtaiyê û diyalogê û bihevrerûniştin û danûstandin û lihevhatinê li ber tirkan hêla dirêjkirî. Wê deriyê welatê xwe ji sermaye û şirketên tirkî re vekir û xwest piran di navbera xwe wekî kurd û miletê tirk de çê bike û cîranitya xwe li ser bingeha naskirin û pejirandina mafên hevûdu çêtir lê bike. Lê vê dewletê heta niho hemî bo xwe wekî tirk viyaye û wê xwe qet di aliyê din de ko kurd e û maf û berjewendiyên wî negehandiye.

Ew hêj di wê baweriyê de ye ko ew dê îraqiyên ereb, dê dewletên cîranên Îraqê û emerîkiyan li dijî başûrê Kurdistanê biarîne û dê weneke Kerkûk bikeve nav sinorên vê dewleta kurdî ya defekto. Ew hêj bi wê hêviyê ye ko pêla terorîstan dê bi ser başûrê Kurdistanê de bigire û dê rewşa wê ya aram têk bide. Ew hêj di wê bawerê de ye ko ew dikare di navbera Talebanî û Barzanî de nexweş bike û weha bike ko PDK û YNK tevlî şerekê navxweyî bibin û weha rê li ber wê û leyistikên wê yên pirî kerb û kîn vebibin. Ew hêj fehim nake eger ew bû egera ko agir ber bibe mala kurdan li başûrê Kurdistanê dê ew agir bigehe Isatnbol û Enqereya wan jî.

-----------------------------------

Nivîskar: Sidqî Hirorî
Weşandin: 2007-04-11
Xwendin: 9331