Nefel

[ ÎNÊ, 2024-04-26 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Çeteyên rûsan li talanê min xist – hemeta xwe jê bikin da neyêt serê we jî


	» Arif Zêrevan

STOCKHOLM, 12/7 2008 — Çeteyên rûsan bi rêya Internetê û programeka vîrusan pêr li talanê min xist û di êrişeka profesyonel de hem kompûtera min û hem jî karta min ya bankeyê ket destê çeteyên rûsan de.

Eve nêzîkî 15 salan e ko ez Internetê bi awayekê aktîv bi kar tînim û xwe şarezayê Internetê û teknîka nû dihesibînim. Lê belê gotineka kurdan heye, dibêje “melevan dixeniqin” û tam wisa hat serê min.

Çeteyên rûsan pêşiyê vîrûsek ji dizî ve êxistin kompûtera min û paşê goya xwestin arîkariya min bikin û gotin “kompûtera te di xeterê de ye” û divêt tu programa “Antivirus XP 2008” bikirî û di kompûtera xwe de bi cih bikî yanî “setup” bikî.

Min ji xişîmiya xwe be yan ji bêdiqetiya xwe be, ji çi dibe bila bibe, bi gotina çeteyên rûsan kir û programa “Antivirus XP 2008” bi rêya Internetê bi karta xwe ya bankeyê kirî û ez yekser 350 kronê swêdî ko dike 60 dolarê emerîkî xusirîm. Paşê min xwest bi awayekî xwe ji programa “Antivirus XP 2008” xelas bikim û bi rêya Internetê programeka dî kirî û ew jî bi kêr nehat û 60 dolarên dî ji kîsê min çûn.

Aşkera bû ko plana rûsan mezin e û ez ji heqê wan dernakevim. Lewra ez mecbûr bûm ko HD-ya kompûtera xwe yekcar format bikim da ji hemî vîrusên rûsan paqij bikim. Ew ne bes bû, ez rabûm û min karta xwe ya bankeyê jî li cem bankeyê betal kir da ti kes nekare wê bi kar bîne.

Pere ne mihim bû, karta bankeyê jî dikare ji nû ve bêt temîn kirin lê belê gelek agahdariyên dî yên di kompûtera min de çûn û çûn, vegerandina wan ne mimkin e.

Hemeta xwe ji vîrusan û nemaze ji programa “Antivirus XP 2008” bikin. Berî sê hefteyan dostekê min yê nêzîk ket davika wan û ew jî mecbûr bû ko kompûtera xwe ji nû ve format bike.

-----------------------------------

Nivîskar: ARIF ZÊREVAN zerevan@nefel.com
Weşandin: 2008-07-12
Xwendin: 3771