Nefel

[ DUŞEM, 2024-05-20 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Agirî girt delinga KCK-ê û PYD-ê


	» Salih Mislim

DIYARBEKIR, 16/1 2014 — Ji konferansa Geneve II re çendrojek mane û heta niho organîzatoran dawetnameyek ji PYD-ya mitefiqa rejîma Sûriyeyê re rênekirine. Ji daxuyaniya KCK-ê û gotinên Salih Mislim dîyar dibe ko agirî girtiye delinga wan.

PKK/PYD-ê bi hikmê hêzên xwe yên çekdar û tifaqa digel rejîma Sûriyeyê li Kurdistana Sûriyeyê sîstemeka dîktatoryen ava kir û li hemberî hemî kurdan xwe bêminet hesiband. Demekê dirêj serokê PYD-ê kolan-bi-kolan li Ewropayê digeriya û hêviya xwe bi piştgiriya Rûsyayê ve girêdabû.

Rojên xewnan xelas bûn û rojên realîteyê nêzîk bûn. Gelek dîplomatên ewropî ji PYD-ê re got hon hevalên rejîmê ne û lewra divêt hon digel heyeta Beşar Esed tevlî konferansa Geneve II bibin. Wisa xuya dike ko rejîma Beşar Esed bi xwe jî ti qîmetekê nade PYD-ê û ji PYD-ê tikesî digel xwe nabe konferansê.

Encûmena Niştimanî ya Kurdî li Sûriyeyê dê bi şirîkatiya koalîsyona mixalefeta Sûriyeyê beşdarî konferansa Geneve II bibe û serokê El-Partî Ebdilhekîm Beşar jî bûye cihgirê serokê koalîsyona mixalefeta Sûriyeyê.

Berpirsên PKK-ê û PYD-ê hewqasê bêperwa ne ko beşdariya ENKS-ê di konferansa Geneve II de nabînin û îdia dikin ko dergeh li ber ”kurdan” hatine girtin. Rastiya meseleyê ew e ko dergeh li PYD-ya mitefiqa rejîma Sûriyeyê hatine girtin û berî sê rojan sekreterê giştî yê Neteweyên Yekbûyî Ban Ki-moon li Hewlêrê jî got ew dixwazin ko dengê kurdan di konferansa Geneve II de bêt bihîstin.

Yanî ji aliyê kurdan ve ti problema beşdarbûna konferansa Geneve II nîne lê belê PYD-ya ko xwe wekî ”kurd” dihesibîne li ortê maye û kes xwe lê nake xwedî. Lewra jî li gor ANF-ê, KCK-ê duhî bi daxuyaniyeka nivîskî got:

— Em ji wan hêzên siyasî ko dewlet û terefên eleqedar dawetî civîna Geneveyê kirine dixwazin ko careka dî di heqê biryara xwe de bifikirin û bi beşdarkirina kurdan [yanî PYD-ê] civîna Geneve II-yê xurt bikin û meşrûbûnekê bidinê.

Yanî li gor KCK-ê heger PYD tevlî konferansa Geneve II nebe konferans ne meşrû ye. Di berdewamiya daxuyaniya xwe de KCK-ê got rejîma Sûriyeyê û mixalefeta Sûriyeyê ”ji bo desthilatê” şerî dikin lê belê PYD dxwaza desthilatê nake û got:

— Şerê herdu aliyan yê ji bo desthilatê nîşan dide ko ew ne di rewşa çareserkirinê de ne. Li Sûriyeyê yên ko ne li dûv hegemonyayê ne û tenê dixwazin demokrasî çêbe û civak xurt bibe kurd in û lewra divêt ew wekî hêzeka serbixwe tevlî konferansa Geneveyê bibin.

Mirov dibêje qey KCK û berpirsên wê ne li ser rûyê vê cîhanê dijîn. Rexneyan li hêzên rejîmê û hêzên mixalefetê digirin çima ko ew daxwaza desthilatê dikin. Ma hemî şerên ko li ser rûyê vê dinyayê çêdibin ne ji bo desthilatê ne? Heger daxwazeka PKK-ê û PYD-ê ji bo desthilata kurdan nebe çima hêzên çekdar ava dikin û dibin hevkarên rejîma Sûriyeyê û kurdan dixin rewşeka xirab de?

Serokê PYD-ê Salih Mislim jî li gor ANF-ê van rojan li Parîsê îdia kir ko ”kurd” rûbirûyê ”Lozana 2-yê” ne û got:

— Mixalefeta ko îro heye temsîla gelên Sûriyeyê nake. Di koalîsyonê de hemî kes nînin. Meseleyeka dî heye û ew jî problema temsîlkirina kurdan e.

Salih Mislim îdia kir ko konferasa Geneve II dê tenê ”şowek” be û ti qîmeta wê nîne.

Baş e heger konferansa Geneve II tenê ”şowek” be çima PYD ev bi mehan e kolan-bi-kolan li Ewropayê digere da rêyekê bibîne ko beşdarî wê konferansê bibe?

Bi îhtimaleka pir mezin PYD bi dijminahiya ENKS-ê û koalîsyona mixalefeta Sûriyeyê hem ji dêrê û hem ji mizgeftê bû. Rejîma Sûriyeyê jî PYD-ê digel xwe nabe konferansa Geneve II û ji xwe emerîkî û ewropî jî qebûl nakin ko PYD bi serê xwe tevlî konferansa Geneve II bibe.

Ya xerîb ew e ko KCK û PYD îdia dikin ko di konferansê de ”kurd” nayên temsîl kirin. Bêguman ENKS bi awayekê aktîv digel koalîsyona mixalefeta Sûriyeyê beşdarî konferansa Geneve II dibe û temsîla kurdan jî dike.

-----------------------------------

Nivîskar: Nefel-Nûçe
Weşandin: 2014-01-16
Xwendin: 2688