Nefel

[ ÎNÊ, 2024-04-26 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Li Kurdistanê 21 hezar şirketên qeydkirî hene

HEWLÊR, 4/4 2014 — Rêveberê giştî yê qeydkirina şirketan li Wezareta bazirganiyê ya Kurdistanê, Dilzar Îsmaîl got sal bi sal hejmara şirketên biyanî li Kurdistanê zêde dibin û got: Heta niha 2 hezar û 780 şirketên biyanî li herêma Kurdistanê hene û ji wan 500 di warê petrolê de kar dikin.

Li gor Basnewsê, Dilzar Îsmaîl got heger mirov Kurdistanê bi Iraqê re miqayese bike dibîne ko li Iraqê tenê 900 şirketên biyanî hene. Dilzar Îsmaîl behsa cudahiya di navbera Kurdistanê û Iraqê de kir û got;

— Cudahî ew e ko bazirganên biyanî dikarin li herêma Kurdistanê bibin xwedanê şirketa xwe û ofîsekê vekin, lê belê li Iraqê pêwsîte ew kar bi havbeşî digel şirketên Iraqî bêt kirin.

Yekemîn şirketa navxweyî ya Kurdistanê sala 1995-ê hat damezrandin û di wê salê de tenê du şirketên navxweyî molet wergirtine. Sala 1996-ê jî ti şirket nehatine qeyd kirin. Dilzar Îsmaîl got:

— Niha zêdeyî 18 hezar şirketên cor bi cor yên navxweyî li herêma Kurdistanê kar dikin û bi giştî 21 hezar şirketên navxweyî û biyanî mohlet standine. Hinek şirket hene ko zanyariyan li ser cihê kar û semyanê xwe û awayê karê xwe nadin, ev yek jî li gor yasaya tomara şirketan binpêkirin e, lewma şirketên wiha biqasî 12 milyon dinar tên siza dan û rûbirûyê rê û rêbazên din ên yasayî jî dibin. Ew corên binpêkirinê û çendîn corên dî hene. Ji bo handana şirketan û hatina şirketên biyanî bo herêma Kurdistanê me gelek şopandina yasayî ne dikir, lê îsal me biryar da ko em li gor yasayan wan şirketan ceza bikin.

Di dema borî de bi awayên cuda gelek şirketên biyanî pereyên xelkê û hikûmetê xwarin û bo derveyî welat birin, di heqê vê yekê de Îsmaîl got:

— Du corên wan şirketan hene, hinek bi qaçax hatine û xwe tomar nekirine, wan hinek proje wergirtine û piştre reviyane, ev kêmasiyeke yasayî ye. Corê duyem jî ew şirketên ko li cem me tomar kirîne, ev şirket jî her demekê ko birevin û pereyên xelkê bixwin, ew dê rê vekin da li dadgehên navdewletî bên darizandin û mafê xelkê û hikûmetê werbigirin.

Dilzar Îsmaîl got divêt aliyên cîbicîkar rê nedin şirketên qaçax li Kurdistanê. Li gor amareke Wezareta plandanînê ya Kurdistanê heta niha navê 51 şirketan ketiye lîsteya reş de û lêkolîna li ser hinek şirketên dî berdewam e.

Dilzar Îsmaîl behsa pirsgirêkên hikûmeta Kurdistanê digel wan şirketan kir û got:

— Pirsgirêka mezin ya me serrastnekirina yasaya qeyda şirketan e ya sala 2004-ê ko yasayeke kevin bû, lê parlamentoyê rê bi serrastkirinê nedaye, arîşeyek dî jî digel rêveberiya bazirganî û bacê heye û hinek şirket pêdagirê rênimayiyan nabin ev yek jî wiha dike ko bên siza dan.

-----------------------------------

Nivîskar: Nefel-Nûçe
Weşandin: 2014-04-04
Xwendin: 1775