Nefel

[ ÎNÊ, 2024-04-26 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

PYD hevkara rejîmê ye û bi zorê dest daniye ser Kurdistana Sûriyeyê


	» Mesûd Barzanî

HEWLÊR, 14/4 2014 — Serokê Kurdistanê Mesûd Barzanî di beşeka hevpeyvîna digel Skynewsa erebî de bêyî ko navê PYD-ê bide got ew aliyê kurdî bûye mitefiqa rejîma Sûriyeyê û bi zorê destê xwe daniye ser Kurdistana Sûriyeyê û got ew bawer jî nake ko ti lihevkirin di nêvbera PYD-ê û rejîmê de li ser îdareyeka kurdî çêbûbe.

Serokê Kurdistanê got heger wî bawer kiribûya ko PYD û rejîma Sûriyeyê li ser rengekê îdareyeka kurdî li hev kirine dê piştgiriya wê îdareyê kiribûna û got ew "destkeftiyên" ko îro hene jî miweqet in û kengê be rejîma dikare ji wna bistîne.

Di heqê rewşa Sûriyeyê û pozîsyona kurdên Kurdistana Sûriyeyê de serokê Kurdistanê Mesûd Barzanî got:

— Herêma Kurdistanê digel gelê Sûriyeyê ye û gelek xemgîn e ji xwîna ko tê rijandin. Em hêvî dikin ko rijandina xwînê bê rawestandin û derfet ji gelê Sûriyeyê re peyda bibe da çarenivîsa xwe hilbijêre û biryarên xwe bê destêwerdana derve bide, ev hertim hewlêsta me bû.

— Niha tenê yek rêxistina kurdan [PYD] bûye hevkara rejîmê û bi piştgiriya rejîmê û zora çekan dest daniye ser navçeyê. Destkefteke miweqet e û dema sedemên hebûna wê nemîn dê ew jî nemîne. Heger rêkeftinek di navbera vê komê [PYD] û rejîmê de heba da ko xweseriyek bo kurdên li Sûriyeyê hebe, ez wê wek gaveke baş didim zanîn, lê ez bawer nakim ko ti rêkeftina siyasî hebe. Ti agahiya me ji wê yekê nîne ko ti rêkeftina siyasî hebe, di nêrîna min de ti rêkeftineke siyasî li ser awayekî ji bo naskirina mafên neteweyî û îdarî yên kurdan li Sûriyê nîne.

— Tişteka ne dirûst bû ko kurdên Sûriyeyê ji hev cuda bûn, pêwîst bû ko hevgirtî bimana û wek yek kom û yek hêz hereket kiribûna ne ko ji hev cida bin. Me hewl da ko kurdên Sûriyeyê bibin yek û desteyek hebe ko nûneratiya wan bi rejîmê, oposîzyon û civaka navdewletî re bike. Me ji wan re got her birayreke ko hon bistînin, çi rêkeftin yan şer digel rejîmê be û çi rêkeftin digel opozîsyonê be, em dê piştgiriya we bikin.

— Ew demekê bi hev re man û piştre her beşek bi aliykî de çû, beşek bi rejîmê re û beşê dî digel opozîsyonê. Vê yekê tesîr li ser rewşa wan kir û ez ditirsim ko tesîra xwe li ser paşeroja wan jî bike. Tişteka şaş bû ko kurd tevlî şer bûn vêca digel çi aliyekî jî be. Ew xeleka lawaz in li Sûriyeyê, pêwîst bû ko dûrî şerê bi her aliyekî re bimînin û çaverêyê rûdanan bûna.

-----------------------------------

Nivîskar: Nefel-Nûçe
Weşandin: 2014-04-14
Xwendin: 2296