Nefel

[ ŞEMÎ, 2024-04-27 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Hinekan li Silêmaniyê êrişî leqa 4-ê ya PDK-ê kir – Barzanî dibêje aram bin

SILÊMANÎ, 19/4 2014 — Îşev hinekan bi otomobîlên Land Cruisser berê xwe da merkeza PDK-ê ya li Silêmaniyê û du caran teqe li avahiya leqa 4-ê kir. Di êrişê de du kes birîndar bûn. Serokwezîrê Kurdistanê Nêçîrvan Barzanî bi daxuyaniyekê got rewş di bin kontrolê de ye û ji hevalên PDK-ê jî xwest ko aram bin.

Serokwezîrê Kurdistanê Nêçîrvan Barzanî bi daxuyaniyeka nivîskî behsa bûyera li Silêmaniyê kir û got:

— Îşev li ber avahiya Leqa 4 ya Partiya Demokrat ya Kurdistanê (PDK) li bajarê Silêmaniyê bûyerek nexweş çêbû. Em wê bûyerê wekî hewlekî bo têkdana atmosfera demokratîk ya Kurdistanê dibînin, ji ber wê jî ev bûyer ne karekê plankirî yê hîç aliyekî siyasî yê Kurdistanê ye.

— Em hemî aliyekî piştrast dikin ko rewş bi temamî hatiye kontrol kirin û saziyên ewlehiyê, polîs û asayişê yên Silêmaniyê bo lêkolînkirina bûyerê hatine erkdar kirin. Baweriya min jî bi şiyana saziyên ewlehiyê yên Silêmaniyê heye ko bikarin bûyerên îşev lêkolîn bikin û ewlehiya xelkê hêja yê Silêmaniyê biparêzin. Em daxwazê ji hemî aliyan bi taybet ji PDK-ê dikin ko li ser xwe bin û bi awayekî aram û bawerî bi saziyên ewlehiyê yên hikûmetê tevbigerin.

Li gor Rûdawê, berpirsê Ajansa Parastin û Zanyarî ya Herêma Kurdistanê Lahûr Şêx Cengî (YNK) got yên ko êrişî avahiya leqa 4-ê ya PDK-ê kirine dixwazin rewşa ewlehiyê aloz bikin. Berpirsê malbenda yekê ya YNK-ê Letîf Şêx Omer jî êrişa li dijî avahiya PDK-ê şermezar kir û got ev bûyer ne li gorî berjewendiyên YNK-ê ye.

-----------------------------------

Nivîskar: Nefel-Nûçe
Weşandin: 2014-04-19
Xwendin: 2354