Nefel

[ ŞEMÎ, 2024-05-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Erdogan: Kurd ji min re bibêjin "erê" Diyarbekir û Hewlêr dê xurt bibin

» Erdogan hêviya xwe bi dengên kurdan ve girêdide

DIYARBEKIR, 27/7 2014 — Serokwezîrê Tirkiyeyê Recep Tayyîp Erdogan ko niho namzedê serokkomariya Tirkiyeyê ye duhî li paytexta bakurê Kurdistanê Diyarbekirê got heger kurd dengê xwe bidin wî ne tenê Diyarbekir lê belê Hewlêr jî dê pê xurt bibe.

Li gor Anadolu Ajansiyê, Recep Tayyîp Erdogan behsa serdana dîrokî ya serokê Kurdistanê Mesûd Barzanî ya bo Diyarbekirê û menzereya brayetiyê kir û got:

— Wê menzereya spehî, wê menzereya brayetiyê, menzereya yekîtî û hevkariyê ronahiya hêviyê li ser dilê herkesê pêxist. We dît ka paşê dijminên me li hemberî vê menzereya tarîxî û hêvîbexş çi kirin. Hinek kes ji rondikên kêfxweşiyê yên 81 wîlayetan nerihet bûn, bi awayekê cidî ji hembêzkirina 77 milyon mirovan nerihet bûn. Ew medyaya naskirî, ew partiyên opozîsyonê, û aliyên naskirî ji vê menzereya brayetiyê ya li Diyarbekirê nerihet bûn.

Erdogan got heta niho hinek çeteyên di nêv dewletê de bi xweveşartina li pişt bihaneya terorê ji rutînên derwletê derketin, bêqanûnî kirin û xelk kuştin û got:

— Hîç sîlehek ne ji sîleha daxwazeka meşrû ya ko mirov di çarçeweya demokrasiyê de biparêze xurttir e. Hîç sîlehek û hîç gulleyek ne ji fikreka heq xudantesîrtir e. Brayên min vê yekê ji bîr nekin: Ew kesên ko bi salan xwe wekî efendiyên vî welatî û xudanê vî welatî hesibandin niho hest dikin ko ew xusirî ne. Prosesa çareseriyê çiqasê pêşde biçe, brayetî çiqasê xurt bibe hinek kes fêm dikin ko îmtiyazên di destê wan de ji destê wan derdikevin. Bila hemî kes vê yekê bizane: Me serê xwe di vê rêyê de daniye. Me bedena xwe danî û canê xwe danî. Ji bo têkbirina vê prosesê û brayetiyê gelek asteng ji me re çêkirin. Em piştrast rawestiyan. Me zanî ko hon li pişt me ne û em piştrast rawestiyan.

Erdogan got ew li dijî "kurdçîtiya siyasî" û "tirkçîtiya siyasî" ye û got:

— Tirkiye normalîze dibe û li eslê xwe yê ruhê meclîsa destpêkê vedigere. Proses bi gavên saxlem pêşde diçe. Diyarbekira ezîz, 10-ê tebaxê ji bo Tirkiyeyê, ji bo siyaseta me ya derve û ya daxilî, ji bo ekonomiya me û ya herî giring ji bo demokrasiyê mîladek e. Xwedê hez bike em dê bikevin nêv proseseka nû ko Tirkiye jê qezencê bike. Heger tu bibêjî erê dê ne tenê Diyarbekir lê belê Hewlêr jî xurt bibe.

Erdogan ji kurdan xwest ko dengê xwe nedin nijadperestekê wekî namzedê CHP-ê û MHP-ê Ekmeledîn Îhsanoglu û got dengê xwe nedin namzedê HDP-ê Selahattîn Demîrtaş jî ji ber Demîrtaş mitefiqê CHP-ê ye û xiyanet bi Diyarbekirê re kiriye.

-----------------------------------

Nivîskar: Nefel-Nûçe
Weşandin: 2014-07-27
Xwendin: 1401