Nefel

[ ŞEMÎ, 2024-04-27 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Mesûd Barzanî: Pêşmerge dê bi sîlehên modern û îradeya polayî dijminan têkbibe

» Barzanî serdana cepheyê Celewlayê jî kir

CELEWLA, 1/8 2014 — Serokê Kurdistanê Mesûd Barzanî duhî digel berpirsên eskerî û emnî serdana cepheyê pêşmergeyan yê li Celewla, Sediye û Germiyanê kir û got di demekê kurt de ew dê sîlehên modern ji pêşmergeyan re peyda bikin da pêşmerge bi hêza xwe ya polayî serê dijminan biherişîne.

Serokê Kurdistanê Mesûd Barzanî got erebên sunî û erebên şîî bi xwe li hev nakin û nikarin behsa yekîtiya axa Iraqê bikin û got:

— Em li ser du rêyan kar dikin: Heta wê roja ko digel Bexdayê bin em dê ji bo çareserkirina probleman bixebitin. Lê belê di heman demê de em dê li ser qedera xwe ya stratejîk berdewam bin û divêt gelê Kurdistanê biryarê li ser çarenivîsa xwe bide. Dema wê yekê hatiye ko kurd biryarê li ser çarenivîsa xwe bidin.

— Çêbane ko ti kes gazindan ji me bike û em dixwazin bi xweşî digel hemî aliyan baxivin û diyaloga me hebe. Lê belê em nikarin heta hetayê bendewarê çarenivîseka nediyar bin. Ji bo parastina yekparçetiya Iraqê em nikarin ji ya ko me kir zêdetir bikin. Lewra em mecbûr in ko biryarê li ser çarenivîsa miletê xwe bidin.

Serokê Kurdistanê Mesûd Barzanî got terorîstên weî DAIŞ-ê nikarin û cesaret nakin ko xwe bidin ser pêşmergeyan û got digel wê jî divêt pêşmerge hertim di amadebaşiyê de be û got:

— Ji bo we pêşmergeyên ezîz dibêjim: Piştrast bin ko em şev û roj dixebitin da rewşa we baştir bibe. Vê rewşa nû rê ji bo wê yekê xweş kir ko hemî alî lêbifikirin ko divêt rewşa pêşmergeyan xweştir bibe: ji aliyê jiyanê ve, ji aliyê sîlehan ve û ji hemî aliyan ve.

— Ez dikarim we piştrast bikim ko înşallah di mideteka kurt de sîlehên gelek baş dê ji we re berdest bikin. Em niho bi braderan re li ser wê yekê dixebitin ko emrazên gelek pêşketî ji we re peyda bikin. Pêşmerge bi cesareta xwe ji hemî sîlehan xurttir e lê belê divêt sîlehên wisa jî li ber destê we hebin da hon bikarin bi îradeya xwe ya polayî serê dijminan biherişînin.

-----------------------------------

Nivîskar: Nefel-Nûçe
Weşandin: 2014-08-01
Xwendin: 1579