Nefel

[ ÎNÊ, 2024-04-26 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Gerîlayên PKK û YPG-ê nehiştin hêzên emerîkî li Şingalê êrişî DAIŞ-ê bikin

HEWLÊR, 14/8 2014 — Şeva borî bi dema Hewlêrê hinek efser û leşkerên artêşa Emerîkayê digel pêşmergeyan çûn ser çiyayê Şingalê da planekê danin bo êrîşkirina ser çekdarên rêxistina DAIŞ-ê û derxistina devera Şingalê ji destê wan, lê belê gerîleyên PKK-ê YPG-ê efserên artêşa Emerîkayê û pêşmerge tehdîd kirin û rê li ber planê girtin.

Gerîlayên PKK-ê û YPG-ê gotin çênabe ko emerîkî û pêşmerge êrîşî DAIŞ-ê bikin û pêwîste berî niha hemahengî digel wan kiribûna û piştre êrîş bikin. Efserên emerîkî jî bi hemî awayan daxwaza hemahengiyê digel gerîlayên PKK-ê û YPG-ê red kirin.

Li gor çavkaniyeke hikûmeta Emerîkayê li Washingtonê tehdîdên gerîlayên PKK-ê ew hewla hêzên taybet ên artêşa Emerîkayê têkbir bo derxistina devera Şingalê ji dest çekdarên DAIŞ-ê. Emerîka bi ti awayekî ne amade ye ko hemahengiyê digel PKK-ê bike ji ber heta niha navê PKK-ê di nav lîsteya terorê ya Emerîkayê de ye.

Fermandeyekî pêşmerge li devera Şingalê dibêje Yekîneyên Parastina Gel (YPG) ko baskê leşkerî yê PKK-ê ye li Rojavayê Kurdistanê niha li çiyayê Şingalê navendeke perwerdekirinê vekiriye bo endamên Tevgera Çaksazîyê ya Ezdî. Ew tevger dibêje êzdî ne kurd in û neteweyek cida ne, herwiha di hemî hilbijartinên devera Şingalê de hevrikiya listeyên hevbeş ên kurdî kiriye û dijayetî di navbera gelek endamên wê tevgerê û Partiya Demokrata Kurdistanê (PDK) de hene.

Piştî girtina devera Şingalê ji aliyê çekdarên DAIŞ-ê ve, hêzeke ji pêşmergeyan piştî sê rojan yanî şeşê tebaxê, rêyeke rizgarbûnê bo dehan hezar kurdên êzdî vekir ko ji bo xweparastinê çûbûn çiyayê Şingalê û li wêderê asê mabûn.

Ew rê ji çiyayê Şingalê dest pê dike û di bajarokê Sinûnê yê ser bi qezaya Şingalê ve derbas dibe heta Rojavayê Kurdistanê. Li wêderê jî kurdên derbeder ên êzdî carek din di deriyê Sêmalka re derbarî qezaya Zaxoyê ya li Başûrê Kurdistanê dibin.

Vekirina wê rêyê ji aliyê pêşmergeyan ve bi hemahengîya digel YPG-ê çêbû. Gerîleyên PKK-ê û YPG-ê piştî ko hêzên pêşmergeyan ew rê vekirin çûn ser çiyayê Şingalê. Niha gerîla îdia dikin ko wan xelkê devera Şingalê parastine û pêşmerge ew neparastine û naparêzin jî. Ajans û televîzyonên ser bi PKK-ê ve di herdu rojên pêşiyê yên girtina Şingalê ji aliyê DAIŞ-ê ve, belav kirin ko wan bajarê Şingalê ji dest DAIŞ-ê derxistine, lê ew bajar hêjî di bin destê DAIŞ-ê de ye.

Kurdên êzdî di derbedriyê de di rewşek gelek xirab de dijîn, heta niha zêdetirî 115 hezar bi rêya deriyê Sêmalka re gihiştine wîlayeta Dihokê. Ew dixwazin rojekê zûtir vegerin gund û bajarokên xwe.

Şeva borî, ajansên nûçeyan ên cîhanî belav kirin ko artêşa Emerîkayê li ser çiyayê Şingalê daket da êrîşî çekdarên DAIŞ-ê li Şingalê bikin, lê li gor zaniyariyên Rûdawê yên ji serkaniyên agehdar ên hikûmeta Emerîkayê û çavkaniyên kurdî, ew êrîşa ko amadekarî bo dihat kirin û navendên medyayî li Emerîkayê jî xwe bo wê amade dikirin li ser çiyayê Şingalê hat têkbirin û sebebê wê jî tehdîd û astengiyên gerîlayên PKK-ê û YPG-ê bû.

-----------------------------------

Nivîskar: Nefel-Rûdaw
Weşandin: 2014-08-14
Xwendin: 2113