Nefel

[ ÇARŞEM, 2024-05-08 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Fernando Filoni: Pêşmerge sembola xweragiriyê ne

» Fernando Filoni û Mesûd Barzanî

HEWLÊR, 15/8 2014 — Serokê Kurdistanê Mesûd Barzanî duhî pêşwazî li nûnerê papayê Vatîkanê kardînal Fernando Filoni kir û got Kurdistan cihê hemî pêkhateyên olî û neteweyî ye û kurd wekî milet li dijî terorîstên ko bûne xeter li ser hemî cihanê şer dikin.

Papayê Vatîkanê nûnerê xwe kardînal Fernando Filoni rêkir Kurdistanê da hem piştgiriya xwe ji bo Kurdistanê li hemberî DAIŞ-ê nîşan bide û hem jî daxwazê ji serokê Kurdistanê bike ko xwedîtiya xwe li xiristyan û pêkhateyên dînî yên nemisilman bike.

Kardînal Fernando Filoni got miletê kurd herdem biha û resenayetiya xwe ya pêkvejiyanê û lêborînê parastiye û bal kişand ser wê yekê ko Kurdistan bi wê yekê hatiye nas kirin ko hemî ol û netewe tê de hene û got ev parçeya axê ko hemî rengên cida tê de dijîn ji bo wan gelek bi nirx e û pêwîste hemî dinya nas bike.

Nûnerê papayê Vatîkanê kardînal Fernando Filoni spasiya rola pêşmergeyên Kurdistanê kir û bal kişand ser wê yekê ko pêşmerge li Ewropayê bûye sembola xweragirî û şerkirina li ser heqiyê û tekez jî li wê yekê kir ko komdengiyekî gelek baş li nav welatên Ewropayî de dirust bûye ko divê di hemî warî de piştgiriya Kurdistanê bikin.

Serok Barzanî got Kurdistan li şûna hemî cîhanê li dijî dewleteka terorîst şer dike. Dewletek ko dijî hemî netewe û olan û dijî jiyanê ye. Serok Barzanî tekez li wê yekê kir ko heta dawiya henaseyê dê li dijî terorîstan şerî bikin û xuşk û birayên mesîhî û êzdî û hemî pêkhateyan dê biparêzîn û daxwaz jî li xuşk û birayên mesîhî kir ko hizra koçkirin û bicîhhiştina welatê xwe nekin û ew dê digel hevdû Kurdistanê biparêzin û got yan em hemî dê bi serbestî û azadî bijîn yan jî pêkve bimirin.

Serok Barzanî spasiya hevkarî û yarmetîdana welatên dostên Kurdistanê kir û got ketine helwesta êrîşbirina ser terorîstan û şerefekî mezin e jî ko pêkhate bêne parastin. Barzanî got teror diyardeyeka cîhanî ye ji bo wê yekê hewlekî cîhanî jî ji bo şikandina wan pêwîst e. Serok Barzanî got kurd ji serkeftina xwe bawer in û hinek caran miletek dikare ji aliyê serbazî ve tûşî şikestê bêt lê belê çênabe ko îradeya bişkêne û pêwîst e îradeya wî ya mayînê hebe.

-----------------------------------

Nivîskar: Nefel-Nûçe
Weşandin: 2014-08-15
Xwendin: 1244