Nefel

[ ÇARŞEM, 2024-05-01 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Barzanî: Em ecêbgirtî bûn ko Tirkiyeyê nexwest em rehîneyên wê xelas kin


	» Nêçîrvan Barzanî

HEWLÊR, 8/9 2014 — Serokwezîrê Kurdistanê Nêçîrvan Barzanî ji rojnameya tirkî Milliyetê ya îro re got di şerê li dijî DAIŞ-ê de Tirkiyeyê ew hêviya ko wan jê dikir pêkneanî û got dema ko DAIŞ-ê li Mûsilê dest danî ser konsolosxaneya Tirkiyeyê jî Kurdistanê pêşniyar kir ko wan rehîneyan xelas ke lê belê Tirkiyeyê qebûl nekir.

Nêçîrvan Barzanî li ser pirsa ka gelo çima Tirkiyeyê arîkariya eskerî bi Kurdistanê re nekir got:

— Ji Tirkiyeyê arîkariya insanî têt. Bêguman hêviya me ji vê yekê zêdetir bû. Ez nikarim bibêjim ev bes e. Ez dizanin ko meseleya rehîneyan ji Tirkiyeyê re gelek giring e û fêm dikin. Lê belê cardî jî divêt Tirkiye tehdîda stratejîk ya ko DAIŞ temsîla wê dike biçûk nebîne. Arîkarî hat kirin lê belê bêguman hêviya me ji vê zêdetir bû. Çênabe ko Tirkiye bifikire ko dikare ji [tehîda DAIŞ-ê] xwe xilas ke.

— Divêt hemî kes bi awayekê stratejîk û bidiqet li vê meseleyê temaşa bike. DAIŞ dema ko hewqasê xurt bibîne ko dikare cepheyekê nû veke di dawiya dawiyê de Tirkiye jî dê para xwe jê bistîne. Rêberê wê Ebubekir Bexdadî îdia dike ko xelîfeyê hemî misilmanan e û nexşe pir zelal e û Tirkiye jî tê de ye. DAIŞ ji bo îstiqrara hemî herêmê tehdîd e. Tenê rêyeka têkbirina rêxistinên terorîst heye ew jî ew e ko mirov bi wan re şerî bike. DAIŞ ne tenê ji bo me lê belê ji bo Tirkiye, Urdun, Libnan, Erebistana Siûdiyeyê û me hemiyan tehdîd e.

Tirkiyeyê ji bo ko arîkariya eskerî nede Kurdistanê rehîneyên xwe yên di destê DAIŞ-ê de kir bihane lê belê gelek guman li ser Tirkiyeyê hene ko piştgiriya DAIŞ-ê dike û meseleya rehîneyan jî ne zelal e ka bi rastî ew rehîne ne yan planeka Tirkiyeyê û DAIŞ-ê ya mişterek e. Di heqê xilaskirina wan rehîneyan de jî Nêçîrvan Barzanî got:

— Şeva ko bûyerên li Mûsilê qewimîn ez çendcarekê digel rêzdar Davutoglu axivîm. Ji me xwest ko haya me ji wan rehîneyan hebe. Min du caran telefonî konsolosê Tirkiyeyê kir û pirsî ka em dikarin çi bikin. Min pêşniyar kir ko em wan xelas kin. Konsolos got rewşa wan baş e û pêwistî bi arîakriyê nîne. Te rastî bivêt em ecêbgirtî bûn. Ez texmîn dikim ko konsolosê giştî xetayekê têgihiştina rewşê kir.

Desthilatdarên Kurdistanê ji helwêsta Tirkiyeyê li hemberî êrişên DAIŞ-ê gelek nerazî ne û ev cara pêşiyê ye ko Nêçîrvan Barzanî hinekê be jî behsa siyaseta nedostane ya Tirkiyeyê dike.

-----------------------------------

Nivîskar: Nefel-Nûçe
Weşandin: 2014-09-08
Xwendin: 2100