Nefel

[ ÎNÊ, 2024-04-19 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Pêşmergeyên Kurdistanê û gerîlayên YPG-ê êrişên xwe li dijî Daişê koordîne dikin

» Daişê ji ber êrişên balafiran û pêşmergeyan dadûmedad e

HEWLÊR, 30/9 2014 — Pêşmergeyên Kurdistanê û gerîlayên YPG-ê van rojan di şerê li dijî terorîstên Daişê de arîkariya hevdu dikin. YPG ji bo lêdana bingehên Daişê li Kobanê û deverên dî agahdariyan dide pêşmergeyên Kurdistanê û emerîkiyan.

Li gor Basnewsê, pêşmergeyên Kurdistanê û gerîlayên Yekîneyên Parastina Gel (YPG) ji bo lêdana Daişê hevahengiya leşkerî dikin. Wezareta pêşmergeyan ya Kurdistanê jî aşkere dike ko bernameya wan azadkirina hemî navçeyên Kurdistanî ye.

Partiya Demokrat ya Kurdistanê (PDK) û Partiya Yekîtiya Demokratîk (PYD) ji bo koordînasyonekê di navbera pêşmergeyên Kurdistanê û gerîlayên YPG-ê de li hev kirine û di van du rojên borî de jî enformasyonên pêwist dane hevdu da herdu alî li Kobanê û Şingalê zanyariyên temam li ser pêgeh û çeperên çekdarên Daişê bidin odeya hemahengiyê ya Pêşmerge–Emerîkayê ya li Hewlêrê.

Rêveberê ragihandina Wezareta pêşmergeyan Helgurd Hikmet tekez kir ko bi rêya Wezareta pêşmergeyan wan gelek caran daxwaz ji Emerîka û hevpeymanên wê kirine ko êrîşên xwe li dijî pêgehên Daişê li Rojavayê Kurdistanê zêdetir bikin “da brayên me yên li Kobanê û navçeyê parastî bin” û got:

— Hemahengî di navbera pêşmergeyan û wan hêzan de heye ko li navçeyê şerê Daişê dikin, wekî YPG yan her hêzeka dî be. Ew hemahengî navxweyî ye, lê belê hewldan hene da ew hemahengî zêdetir bibe. Tiştê girîng ew e ko heta niha helwêsta hemî aliyan erênî ye. Ji ber nebûna rê herçend me nekarîbe em hêzekê bişînin Kobanê jî me karên dî ji bo wan kirine û wan jî bi heman awayî bi rêya dayîna zaniyariyan arîkariya pêşmergeyan li Şingalê kirine û dikin.

Fermandeyê pêşmergeyên kurdên êzdî, Qasim Şeşo îro got pêşmerge û gerîlayên YPG-ê û cengawerên êzdî di amadebaşiyê de ne bo azadkirina Şingalê û got:

— Niha hemahengiyek baş di navbera wan hêzên ko Daişê wekî dijminê xwe yê mişterek dibîn de heye

Şeva borî Daişê bi 100 kesan û bi tank û topan dixwest êrişî Kobanê bike. Piştî ko YPG-ê ew agahdarî da pêşmergeyan her di cih de balafirên şerî yên Emerîkayê û mitefiqên wê êrişî wê grupa Daişê kir û têkbir.

-----------------------------------

Nivîskar: Nefel-Nûçe
Weşandin: 2014-09-30
Xwendin: 2877