Nefel

[ ÎNÊ, 2024-04-26 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Mela Bextiyar: YNK-ê û PDK-ê ji rojavayê Kurdistanê re sîleh şandine

» Mela Bextiyar got Îran arîkariya Kurdistanê dike

HEWLÊR, 9/10 2014 — Berpirsê desteya kargêrî ya polîtburoya Yekîtiya Niştimanî ya Kurdistanê (YNK) Mela Bextiyar îro got YNK-ê û PDK-ê di gihandina alîkariyê bo rojavayê Kurdistanê de kêmasî nekirine û ji rojava re sîleh şandine.

Li gor Rûdawê, Mela Bextiyar di heqê alîkariya Kurdistanê bo Kobanê de got:

— Aloziya Kobanê bûye kêşeyekî mezin û hemî navçe hejandiye. Lewma wekî YNK û ne jî PDK me kêmasî di gehandina alîkariyê de bo rojavayê Kurdistanê nekiriye û heta me sîleh jî ji wan re şandine. Lê em nikarin hêzê bişînin Kobanê ji ber ko şertên cografî rê nadin.

Di heqê muzayedeya siyasî di navbera hinek partiyên başûrê Kurdistanê de li ser rewşa Kobanê Mela Bextiyar got:

— YNK-ê sala 1982-yê sê hezar pêşmergeyên xwe şandin hewara şervanên rojhilatê Kurdistanê, ma ew muzayede bû? Sala 198-ê dema ko êriş hatin ser Partiya Karkerên Kurdisatnê (PKK) li bakurê Kurdistanê, me daxuyaniyek belav kir û em di nava danûstandinan de bûn. Em amade bûn bi hezaran pêşmergeyên xwe bişînin ser sînor bo parastina PKK-ê. Niha jî dema ko em dibêjin, em amade ne biçin Kobanê biparêzin, ez bi xwe wekî yekem kes amade me ji bo parastina bajarê Kobanê biçim wêderê.

Ji bo wergirtina rizamendiya serokê Kurdistanê Mesûd Barzanî bo şandina hêzê bo rojava Mela Bextiyar got:

— Wergirtina rizamendiya Barzanî wek hurmetekê ye bo pêgeha serokê herêmê û ne muzayede ye. Çênabe em bêjin em guhê xwe nadin serokê herêmê û hikûmeta Kurdiatnê û yasayan.

Mela Bextiyar li ser xwenîşandanên ko ji bo piştgiriya Kobanê tên kiirn jî got:

— Rewşa bakurê Kurdistanê ji ya başûr cuda ye. Li bakur her daketinek bo kolanan, şerek e bo bidestxistina mafan e. Li başûrê Kurdistanê azadî û demokrasî heye. Xwenîşandan li bakurê Kurdistanê mêrantî ye, wergirtina helwestê ye, çepera xebata medenî ye û qurbanîdan e.

Ji bo êrişên hêzên pêşmergeyan li ser çekdarên Daişê li Celewlayê, Mela Bextiyar got:

— Bi fermana min pêşmerge êriş nakin ser çekdarên Daişê ji ber gelek bomba li navçeyê hatine çandin. Em dem û cihê şer ligel Daişê diyar dikin.

Di heqê hevkariya leşkerî ya Îranê bo Kurdistanê de Mela Bextiyar got:

— Îranê di serî de li Giwêr û Mexmûrê alîkariya me kir. Serokê herêma Kurdistanê Mesûd Barzanî jî da zanîn ko Îran yekem welat bû ko li hewara başûrê Kurdistanê hat û spasiya wê kir. Piştî Mexmûrê mehekê Îran li Celewla û Sediyeyê jî hat alîkariya me. Rola Îranê di şerê li dijî Daişê de roleke tesîrbar e. Helwêsta wî welatî ji ya hemî welatên herêmî û cîhanî jî zelaltir bû li hemberî gefên Daişê.

Ji bo helwêsta Tirkiyeyê jî Mela Bextiyar got mixabin Tirkiyeyê senaryoya lêdana Iraqê ya sala 2003-yê dubare kir. Tirkiyeyê dikarî roleke baştir û tesîrbartir bibîne lê mixabin helwesta wî welatî dikeve xizmeta Daişê de.

-----------------------------------

Nivîskar: Nefel-Nûçe
Weşandin: 2014-10-09
Xwendin: 2310