Nefel

[ ŞEMÎ, 2024-04-27 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Qasim Şeşo: Em careka dî bêexlaqiyeka wekî ya duhî qebûl nakin

» Qasim Şeşo digel serokê Kurdistanê Mesûd Barzanî

ÇIYAYÊ ŞINGALÊ, 17/10 2014 — Qumandarê şervanên kurd yên êzîdî û pêşmergeyên li çiyayê Şingalê Qasim Şeşo îro li ser aloziya ko duhî li çiyayê Şingalê derket got ew wê bêexlaqiya ko duhî bi navê xwenîşandanê hat kirin wekî plana partiyeka kurdî li dijî PDK-ê û pêşmergeyan dihesibînin û got "me vê carê dengê xwe nekir lê belê cara bêt em tiştekî wisa qebûl nakin".

Li gor Rûdawê, duhî hinek jin, zarok û gêncan li çiyayê Şingalê xwenîşandanek li dijî pêşmergeyên li ser çiyayî organîze kirin û ji pêşmergeyan xwestin ko çiyayê Şingalê biterikînin.

Qumandarê pêşmergeyên li ser çiyayê Şingalê, Temer Koçer got ew alozî ji aliyê PKK-ê ve hatiye kirin ji ber endam, şervan û rojnamevanên PKK-ê bi wan re bûn. Qumandarê şervanên kurd yên êzîdî û pêşmergeyên li çiyayê Şingalê, Qasim Şeşo li ser bûyera duhî got, xwenîşandan li her derê cîhanê tên kirin lê ya ko duhî hat kirin bêexlaqî bû.

Qasim Şeoş bêyî ko navê ti partiyekê bibêje got aloziya duhî wekî plana partiyekê li dijî PDK-ê û pêşmergeyan hat organîze kirin û got:

— Yên ko bi navê xwenîşandanê hatibûn otomobîlên me şikandin, êrişî nexweşxanê kirin û êrişî pêşmergeyan kirin lê belê pêşmerge pir bi tehemul nêzîkî wan bûn û qet bersiva wan nedan ji ber ko dizanîn komplo ye. Yên ko bi xwenîşanderan re hatibûn çekdar bûn û xwe ji şer re hazir kiribûn. Wan dixwest em şer bikin lê belê pêşmergeyan ew komplo vala derxist.

Qasim şeşo got xelkê Şingalê ji pêşmergeyan hez dike û ew bi xwe jî pêşmerge ne û got:

— Hêzên pêşmergeyan xelk parastin û rêya rizgarbûna wan vekirin. Partiyên dî jî di vê rewşa xirab ya devera Şingalê de tenê di ragihandinê de gotinên mezin dikin û duberetiyê çêdikin. Ez nizanim çima partiyek li dijî partiyeka dî xwenîşandanê dike. Ew çend kesên ko hatibûn wir jî bêxwedî bûn û dixwestin xwe li wan bikin xwedî. Me vê carê tiştek negot wan lê belê heger careka dî tiştekî wisa çêbibe emê wan wekî Daişê bihesibînin û wekî Daişê jî li wan bidin.

Qasim Şeşo bang li wê “partiya komploger” û yên dî jî kir û got bila hemû bizanin ko Şingal herdem bi Barzanî û PDK-ê re bûye û dê herdem wisa jî bimîne û got:

— Em berê jî bi hev re bûn em dê heta mirinê jî bi hev re bin. Tenê PDK û Barzanî dikarin Şingalê rizgar bikin û biparêzin. Ji ber wê jî em ji wan re dibêjin, di vê demê de ko kurdên êzîdî û hemî gelê Kurdistanê birîndar in, careka dî tiştekî wisa nekin.

-----------------------------------

Nivîskar: Nefel-Nûçe
Weşandin: 2014-10-17
Xwendin: 1829