Nefel

[ ÎNÊ, 2024-04-26 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Barzanî: Hon qehreman in û em dest ji serxwebûnê bernadin – vîdeo

» Serokê Kurdistanê behsa qehremaniya pêşmergeyan kir

HEWLÊR, 10/12 2014 — Serokê Kurdistanê Mesûd Barzanî duhî digel pêşmergeyên ko çûbûn Kobanê civiya û ji wan re got bi rastî ew qehreman in û got miletê kurd piştî şerê Daişê jî qet dest ji serxwebûna Kurdistanê bernade.

Mesûd Barzanî duhî digel zêdetirî 150 pêşmergeyên ko ji bo parastina Kobanê li hemberî Daişê çûbûn Kurdistana Sûriyeyê û vegeriyan civiya û behsa rola wan ya qehremanane kir û got dema ko wî ew rêkirin Kobanê hesiband ko dibe yek tenê ji wan jî venegere lê belê xweşbextane hemî jî sax û selamet vegeriyan û got:

— Ji bo ko em yekîtiya neteweyî ya xwe ji bo brayên me yên li parçeyeka dî ya Kurdistanê nîşan bidin û ji bo ko em nîşan bidin em ne tenê niştecihên herêma Kurdistanê lê belê her kurdekê li her cihekî dê biparêzin heger rê û îmkan hebin.

Serokê Kurdistanê got ew amade bûn ko hêzeka piyade jî rêkin Kobanê lê belê PYD-ê bi xwe got hewce nake û bila tenê hêzeka piştevaniyê bi sîlehên giran rêkin û got:

— We bi xwe dît ko [li bakurê Kurdistanê] çi pêşwaziyek li we kirin. Dema ko dibêjin serwerî, serfirazî, şeref û hemî tişt ev e, dema ko insan hewqasê di nêv miletê xwe de serbilind be. Min bi xwe bi rêya televîzyonê teqîb dikir. Li gelek cihan ciwanên kurdan, keç û kurên kurdan dewsa tekerên otomobîlên we maçî dikirin. Ew rêya ko otomobîlên we tê re derbas dibûn ciwanên kurd ew rê maçî dikirin. Vêca hesabê xwe bikin ka cihê we di nêv dilê vî miletî de li kû ye. We serê me bilind kir. Hon pêşmergeyên Kurdistanê bûn û li wêderê jî wekî pêşmergeyên Kurdistanê we şer kir. Destê we sax bin.

Mesûd Barzanî got berî ko pêşmergeyên Kurdistanê û balafirên hêzên koalîsyonê li hawara Kobanê biçin şervanên li wêderê jî berxwedaneka qehremanane li hemberî Daişê kirin û di heqê Daişê de got:

— Em di mesafeyeka 1 500 kîlometreyan de ji Kobanê heta Xaneqînê şerê terorîstên Daişê dikin. Destekê biyanî li pişt wê yekê heye ko Daişê êrişî Kurdistanê kir û em lêdigerin ko bi deqîqî bizanin ka ew kîjan dest in.

Barzanî got dema ko kurdan behsa referandumê û serxwebûnê dikir Daişê êrişî Kurdistanê kir û got:

— Sed Daiş û hezar Daiş jî bên ev prosesa serxwebûnê her dê berdewam be. Ne mimkin e ko paşde gavê bavêjin.

Li şûna wan pêşmergeyên Kurdistanê ko ji Kobanê vegeriyane grupeka dî ya pêşmergeyan niho li Kobanê şerê Daişê dikin.