 |  |
| » Abdullah Ocalan li gor dilê tirkan diaxive |
DIYARBEKIR, 21/3 2015 — Rêberê PKK-ê Abdullah Ocalan îro bi nameyeka nivîskî li newroza Diyarbekirê ji miletê kurd re got daxwaza dewleteka neteweyî nekin û nebin "nokerê emperyalîzmê". Ocalan got bila kurd tenê hemwelatiyên Tirkiyeyê bin.
Di nameya xwe de Ocalan ji PKK-ê xwest ko kongreyekê çêke û dest ji şerê çekdarî li hemberî Komara Tirkiyeyê berde. Ocalan got bila PKK pêgira wan deh madeyên civîna HDP-ê û hikûmetê ya li Dolmabahçeyê be.
Dema ko mirov nameya Ocalan dixwîne dibîne ko ruhê nameyê hemî bi dijminahiya miletê kurd û bi dijminahiya Kurdistanê dagirtî ye û dixwaze ko kurd xulamên dewletên dagîrker û dijminên Emerîkayê û Ewropayê bin.
Di newroza Diyarbekirê de gelek kurdan alayên Kurdistanê bilind kiribûn û em bawer dikin ko piraniya beşdarên newroza Diyarbekirê guhê xwe nadin safsatayên Ocalan.
Nefelê hemî teksta nameya Ocalan ji tirkî wergerandiye kurdî û li jêrê analîz dike ka di bin gotinên wî de çi dijminahiya kurdan û Kurdistanê veşartî heye:
***
Ji bo hemî gelên me;
Ez silaman li newroza hemî gel û dostên me yên ko piştgirê aştî, wekhevî, azadî û demokrasiyê ne dikim.
Ew krîza ko kapîtalîzma emperyalîst û nokerên wê yên despotîk yên li herêmê bi rêya siyaseta neolîberal afirandine li herêma me û welatê me bi awayekê gelek sojîner tesîrê li jiyanê dike. Ferqûcidahiyên etnîkî û dînî yên gelên me û kultura me di nêv vê krîzê de bi şerên bêrehm û bêmena yên ji bo nasnameyan tên heder kirin. Ne hêjahiyên me yên tarîxî û ne jî yên hevçerx û ne jî wijdan qetiyen dikare li hemberî vê tabloyê bêdeng û nedîtî be. Bileks, midaxeleyeka lezgîn pêwistiyeka me ya li gor baweriya dînî, siyasî û exlaqî ye.
[Yanî: Li gor Ocalan Emerîka, Fransa, Elmanya, Brîtanya û dewletên emperyalîst bi rêya nokerên xwe yên wekî miletê kurd û desthilata başûrê Kurdistanê dixwazin nasnameyeka neteweyî ji miletê kurd re çêkin û ev jî têkderî ye.]
Têkoşîna ko gelên welatê me ji bo demokrasî, azadî, bratî û aştiyeka şerefmend didin îro gehiştiye qunaxeka tarîxî. Têkoşîna bi êş û jan ya tevgera me ko ev çil sal in dewam dike li ber bayê neçû lê belê hatiye qunaxekê ko nikare wekî berê jî berdewam bike. Tarîx û gelên me ji me doza çarseriyeka demokratîk û aştiyeka ko li gor rihê vê demê be dike. Li ser vî esasî em hemî rûbirûyê wê yekê ne ko bi deklarasyona dehmadeyî ya ko li qesra Dolmabahçeyê hat îlan kirin proseseka nû ya çareseriyê bidin destpê kirin.
Wekî pêgiriyeka deklarasyonê, piştî lihevkirina li ser prensîpan divêt PKK şerê xwe yê çekdarî ko ev nêzîkî çil salan e li hemberî Komara Tirkiyeyê berdewam dike xelas bike û li gor rihê dema nû ji bo diyarkirina stratejiyeka siyasî û civakî û diyarkirina taktîkên nû kongreyekê çêke û ev gaveka tarîxî ye.
Ez hêvî dikim ko di demekê herî kurt de bigihîn mitabeqeteka prensîpî û ji endamên parlamentoyê û Heyeta Çavdêr komîsyona Heqîqetê û Rûbirûbûnê bêt ava kirin û em bigihîn qunaxa pêkanîna kongreyê. Bi vê kongreya xwe hêdî dema nû dê destpê bike. Di vê dema nû de, di daxilê Komara Tirkiyeyê de em dê bikevin nêv prosesa hemwelatîbûna li gor qanûna esasî ya azadane û wekhev û bibin xudanê nasnameyeka demokratîk û civakeka demokratîk û di nêv aştiyê de wekî brayan bi hev re bijîn.
[Yanî: Li gor Ocalan ji kurdan re bes e ko li gor qanûna esasî ya Tirkiyeyê tenê hemwelatiyên Tirkiyeyê bin û ne hewce ye kurd doza otonomî, federasyon yan dewleteka serbixwe bikin. Tirkiye ji roja ko ava bûye ve her vê siyasetê diparêze û dibêje kurd hemwelatiyên Tirkiyeyê ne. Li gor qanûna esasî hemî hemwelatî jî "tirk" in.]
Bi vî rengî em dikarin xwe ji tarîxa 90-salên borî yên Komarê ko tejî şerûpevçûn bûn xelas bikin û berê xwe bidin paşerojeka ko bi krîterên rast yên aştî û demokrasiya global hatine xemilandin. Ya ko herî zêde layiqê tarîxa heqîqî ya newrozê ye ew e ko di hizûra we de silaman li pêngaveka wisa bikim. Lê belê diyardeyên ko ji bo welatê me û gelên me baş in divêt ji bo herêma me ya ko gelek miqedesat jî tê de hene baş bin. Heqîqeta emperyalîzma kapîtalîst ya giştî di van du sedsalên borî de û nemaze ya di sedsala borî de ev e: Li ser esasê nasyonalîzma dewleta neteweyî nasnameyên etnîkî û dînî berovajiyê cewhera wan dehfî gerînekeka girtî ya daxilî bike û wan bike dijminên hev, yanî li gor siyaseta parçekirin û îdarekirinê hebûna xwe bi awayekê dilneşewat heta îro berdewam bike!
[Yanî: Li gor Ocalan dewletên emperyalîst dixwazin kurdan dehf bidin da li ser esasê neteweya kurd dewleteka neteweyî Kurdistanê ava bikin û ev jî dibe sebebê dijminahiyê di nêvbera miletê kurd û miletên cîran de. Li gor Ocalan bila tirk, ereb û farisan dewletên neteweyî hebin lê belê bila kurdan nebe.]
Divêt em bizanin hêzên emperyalîst yên ko dest ji planên xwe yên li Rojhilata-nêvê bernedane bûne sebebê zordariyekê ko îro bi rengê Daişê derketiye meydanê. Rêxistineka ko barbariya wê ji zordariyê jî mezintir e bêyî ko bibêje ev jin yan zarok e qetlîamên weşhşiyane li hemberî kurdan, tirkmenan, ereban, êzdiyan û asûrî-siryaniyan û hemî gelên herêmê û baweriyên herêmê dike.
[Yanî: Li gor Ocalan dewletên emperyalîst Daiş çêkirine û divêt kurd dijminahiya Emerîka, Fransa, Elmanya, Brîtanya û welatên dî bikin. Herçend di rastiyê de dewletên wekî Sûriye, Tirkiye, Îran û Iraqê bi desteka xwe ya dizî û aşkera Daiş çêkiribin û berî kurdan dabin jî. Emerîka û welatên emperyalîst arîkariya Kurdistanê û kurdan dikin û Ocalan jî ji kurdan re dibêje dijminahiya wan bikin.]
Hêdî roj ew roj e ko em dawiyê li vê tarîxa bêrehm û têkbir bînin û li gor heqîqeta tarîxî ya xwe derbasî qunaxa aştî, bratî û demokrasiyê bibin. Li gor rastî û baweriya ko ez dizanim; divêt em bi siyaseta demokratîk xwe ji nasyonalîzma dewletên neteweyî yên ko dibin sebebê pevçûn û têkçûnê xelas bikin û bi nasnameyên demokratîk xwe bikin yek. Ji bo vê jî ez ji dewletên neteweyî dixwazim bi siyaseta demokratîk di nêv xwe de yekîtiyekê çêkin û cardî jî ji dewletên neteweyî dixwazim ko mala demokratîk ya hevbeş ya Rojhilata-nêvê ava bikin.
[Yanî: Li gor Ocalan divêt kurd dewleteka neteweyî ava nekin lê belê divêt dewletên neteweyî Tirkiye, Îran, Iraq û Sûriye li hev bikin û yekîtiyekê çêkin da rê li ber dewleta kurdî ya serbixwe û neteweyî bigirin.]
Wekî dî jî bi vê minasebetê ez ji jin û ciwanên ko baskên xwe ji bo azadiyê berba dikin û piraniya we kesên ko li vêderê kom bûne jî pêktînin, dixwazim ko de dema pêş de di warê civakî, siyasî û ewlekariyê de ji bo têkoşîna azadî û wekheviyê bi awayelê aktîv rola xwe bilehîzin û bi ser kevin.
Ji bilî wê jî ez silaman li berxwedana Kobanê ya ko meneyeka wê ya mezin hem ji bo herêma me û hem ji bo civaka nêvdewletî heye dikim. Û silaman li "Ruhê Eşmeyê" yê ko li ser vî esasî ava bû û bû sembola tarîxeka nû di nêvbera gelên me de dikim. Ew hemî tesbîtên ko min li jorê destnîşan kirin bi yek cumleyê dikarim bêjim bangeka giring e ji bo tarîxa me û îroya me û ji bo revîzyon, nûvekirin û avakirina civaka me.
[Yanî: Li gor Ocalan divêt kurdên Kurdistana Sûriyeyê bi "Ruhê Eşmeyê" yê kalikê dewleta osmaniyan Suleyman Şah bratiya xwe ya digel tirkan qewîn bikin û heger rê hebe Kurdistana Sûriyeyê û Kobanê jî bikeve bin destê Tirkiyeyê de.]
Careka dî hêvî dikim ko ev newroza tarîxî bi amadebûna şexsê we ji bo hemî mirovayetiyê bibe wesîleya xêrê û silaman li we dikim.
Bijî newroz,
Bijî bratiya gelan
Abdullah Ocalan, 21/3 2015
***
Yê ko gelek mereq jî bike bila teksta nameya Ocalan bi zimanê tirkî li jêrê bixwîne.
TÜM HALKLARIMIZA
Barışın, eşitliğin, özgürlük ve demokrasinin yanında yer alan tüm halklarımızın ve dostlarımızın Newroz'unu selamlıyorum.
Emperyalist kapitalizmin ve despotik yerel işbirlikçilerinin tüm dünyaya dayattığı Neo liberal politikaların yol açtığı kriz, bölgemiz ve ülkemizde çok yıkıcı bir şekilde yaşanmaktadır. Halklarımızın ve kültürlerinin etnik ve dini farklılıkları, bu kriz ortamında, anlamsız ve acımasız kimlik savaşlarıyla tüketilmektedir. Ne tarihi ne çağdaş, ne de vicdani ve siyasi değerlerimiz bu tabloya asla sessiz ve bigâne kalamaz. Bilakis acil bir müdahale, dini inançlarımız, siyasi ve ahlaki sorumluluğumuzun gereğidir.
Ülkemiz halklarının, demokrasi, özgürlük, kardeşlik ve onurlu barışı için yürüttüğümüz mücadele bu gün tarihi bir eşiktedir. Kırk yıllık hareketimizin acılarla dolu geçen bu mücadelesi boşa gitmediği gibi aynen sürdürülemez bir aşamaya da varmış bulunmaktadır. Tarih ve halklarımız bizden dönemin ruhuna uygun bir demokratik çözümü ve barışı talep etmektedir. Bu temelde tarihi Dolmabahçe Sarayında, hepimizce resmen ilan edilen on maddelik deklerasyon temelinde yeni bir süreci başlatma görevi ile karşı karşıyayız.
Deklarasyon gereği ilkelerde mutabakat oluşmasıyla birlikte PKK'nin Türkiye Cumhuriyeti'ne karşı yaklaşık kırk yıldır yürüttüğü silahlı olan mücadeleyi sonlandırmak ve yeni dönemin ruhuna uygun siyasal ve toplumsal strateji ve taktiklerini belirlemek için bir kongre yapmalarını gerekli ve tarihi görmekteyim. Umarım ilkesel mutabakata en kısa sürede varıp Parlamento üyeleri ve İzleme Heyetinden teşkil edilen bir Hakikat ve Yüzleşme komisyonundan geçerek bu kongreyi başarıyla realize etme durumunu yaşarız. Bu kongremizle birlikte artık yeni dönem başlamaktadır. Bu yeni dönemde, Türkiye Cumhuriyeti dahilinde özgür ve eşit Anayasal yurttaşlık temelinde demokratik kimlik sahibi demokratik toplum olarak, barış içinde ve kardeşçe yaşama sürecine giriyoruz. Böylelikle 90 yıllık Cumhuriyet tarihinin çatışmalarla dolu geçmişini aşıp gerçek barış ve evrensel demokrasi kriterleri ile örülmüş bir geleceğe yürüyoruz. Newroz'un gerçek tarihine yaraşan da huzurunuzda böyle bir aşamayı selamlamaktır. Ve lakin ülkemiz ve halklarımız için doğru olan olgular, aynı zamanda kutsallarla dolu bölgemiz için de geçerli olmak durumundadır. Kapitalist emperyalizmin genelde son iki yüz yıllık, özelde son yüz yıllık gerçeği şudur: Ulus devlet milliyetçiliği temelinde etnik ve dini kimlikleri özüne ters biçimde içe doğru kapatıp birbirlerine düşman etmek, yani böl-yönet politikasına uygun olarak varlığını acımasızca günümüze kadar sürdürmek!
Bilmeliyiz ki Ortadoğu üzerindeki emellerinden vazgeçmeyen Emperyalist güçlerin yol açtığı son zorbalık IŞİD görüntüsünde ortaya çıkmıştır. Barbarlığın bile anlamını zorlayan bu örgüt, kadın çocuk demeden, Kürtler, Türkmenler, Araplar, Ezidiler, ve Asuri-Süryaniler başta olmak üzere bütün bölge halklarına ve inançlarına dönük vahşice katliamlar sergiledi.
Artık gün bu acımasız ve yıkıcı tarihi sonlandırıp gerçek geçmişimize uygun barış, kardeşlik ve demokrasiye geçiş yapma günüdür. Doğru bildiğim ve inancım gereği; çatışmacı, tüketici, yıkıcı milliyetçiliğin doğurduğu ulus devletleri demokratik siyasetle aşarak açık demokratik kimliklerle bir ortaklaşmaya geçmenin mecburiyetidir. Bunun için ulus devletleri kendi içinde demokratik siyasetle demokratik ortaklaşmanın yeni bir türünü gerçekleştirmeye ve yine ulus devletleri kendi aralarında Ortadoğu'nun demokratik ortak evini inşa etmeye çağırıyorum.
Ayrıca bugün vesilesiyle mahşeri topluluğunuzun ezici çoğunluğunu teşkil eden özgürlüğe kanat çırpan kadınları ve gençleri önümüzdeki dönemin ekonomik, sosyal, siyasal ve güvenlik alanlarında özgürlük ve eşitlik mücadelesinde en aktif bir biçimde yer almaya ve başarmaya çağırıyorum. Ayrıyeten hem bölgemiz için hem de uluslararası dünya için büyük anlamı olan Kobani direnişini ve zaferini selamlıyorum. Bu temelde gelişen 'Eşme ruhunu' halklarımız arasında yeni tarihin sembolü olarak selamlıyorum. Yukarıda belirlemeye çalıştığım tüm bu saptamalar tek cümleyle tarihimizin ve güncelliğimizin toplum olarak yeniden revizyonu, restorasyonu ve yeniden inşası için değerli bir çağrıdır.
Tekrar bu tarihi Newroz'un şahsınızda tüm insanlık için büyük hayırlara vesile olması dileğiyle selamlıyorum.
Yaşasın Newroz,
Yaşasın Halkların Kardeşliği… |
