Nefel

[ ÎNÊ, 2024-04-26 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

KCK-ê xwe ji ber barê HDP-ê û Ocalan avêt

» Cemaeta KCK-ê rêberê xwe Ocalan xist halekê teng de

DIYARBEKIR, 12/6 2015 — KCK-ê îro bi daxuyaniyeka nivîskî xwe ji ber barê HDP-ê û barê rêberê PKK-ê Abdullah Ocalan avêt û got HDP ne partiyeka girêdayî PKK-ê ye û rêberê PKK-ê Ocalan jî nikare bibêje dest ji sîlehan berdin.

KCK-ê di daxuyaniya xwe ya nivîskî de behsa hilbijartinên Parlamentoya Tirkiyeyê kir û got hikûmeta AK Partiyê tenê wan mijûl dike û ti gavan naavêje. KCK-ê got ji bo çareserkirina "pirsa kurdî" jî divêt AK Partî destûrê bide ko rêberê PKK-ê Ocalan bi hemî kesên ko dixwaze re hevdîtinan bike û got:

— Heta ko rêberê Tevgera Azadiyê ya Kurdan rêber Apo azad nebe û îradeya çareserkirinê dernekeve meydanê ne mimkin e ko sîleh bên danîn. HDP-ê biryara çekdarkirina gerîlayan û têkoşîna li dijî dewleta Tirkiyeyê nedaye heta ko rola HDP-ê ya wê yekê hebe ko ji gerîlayan re bibêje dest ji têkoşîna li hemberî Tirkiyeyê berdin. Heta ko rêber Apo di bin şertên êxsîrbûnê de be hîç kesek nikare li ser rêber Apo ferz bike ko gerîla dest ji sîlehan berdin û wisa bike jî nayêt qebûl kirin.

KCK-ê pir vekirî diyar kir ko biryara têkoşîna çekdarî ya li dijî dewleta Tirkiyeyê di destê KCK-ê de ye û got:

— Divêt em vekirî destnîşan bikin ko meseleya destjêberdana têkoşîna çekdarî li hemberî Tirkiyeyê û biryardana li ser wê yekê bi temamî di destê Tevgera me ya Azadiyê de ye. Divêt hemî kes vê yekê bizanin ko HDP ne partiyeka qanûnî ya PKK-ê ye. Jixwe pêkhateya HDP-ê jî vê yekê nîşan dide. Gelek alî û kesên jihevcida yên ko dixwazin Tirkiye demokratîze bibe û pirsa kurdî çareser bibe di nêv HDP-ê de gehiştine hevdu. Yanî ne HDP dikare bangeka wisa bike û di şertên heyî yên Îmraliyê de ne mimkin e ko rêber Apo jî bangeka wisa bike.

KCK-ê di daxuyaniya xwe de got yên ko hêviya çekdanîna gerîlayan ji HDP-ê yan ji rêberê PKK-ê Abdullah Ocalan dikin nîşan didin ko ew naxwazin pirsa kurdî çareser bikin.

Rêberê PKK-ê Abdullah Ocalan di rewşeka gelek xirab de ye. Ji aliyekî ve HDP-ê guhê xwe neda wî û wekî partî ket hilbijartinan, ji aliyê dî ve KCK jî dibêje Ocalan nikare biryara çekdanînê bide û heger bide jî KCK guhê xwe nadiyê.

Hikûmeta AK Partiyê û Erdogan jî ji ber ko HDP û KCK guhê xwe nadin Ocalan zêde qîmetî nadin Ocalan û wî li girava Îmraliyê îzole dikin û nahêlin heyetên HDP-ê biçin û wî bibînin.

-----------------------------------

Nivîskar: Nefel-Nûçe
Weşandin: 2015-06-12
Xwendin: 3206