Nefel

[ ŞEMÎ, 2024-04-27 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Serokê Kurdistanê spasiya hemî hêzên çekdar yên Kurdistanê kir


	» Mesûd Barzanî

HEWLÊR, 14/11 2015 — Serokê Kurdistanê Mesûd Barzanî duhî bi daxuyaniyeka nivîskî spasiya hemî hêzên çekdar yên Kurdistanê ko beşdarî operasyona azadkirina Şingalê bûn kir û got hemahengiya bêwêne ya di nêvbera wan hêzan de Şingal rizgar kir.

Teksta daxuyaniya serokê Kurdistanê Mesûd Barzanî li jêrê ye:

Bi navê Xwedayê mezin û dilovan

Azadkirina Şingalê ji destê terorîstên Da'îşê ji aliyê rûyê eskerî û siyasî û dîrokî ve serkeftineka mezin bû ji bo gelê Kurdistanê ko bi destê pêşmergeyên me yên qehreman hate tomar kirin. Ev serkeftin ji hemî aliyan re dibêje êdî ew roj çû ko dagîrker û sîtemkar gelê Kurdistanê biçewsînin. Niha gelê Kurdistanê serbilindane bergiriyê li xwe dike û dijmin dişkîne û parêzerê bihayên mirovayetiyê ye jî.

Piştî dagîrkirina Şingalê û ew karesata li ser xuşk û birayên me yên êzîdî de hat em amade bûn hemî rêyan biceribînin û gelek bedelan bidin da Şingalê azad bikin bo ko bawerîbixwebûn ji bo gelê Kurdistanê û xuşk û birayên me yên êzîdî vegere û da dijmin û terorîstan ji axa pîroza Kurdistanê derbixin.

Di demên derbasbûyî de xuşk û birayên me yên êzîdî du caran zulm li wan hatibû kirin, bi sedema kurdbûna wan sîtem li wan hatiye kirin û bi sedema olê jî hatine çewsandin û êş kişandine. Dixwazim xuşk û birayên êzîdî ji wê yekê dilniya bikim ko herdem gelê Kurdistanê palpiştê wan e û ew beşekî ezîzê Kurdistanê ne û pêşmerge bi xwîn û qurbanîdana xwe wê yekê selmand. Kurdistan jî welatê pêkvejiyan û birayetî û lêborîna ol û neteweyên cida ye û divê ew çanda gelê Kurdistanê wekî xwe bimîne û bêt dewlemendtir kirin.

Pîrozbahiya azadbûna Şingalê li hemî hemwelatiyên Kurdistanê dikim ko bi dest û bazoyên pêşmergeyên qehreman pêkhat. Serkeftineka mezin ko herdem dîrok ji bîr nake. Li vir pêwîst dizanim spasiya Emerîkayê û hêzên hevpeymanan bikim ko li azadkirina Şingalê de bi palpiştiya asmanî ya bêwêne yarmetîderê pêşmerge bûn. Spasî wan hemî hêzên beşdarbûyî yên pêşmerge û fermandeyên wan dikim ko ev destana mezin tomar kirin.

Spasiyên xwe yên bê payan pêşkêşî pêşmergeyên Fermandeya Zêrevanî û Yekîneyên Pêşmergeyên Rojava, Fermandeya Şingal, Fermandeya Dihok, Fermandeya Hêzên Piştevanî Yek, Fermandeya Barzan, Leşkerê Taybetî Yek, Leşkerê Gulan, Leşkerê Taybetî Du, Hêza Dijî Teror, Hêza Taybetî Yek, Hêza 32, Hêza Jîngeha Dihok, Lîwaya Hevbeşên ser bi Wezareta pêşmerge, Lîwaya 4, Lîwaya 8, Lîwaya 12, Lîwaya 111 ê ser bi Yekîneya Heftih û Hêzên Xwebexşan dikim ko bi îradeyekî polayî beşdarî operasyona azadkirina Şingalê bûn. Spasiya Yekîneyên ser bi Encûmena Asayîşa Herêma Kurdistanê dikim ko roleka wan ya bi bandor li birêveçûna operasyonê û gihandina zanyariyên dirust û hemahengî li gel hêzên hevpeymanan û danîna plana rizgarkirina Şingalê da hebû.

Azadkirina Şingalê destana qehremaniya bêwêne ya zarok û gedeyên gelê Kurdistanê ye û tesîreka mezin li ser bawerîbixwebûn û paşaroja gelê Kurdistanê dike ji bo wê yekê pêwîst bû gelê Kurdistanê agahdarî rola wan hêzan be ko beşdarî operasyonê bûn û dîrok dê wan bi bîr bîne.

Li dawiyê de hezaran silav ji bo giyanê pak yê şehîdên me yên nemir dişînim û hêviyê ji Xwedayê mezin dikim ko şîfaya xêrê bide birîndaran û hêviya paşarojeka geş ji bo gelê Kurdistanê dixwazim.

Mesûd Barzanî
Serokê Herêma Kurdistanê
13/11 2015

-----------------------------------

Nivîskar: Nefel-Nûçe
Weşandin: 2015-11-14
Xwendin: 5284