Nefel

[ PÊNCŞEM, 2024-04-25 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KULTURMAGAZÎN

how much is an abortion pill Philippines
abortion pill online philippines
fjrigjwwe9r1TabArticles:ArticleHeadline
fjrigjwwe9r0TabArticles:ArticleHeadline
mirtazapine 15mg tablets
mirtazapine 15mg tablets side effects click
fiogf49gjkf0d
Şkêvlatok (kîso) û Behmenê Qubadî bi hev re ji Kurdistanê ber bi dinyayê ve difirin


	» Behmenê Qubadî

HEWLÊR, 1/7 2005 — Behmenê Qubadî rejîsorekê kurdê li dinyayê naskirî ye. Guman li ser jêhatîbûn û berhemdariya wî nîne û îro ew ji kêfan digel şkêvlatokên xwe yanî kîsoyên xwe difire û dixwaze kurdan û Kurdistanê jî bi xwe re bifirîne û bibe nêv refên sînemaya dinyayê. Ji bo rejîsorekê wekî Behmenê Qubadî welatek û piştgiriyeka aborî û menewî ya xurt lazim e û Behmenê Qubadî dibêje wî ew welat û ew kesê ko pişta wî bigire û wî fêm bike peyda kiriye.

Wekî adet serokwezîrên dinyayê xwe tevlî kar û pêwistiyên rojane yên rejîsorekî nakin û dema wan jî bo wê yekê nîne. Lê belê serokwezîrê Kurdistanê Nêçîrvan Barzanî ji nêzîk ve piştgiriya madî û menewî ya Behmenê Qubadî dike û lewra jî Behmenê Qubadî dibêje ew û Nêçîrvan Barzanî bi hev re dê Hewlêrê bikin qibleya sînemayê li Rojhilata-nêvê û dê stûdyoyên mezin û salonên sînemayê yên mezin li Kurdistanê û Hewlêrê ava bikin.

Hevkarekê bênav yê Peyamnêrê sohbeteka xweş digel Behmenê Qubadî kiriye û me ew wergerand bo kirmanciyê da tu jî bibî şirîkê proje û bexteweriya Behmenê Qubadî û digel wî û şkêvlatokên (kîsoyên) wî bifirî.

***

Behmenê Qubadî: Hewlêr dê bibe mezitirîn cemsera (qutba) sînemayê li deverê

Behmenê Qubadî ji bo wênekirina beşa duyê yê filmekê xwe yê belgeyî li Kurdistanê bû. Wî di axiftinekê de behsa kar û projeyên ko wî li ber e encam bide kir. Ew li ser hinek ji karên xwe axivî û got:

— Ez ko giham vê derê berî her tiştekî ez çûm cem cenabê serok Mesûd Barzanî û min pîrozbahiya serokatiyê lê kir. Paşê ez çûm cem serokê hikûmeta Kurdistanê Nêçîrvan Barzanî û min jê re behsa projeyên xwe kir.

Behmenê Qubadî ko gelek şeydayê kesatiya Nêçîrvan Barzanî ye got:

— Ez bawer nakim li dinyayê çi serokwezîrek hebe qasî Nêçîrvan Barzanî pûteyê bide pîşesazî û hunera sînemayê. Ew bi hemî pêçêbûnên xwe ve pişta sînemasaziyê digire. Ez jê ecêb mam, ew heta peyva dawiyê jî guhdariya senaryoya filmê te dike û paşê mîna rejîsorekî dikeve ber xema wan kêmaniyên ko dibe ko di dema karkirinê de bikevin di rêya te de. Ji wê jî giringtir ko berhema filma te timam bû ew di wan sînemayên bêxêr yên Kurdistanê de bi diyariyê ve rûdine heta filma te timam dibe.

Behmenî, ko hikûmeta Kurdistanê arîkariyeka baş ji filmên wî yên dawiyê re kir, got:

— Bi xêra kak Nêçîrvanî Hewlêr dê bibe mezintirîn qibleya sînemayê li deverê. Ev axiftin ne ji xwe ne. Wî biryar daye ko berî her tiştekî akademiyeka sînemayê dabimezrîne û bi rêya min çend salonên mezin yên sînemayê li Hewlêrê û bajarên din yên Kurdistanê durist bike. Ji bilî van hemiyan di demeka gelek nêzîk de dê mezintirîn studyoya çêkirina sînemayî û laburatowar li Hewlêrê bêt durist kirin ko mîna wê studyo û wê laburatowarê heta li Îranê jî nîne.

Ew bi çavekê pirî hêvî berê xwe dide sînemaya kurdî û dibêje:

— Ez narawest im. Projeya filmekê din li ber destên min e. Navê wî ”Em ne xelkê ti welatekî ne” ye. Niho navê wî weha ye, evca Xudê dizane ka heta timam dibe ez dê çend navên din lê bikim. Niho her ez digel xwe diînim û dibim û bi jan im û li pey jineka 45-salî digerim bo ko wê bikim aktrîsa serekî. Film dê ji aliyê kompanyaya Mijfilm ve bête çêkirin û ew kompanyaya yekê ya berhemên sînema kurdî ye li cîhanê û me berî sê salan damezrandiye û hikûmeta Kurdistanê û hikûmeta Fransayê piştgiriyê dike. Bûyerên dastana filmî li du parçeyên bakur û başûrê Kurdistanê ne. Ez beşeka filmî li bakurê Kurdistanê û beşa din jî li Zaxoyê wêne dikim. Hêvîdar im ez tê de serbikevim.

Behmen ji ”Kîselan” razî ye û bi dîtina wî filmê wî yê berê gelek serketin bi dest ve anî û dibêje:

— Sihûneh welatan filmê min wergirt û di piraniya wan de hat nîşan dan. Ez bi wî filmî di 70 festîvalên navneteweyî de beşdar bûm û pê 27 xelatên navneteweyî bi dest ve anîn û ew li sala 2004-ê ket nav rêza 10 filmên pirfiroş li dinyayê û wê bi taybetî li Spanya, Kore, Emerîka û Brîtanyayê heşir kir.

Li van dawiyan Huner Selîmî jî bi filmê xwe ”Sifir Kîlometre” da ser rêça Behmenê Qubadî û giha festîvala Cannesê. Li Îranê neyarên Behmenî ko behsa filml hunerî kir, gotin ko hevrik ji Behmenî re peyda bûne. Qubadî di wî warî de dibêje:

— Berûvajî wê yekê ez pê xweş im ko xelkekê din hebe filman durist bike. Eger ez bi tenê bim hunera min nahêt dîtin. Divêt ko xelkên din jî hebin bona ko sewiyeya min ya hunerî di hevrikiyê de diyar bibe. Evca ji bilî vê jî ez kesê yekê bûm ko piştgiriya Huner Selîmî kirî. Min gelek bizav jî kir ko li Fransayê arîkariya wî bêt kirin û di vê de ew bi xwe dê şehdehiyê bide. Lê rastiyeka din heye ko divêt ez bibêjim û ew jî ew e ko ne giring e ka film diçe kîjan festîvalê lê ya giring ew e ka film çend belav dibe. Ez digel sînemaya pîşesazî de me ne digel ya hunerî de. Divêt film biçe nav cadeyên yek bi yek yên welatên dinyayê bo ko bihêt nasîn û tu bikarî peyama xwe bigehînî. Bi festîvalê nagehiye wê armancê.

Behmen bo miletekê ko sînemaya wî nîne, ko rexnegir û heta temaşeavên wî jî nîne filman durist dike. Qasî ko Behmen Qubadî li derveyî Kurdistanê têt nasîn hind li Kurdistanê nenaskirî ye. Behmen hest bi çi dike, erê gelo ew dilsar nabe? Ew dibêje:

— Xelkek peyda bûye hem dibînin û hem jî rexneyê digirin. Sînemaya Kurdistanê hejar e, berhemanîna wê bi hejarî dest pê dike û warên din jî weha ne. Ez sar nabim û hêviya min weha ye ko dê hemî warên berhemanînê, temaşekirin û rexne pev re pêş bikevin.

Ew niho ji Bexdayê vegeriyaye û dê subehî biçe Tehranê. Wî li Bexdayê çi kir û mijûlî çi bû? Behmen dibêje:

— Min li Bexdayê beşa duyê ji filmê Sendibad û çil dizên Bexdayê timam kir. Film belgename ye û ez wê bo BBC çêdikim. Heta ew belav nebe ez nikarim behsa tiştekî jê bikim. Lê li Bexdayê ez çûm cem berêz mam Celalî serokomarê Îraqê û min sera doktor Berhem Salihî jî da.

Behmen bi berdewamî digel amatoran kar dike û wan kêm caran di filmên xwe de dubare dike. Erê gelo vê çendê ew mandî nekiriye?

— Sînema ji min re jiyan e, Di jiyanê de profesyonal nîne. Amatorî eynika rastîn ya jiyanê ye. Ez qet ji wan nawestim. Çimkî ez di filmî de dijîm û jiyan wekî xwe ciwan e. Lê ez wê jî li ber te naveşêrim ko eve sal û nîv e ez li Hollywoodê li pey akterekê navdar yê emerîkî me bo ko di filmekê min de bi rolekê rabe.

Xewna çûna Hollywoodê di ser û mejiyê her akter û sînemakarekî de ye. Gelo Behmenî hizra hindê kiriye:

— Min jî divêt ez rojekê biçim Hollywoodê. Lê berûvajî niho min nevêt li Hollywoodê filmekê pîşesazî durist bikim, lê min divêt ez filmekê mezin ya hunerî durist bikim.

”Kîso dikarin bifirin” navê filmê dawiyê yê Qubadî ye.

Bo zêdetir zanyariyan li ser karên Behmenê Qubadî li vê malperê binêre.

www.mijfilm.com

-----------------------------------

Nivîskar: Nefel-Kulturmagazîn
Weşandin: 2005-07-01
Xwendin: 3656