Nefel

[ DUŞEM, 2024-04-29 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

EWROKURD

fjrigjwwe9r0TabArticles:ArticleHeadline
Jack Straw tixûbên Kurdistanê û Tirkiyeyê nizane – nûçeanalîz


	» Wezîrê derve yê Brîtanyayê Jack Straw pêşiya xwe nabîne

LONDON, 13/7 2005 — Brîtanya bi xurtî piştgiriya endametiya Tirkiyeyê ya Yekîtiya Ewropayê dike û di van şeş mehên bên de di dema serokatiya xwe ya Yekîtiya Ewropayê de çi ji Brîtanyayê û wezîrê wê yê derve Jack Strawî bêt dê ji bo endametiya Tikiyeyê bike. Jack Strawî pêr li Parlamentoya Ewropayê behsa siyaseta dewleta xwe û programa xebatê ya Brîtanyayê kir.

Wezîrê derve yê Brîtanyayê wekî bersiv bo pirsa parlamenterekî ka demokrasî li Tirkiyeyê heye yan nîne û ka çima tesîra eskeran hewqasê li ser hikûmetê heye got:

— Li Tirkiyeyê esker ji dema Ataturkî ve rolê [di siyasetê de] dilehîzin. Heger em bi awayekê stratejîk lê binêrin divêt Tirkiye bibe endama Yekîtiya Ewropayê. Dinya hêdî ne bi îstiqrar e. Tirkiye yan dê têkeve xerbê yan jî têkeve şerqê. Vêca ez dipirsim ka hon kîjanê dibijêrin.

— Di nêv Yekîtiya Ewropayê de minaqeşeya berfirehkirinê têt kirin û têt pirsîn ka tixûb li kû xelas dibin û tixûbên Ewropayê kîjan dever in. Tixûbê Yekîtiya Ewropayê yê niho rojhilatê Tirkiyeyê ye.

Carekê Tirkiye hêj nebûye endama Yekîtiya Ewropayê û rojhilatê Tirkiyeyê jî ne Tirkiye ye û Kurdistan e. Komîsyona Yekîtiya Ewropayê jî di raporên xwe de behsa bakurê Kurdistanê dike û dinivîsîne ko zêdetirî 20 milyonan kurd li wê derê dijîn û aliyê Îran, Iraq û Sûriyeyê jî Kurdistan e û kurd li wan cihan jî dijîn û ev jî problemeka mezin e bo Yekîtiya Ewropayê.

Ewropiyan û Yekîtiya Ewropayê wekî xeyal û proje heta Kafkasyayê û bakurê Efrîqayê hemî di mîhwera berjewendiyên xwe de destnîşan kiriye lê belê xeyal û proje tiştek e û realîte tişteka gelekê cidatir e.

Ewropî û Jack Straw ji bo berjewendiyên xwe yên siyasî û stratejîk dikarin çavê xwe ji desthilata eskerî ya tirkan re bigirin û bakurê Kurdistanê jî hemiyê di xeyal û projeya xwe de bifiroşin tirkan. Lê belê berî ko xeyala wan pêk bêt tixûbê Kurdistana mezin dikare bigihî deryaya spî û nêzîkî Enqereyê bibe û hingê dibe ko Jack Straw nexwaze tixûbên Yekîtiya Ewropayê bigihî Trakyayê jî û nexwaze Tirkiyeyê ti caran bike endama Yekîtiya Ewropayê jî.

Yekîtiya Ewropayê û ewropiyan li Balkanê yanî li Yogoslavyaya berê, bi xwe de rîtin û nekarîn tiştekê ji tiştekê safî bikin û emerîkiyan rewşa wê derê çareser kir. Li Rojhilata-nêvê û Kurdistanê jî ewropî hê jî pişta dewletên statûkoperest digirin û dihesibînin ko dê bi arîkariya wan dewletan berjewendiyên xwe biparêzin.

Aqilê wezîrê derve yê Brîtanyayê Jack Strawî nehatiye serê wî lê belê aqilê wezîra derve ya Emerîkayê Condoleezza Riceyê hatiye serê wê û ew di gelek minasebetan de û li gelek cihan dibêje ko Emerîka hêdî li Rojhilata-nêvê pişta statûkoperestan nagire û dê pişta hêz û miletên ko statûkoyê têkbibin û aramiyê bînin herêmê bigire.

Piştî 10–15 salan Jack Straw heger heta hingê hêj bi siyasetê ve mijûl bibe dê ne tenê li Hewlêrê ji serokwezîrê Kurdistanê Nêçîrvan Barzanî re bibêje “Mr. Prime minister” yanî “rêzdar serokwezîr” û dê hingê ji yekê wekî Nêçîrvan Barzanî re li Diyarbekirê bi mebesta serokwezîrê hemî Kurdistanê bibêje “rêzdar serokwezîrê Kurdistanê”.

-----------------------------------

Nivîskar: Nefel-Nûçe
Weşandin: 2005-07-13
Xwendin: 14314